„Ивица и Марица“ и „Сомнително лице“ - премиери во април на Летечката театарска трупа од Тетово - Канал 5

Култура

„Ивица и Марица“ и „Сомнително лице“ - премиери во април на Летечката театарска трупа од Тетово

Тетовското драмско студио Летечка театарска трупа овој месец има две премиери „Ивица и Марица“ и „Сомнително лице“.  

„Ивица и Марица“ и „Сомнително лице“ - премиери во април на Летечката театарска трупа од Тетово

На 1 април беше премиерата на „Ивица и Марица“ додека премиерата на „Сомнително лице“ на Бранислав Нушиќ е закажана за 9 април во 19 часот.

Приказната за храброста на Ивица и Марица и нивната пожртвуваност за семејството иако се само деца. Ова е сижето на истоимената театарска претстава на Летечката театарска трупа од Тетово чија премиера се одржа на 1 април. Оваа претстава имаше и втора изведба следниот ден кога ја погледнаа и ученици од тетовските основни училишта.

„Нашата „Ивица и Марица“ претставува поинакво гледиште на оваа традиционална сказна, која во нашиот случај е само позајмена и искористена како патека за пласирање на идејата за здрава, домашно произведена храна како силен предуслов за здрав човек и успешна личност. Нашата преработка на сказната вклучува комични и возбудливи елементи без вметнување современ наратив со што се зачувува едноставноста и леснотијата во раскажувањето на приказната што води кон лесна приемчивост кај најмладата публика. Претставата има и елементи на мјузикл, со песни кои ги исполнуваат дел од актерите, изјави режисерот Владимир Јованоски.

Театарската претстава „Ивица и Марица“ изобилува со оригинални костими, живописна сценографија и соодветна музичка илустрација. За режисерот Јованоски најважно е што најмладата публика јасно ги воочила клучните пораки од претставата за позитивните и негативните човекови особини.

-Сказната за Ивица и Марица треба да придонесе кон зајакнување на традиционалните детски карактерни особини, како вредноста и послушноста. Преку театарската игра ѝ се даде јасна порака на најмладата публика дека негативните ефекти од нездравиот начин на живот и исхрана носат опасности и последици со кои понатаму во животот ќе треба да се соочат. Паралелно со ова, очекуваме да се подигне цивилизациската свест кај најмладата генерација за наклоност кон уметноста, омасовување на театарската публика преку градење навика на родителот да го носи своето дете на театарска претстава, а со тоа создавање здрава и културно изградена публика, вели Јованоски.

Театарската претстава „Ивица и Марица“ е поддржана од Министерството за култура преку годишната програма за поддршка на проекти од национален интерес за 2024 година.

Покрај оваа, Летечка театарска трупа подготвува уште една премиера. Се работи за комедијата „Сомнително лице“ на Бранислав Нушиќ која премиерно ќе биде изведена на 9 април во 19 часот, а втората изведба е во четврток (11 април) во 19 часот во НУ ЦК „Иљо Антески Смок“ во Тетово.

Режисер на претставата е Зоран Јованоски, според кого, се работи за преработка на Нушиќевата безвременска комедија која е така приспособена за од неа да можат да извлечат животна поука како младите, така и возрасната публика.

-Нашата преработка на „Сомнително лице“ треба да придонесе кон зајакнување како на традиционалните, така и на современите позитивни човекови вредности, мудро канализирани во младешката бунтовност, позитивни промени, следење на современите текови, почитување на веќе воспоставените вредности и осознавање нови, истакна Јованоски кој најавува „смеење до солзи“ на нивната преработка на „Сомнително лице“. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Израел ѝ се закани на Турција

Израел ја обвини Турција за „опасни авантури во Сирија“, додека Анкара повика на прекин на „неодговорните“ израелски напади, два дена откако Израел бомбардираше сириска воздухопловна база за која рече дека требало да биде домаќин на турски трупи.

Израел ѝ се закани на Турција

Нападот ги изнесе на виделина тензиите меѓу регионалните сили Турција и Израел околу Сирија, арапска држава која граничи со двете земји и каде влијанието на Анкара како сојузник на претседателот Ахмед ал-Шара предизвика загриженост на Израел откако Шара го собори Башар ал-Асад во 2024 година.

Израел тврди дека Дамаск бил блиску до одобрување на распоредување на турски трупи во воздухопловната база Абу ал-Духур и ги игнорирал израелските предупредувања дека таквото распоредување би претставувало закана за безбедноста на Израел. Турција го негираше ова.

Израелскиот министер за одбрана се огласи

Израелскиот министер за одбрана Израел Кац го предупреди турскиот претседател Реџеп Таип Ердоган во вторникот да не ја тестира решителноста на Израел да се брани, обвинувајќи го турскиот лидер дека ја влече својата земја во „опасни авантури“ во Сирија.

„Ердоган ја влече Турција во опасни авантури во Сирија. Израел нема да дозволи ниту еден актер да ја загрози неговата безбедност. Подобро би било Ердоган да продолжи да држи празни говори против Израел во турскиот парламент, наместо да ја тестира решителноста на Израел да се брани“, рече Кац.

Сириски министер за надворешни работи: Турски воени офицери ја посетија базата

Сирискиот министер за надворешни работи Асад ал-Шаибани изјави за Аксиос дека јасно му ставил до знаење на Израел дека нема планови за воспоставување турска воена база во Абу ал-Духур. Тој додаде дека турски воени офицери ја посетиле базата неколку дена пред нападот, но нагласи дека тоа е дел од „тековната воена соработка во областите на обука и размена на експертиза“.

Турското Министерство за одбрана соопшти дека немало турска воена делегација во базата пред или за време на нападот и дека Турција ќе продолжи да ги поддржува напорите на Сирија да развие сопствени воени капацитети и инфраструктура.

„Клучно е за мирот и стабилноста на Сирија и регионот Израел да ги запре ваквите неодговорни напади и да ги почитува барањата на меѓународното право“, соопшти турското Министерство за одбрана.

Изворите за Ројтерс изјавија дека прашањето за распоредување на турски сили во Сирија било дискутирано за време на редок телефонски разговор меѓу Шаибани и шефот на израелската разузнавачка агенција Мосад, Роман Гофман, неколку дена пред нападот.

Израел изврши неколку напади врз Сирија по соборувањето на Асад

Турција, членка на НАТО која дели 900-километарска граница со Сирија, е клучен играч во 13-годишната граѓанска војна. Таа ги поддржува бунтовниците против Асад и постојано испраќа војници во Сирија за да ги потисне активностите на курдските групи што ги смета за закана за националната безбедност.

Загриженоста на Израел за иранското влијание во Сирија под Асад сега е заменета со загриженост за улогата на Турција, откако Асад беше соборен од бунтовниците предводени од Шара, поранешен командант на Ал Каеда, кој оттогаш разви блиски врски со САД. Израел изврши неколку напади и зазеде територија во југозападна Сирија по соборувањето на Асад. Се наведува загриженост за милитантното минато на новите сириски власти, како и потребата да се заштити заедницата Друзи, малцинство кое има и членови во Израел.

Тагови: Израел турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Човек подига трактор со голи раце- снимката од Балканецот ги запали социјалните мрежи (ВИДЕО)

Необичното видео објавено на TikTok го привлече вниманието на корисниците, и од странство и од регионот.

Човек подига трактор со голи раце- снимката од Балканецот ги запали социјалните мрежи (ВИДЕО)

Брзо стана хит, а во преден план гледаме човек кој се потпрел на тркалото на трактор и, благодарение на мускулите, успеал да го крене задниот дел од машината од земјата.

Се подразбира дека корисниците на TikTok се воодушевени од сцената, сè додека авторот не открил каде точно е снимена, што инспирирало коментари во стилот на „Некаде на Балканот“.

Коментарите се ројат! Некои со неверица ја фалат силата на човекот и го споменуваат неговиот „прав грб“, додека други на шега велат дека „дефинитивно не му треба дигалка“.

„Моите соседи тренираа кревајќи го предниот дел од тракторот, додека еден од нив креваше (IMT) 558 вака“, напиша едно лице.

„Каков крал, честитки“, додаде друго.

„Силата на овој земјоделец ги поместува границите“, заклучи трет.

@pajle_25 ♬ Miksa je luddd - Miksa Jevtić

Видеото собра голем број прегледи за кратко време, станувајќи една од главните теми на популарната платформа.

Тагови: трактор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Силен земјотрес од 6,7 степени го потресе Перу (ВИДЕО)

Силен земјотрес со магнитуда од 6,7 степени ги погоди јужните Анди во Перу во неделата, соопшти Американскиот геолошки завод (USGS). 

Силен земјотрес од 6,7 степени го потресе Перу (ВИДЕО)

Нема непосредни извештаи за штети, објави АП.

Земјотресот се случил околу 13 часот по локално време, со епицентар 38 километри северозападно од градот Упахуача, во одделот Паринакочас во регионот Ајакучо. Епицентарот на земјотресот бил на длабочина од 66,7 километри.

Земјотресот бил почувствуван во неколку региони

Земјотресот бил почувствуван во неколку региони во јужен Перу, вклучувајќи ги Ика и Арекипа. Земјотресите се честа појава во Перу, кој се наоѓа на Тихоокеанскиот огнен прстен, област со интензивна сеизмичка активност.

Земјотрес во 2007 година одзеде речиси 600 животи

Еден од најсмртоносните земјотреси во поновата историја на Перу се случи во 2007 година. Земјотрес со магнитуда од 7,9 степени ја погоди покраината Ика, при што загинаа речиси 600 луѓе.

Тагови: земјотрес Перу

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер