Инцидент при слетувањето на хеликоптерот со кој патуваше претседателот на Иран, Раиси - Канал 5

Во живо

последно ажурирање на 5.2024

Свет

Инцидент при слетувањето на хеликоптерот со кој патуваше претседателот на Иран, Раиси

Европската комисија ја активираше услугата за сателитско мапирање за да помогне во лоцирањето на хеликоптерот на иранскиот претседател.

Инцидент при слетувањето на хеликоптерот со кој патуваше претседателот на Иран, Раиси
на 5.202420:40

ЕК го активира „Коперник“, а Русија понуди помош за Иран

Европската комисија ја активираше услугата за сателитско мапирање за да помогне во лоцирањето на хеликоптерот на иранскиот претседател.

- Услугата е активирана на барање на Иран за помош, објави европскиот комесар за управување со кризи Јанез Ленарчич.

Службата за управување со итни случаи „Коперник“ на ЕК обезбедува услуги за мапирање врз основа на сателитски снимки.

Во меѓувреме портпаролката на руското Министерство за надворешни работи, Марија Захарова изјави дека Русија е подготвена да помогне во потрагата по хеликоптерот.

- Внимателно ги следиме новите информации за судбината на патниците од третиот хеликоптер, меѓу кои има и високи ирански претставници, вклучително и претседателот Раиси. Искрено се надеваме дека се живи и дека нивните животи и здравје не се во опасност. Русија е подготвена да ја обезбеди сета потребна помош во потрагата по исчезнатиот хеликоптер и во истрагата за причините за несреќата, наведе Захарова.

Претходно помош во спасувачките операции понудија Ирак и Азербејџан.

Конвој од три хеликоптери превезуваше ирански владини претставници од Азербејџан, каде присуствуваа на отворање на брана. Еден од хеликоптерите, во кој беше претседателот на Иран, Ебрахим Раис се урна во иранската покраина Источен Азербејџан. Според ИРНА во хеликоптерот бил и министерот за надворешни работи Хосеин Амирабдолахиан, гувернерот на покраината и главен имам во регионот.

Два хеликоптери слетаа безбедно во Табрис, во северозападен Иран.

на 5.202419:42

САД и ЕУ внимателно ги следат информациите за Раиси

По веста дека хеликоптерот со кој се превезувале претседателот на Иран, Ебрахим Раиси и министерот за надворешни работи Хосеин Амирабдулахиан, принудно слетал во планинската област во провинцијата Источен Азербејџан, американскиот Стејт департмент соопшти дека внимателно ги следи информациите.

- Во овој момент немаме друг коментар, истакна портпаролот на Стејт департментот.

Тој додаде дека за тоа е информиран и претседателот на САД, Џо Бајден.

И Европска Унија соопшти дека внимателно ги следи информациите за Раиси.

- Нашето срце е со иранската нација како пријател и брат. Го молиме Бога за милост и грижа за претседателот, министерот за надворешни работи и нивните придружници, изјави портпаролот на Хамас, Изат ал Ришек.

Иранската државна телевизија повтори дека сè уште нема информации за судбината на патниците во урнатиот хеликоптер и оти не може да потврди дали има загинати или повредени лица.

Додека ИРНА јави дека сè уште не е локализирано точното место на инцидентот со хеликоптерот.

Во меѓувреме иранскиот духовен лидер, ајатолахот Али Хамнеи одржа итен состанок на Советот за безбедност на Иран.

Началникот на Генералштабот на иранската армија нареди користење на сите воени ресурси за помош во операциите за пребарување и спасување.

Сè уште не е лоциран хеликоптерот, а во областа паѓа ноќ. Воздушната потрага е прекината поради лошите временски услови, а сите спасувачки операции во моментов се изведуваат од земја, јави Иранската државна телевизија. /МИА

на 5.202419:35

Ирак и Азербејџан му понудија помош на Иран

Ирак му понуди помош на Иран во пребарувањето на хеликоптерот со кој се превезуваа иранскиот претседател Ебрахим Раиси и министерот за надворешни работи Хосеин Амирабдулахиан.

Владата на Ирак им даде инструкции на Министерството за внатрешни работи, Црвената полумесечина и другите релевантни органи да помогнат во потрагата во иранската провинција Источен Азербејџан.

И претседателот на Азербејџан Илхам Алиев му понуди помош на Иран во пребарување на теренот.

Алиев истакна дека се моли за Раиси и оти е длабоко шокиран од веста за хеликоптерската несреќа, по нивната денешна средба.

Во меѓувреме, иранските медиуми објавија дека исчезнале тројца спасувачи кои трагаа по урнатиот хеликоптер.

Додека Иранската државна телевизија јави дека сè уште не е лоциран хеликоптерот, а во областа паѓа ноќ. Воздушната потрага е прекината поради лошите временски услови, а сите спасувачки операции во моментов се изведуваат од земја.

на 5.202418:27

ИРНА: Сè уште се трага по хеликоптерот

Државната Иранска новинска агенција (ИРНА) објави дека во тек е опсежна операција за пребарување и спасување откако хеликоптерот со иранскиот претседател Ебрахим Раиси беше принуден да изврши „тврдо слетување“ во планинскиот регион во северозападниот дел на Иран.

Инцидентот се случи денеска во шумата Дизмар помеѓу градовите Варзакан и Џолфа во иранската провинција Источен Азербејџан. Раиси се враќаше од Азербејџан, каде присуствуваше на отворање на брана со азербејџанскиот Илхам Алиев.

Неименуван ирански претставник за западните медиуми изјави дека хеликоптерот со кој се превезуваа иранскиот претседател Ебрахим Раиси и министерот за надворешни работи Хосеин Амирабдулахиан се урна додека летал над планинска област во иранската провинција Источен Азербејџан, изјави.

Тој истакна дека „животите на Раиси и Амирабдолахиан „се загрозени по хеликоптерската несреќа“.

- Сè уште се надеваме, но информациите кои ни доаѓаат од местото на несреќата се многу загрижувачки, наведе неименуваниот ирански претставник.

Како што јави ИРНА, повеќе од дваесет целосно опремени тимови за пребарување и спасување, вклучително беспилотни летала и кучиња трагачи, се испратени во областа. Иранските вооружени сили распоредија командоси и специјални сили за да помогнат во операцијата за пребарување.

Поради нерамниот терен на регионот и тешките временски услови, особено густата магла во областа, операцијата за пребарување и спасување би можела да потрае некое време.

Портпаролот на Иранската служба за итни случаи изјави дека осум амбулантни возила се испратени во регионот.

на 5.202417:20

Иранска новинска агенција (ИРНА) на англиски јазик објави дека се случила несреќа односно хеликоптерот се урнал. Иранската државна телевизија, како и ИРНА не јавија дали Раиси или други лица се повредени.

Претходно иранската новинската агенција Мехр објави дека операцијата за пребарување и спасување ќе потрае извесно време поради непроодноста на теренот, планинските и шумските услови, како и неповолните временски услови, особено густата магла.

Дел од иранските медиуми објавија дека некои од придружниците на претседателот во хеликоптерот успеале да стапат во контакт со централните власти, истакнувајќи оти тоа надеж дека нема жртви во инцидентот.

Конвојот на претседателот се состоеше од три хеликоптери. Во другите две летала се превезувале други ирански функционери, меѓу кои и министерот за надворешни работи Хосеин Амирабдолахиан и гувернерот на иранската провинција Источен Азербејџан.

Раиси патувал во Источен Азербејџан, а инцидентот се случи во близина на градот Џолф, во близина на границата со Азербејџан, на околу 600 километри северозападно од главниот град на Иран, Техеран.

Раиси на претседателската функција стапи во август 2021 година.

На социјалните мрежи се појави и видео од насобрани луѓе кои се молат за здравјето на Раиси.

Македонија

Вториот блок на РЕК Битола и натаму не е во функција

РЕК Битола и натаму е надвор од погон. Се работи на повторно вклучување на Блок – 2, кој единствено функционираше, а кој вчера автоматски се исклучи по пожарот во близина на ормарот за електронско управување.

Вториот блок на РЕК Битола и натаму не е во функција

Се прават и напори за реактивирање на Блок – 3 кој претходно бил искчучен, поради намалените потреби на ЕВН Хоум, додека пак Блок – 1 е во фаза на ремонт. Од ЕСМ уверуваат дека граѓаните нема да останат без струја.

-По увидот на екипите од МВР, вчера започна санацијата на ормарот за електронско управување на Блок – 2. Откако ќе заврши тој процес Блок – 2 ќе биде синхронизиран со електричната мрежа во најкус можен рок. Во меѓувреме снабдувањето со електрична енергија во државата е целосно обезбедено, преку зголемено производство од хидроелектраните, како и преку купопродажба од МЕМО. – Велат од ЕСМ.

Според извори од полицијата за Канал 5, увидот е завршен, но истрагата е се уште во тек и се вршат разговори. Доколку има основ, ќе се поднесе и кривична пријава до обвинителството. Сомнежите на ЕСМ за можна саботажа на РЕК Битола ги дели и премиерот Мицкоски, но ќе чека истрагата да го расветли случајот.. Што се однесува до работата само на еден Блок, посочи дека бил доволен за потребите на пазарот..

-Она што е важно е дека навремено снабдување со електрична енергија ќе добијат сите корисници, она што е важно дека АД ЕСМ, Владата, не побараа зголемување на електричната енергија од први јули, како што тоа го правеше многу пати минатата Влада, така да продолжуваме да го поправаме сето она што е уништено, распаднато, девестатирано го затекнавме од претходната Влада.

Инаку, поради неработењето на РЕК Битола, согласно информациите, во текот на вчерашниот ден преку МЕМО, ЕСМ купило 1910 МВЧ електрична енергија. Продадени се 116 МВЧ по просечна цена од 159 евра за МВЧ, а набавени се 1794 МВЧ, по просечна цена 54 евра за МВЧ.

YouTube video

Тагови: РЕК Битола ЕСМ

Македонија

Бурна седница во Советот на Кочани, спречена физичка пресметка ВИДЕО

На денешната седница на Советот на општина Кочани дојде до обиди за физички пресметки помеѓу поедини советници, при што од пластично шише полно со вода настрада службено лице-правник вработена во Локалната самоуправа!

Бурна седница во Советот на Кочани, спречена физичка пресметка ВИДЕО

Нервозниот советник со полно пластично шише со вода ја погоди правничката дирекно во глава. На погодената жена веднаш и помогнаа дел од советниците, но советникот кој ја погоди во шише за жал не најде време ниту да ја погледне ниту пак да и се извини.

Притоа беше спречен поголем инцидент , откако интервенираа дел од другите присутни во салата.

Непосредно по драматичниот инцидент во ходникот се појавија поддржувачи на советникот Аки Акиов , а набрзо пристигнаа и полициски службеници кои земаа изјави од присутните во врска со инцидентот.

Седницата е прекината, без најава дали и кога ќе продолжи, пренесува локалната телевизија.

Тагови: кочани

Македонија

По седум години повторно отворен комлексот „Македонско село“ на Водно, нов концесионер е фирмата „Ла Тераца“

Посетителите повторно ќе можат да отпатуваат во минатото гледајќи ги автентичните куќи и старите занаети, но и да вкусат традиционална храна на чист воздух.

По седум години повторно отворен комлексот „Македонско село“ на Водно, нов концесионер е фирмата „Ла Тераца“

Посетителите кои ќе одлучат да го посетат Македонското село во Нерези, ќе се потсетат на животот во Македонија во минатото, но и ќе се релаксираат со вкусна храна, соби со поглед на градот и чист воздух. На отворањето на Македонско село присутен беше и премиерот Христијан Мицкоски кој рече дека со повторното ставање во функција на овој коплекс, Скопје добива уште едно атрактивно туристичко место.

Според него, ова е дел од поширока стратегија за ревитализација на напуштени јавни простори, која постепено се реализира низ државата.Тој ги повика граѓаните, како и туристите кои престојуваат во главниот град, да го посетат комплексот и да уживаат во содржините кои ги нуди.

Македонското село кое се наоѓа на падините на Водно, доби нови концесионери, кој во следните 15 години ќе раководат со Комплексот.

Директорот на Службата за општи и заеднички работи, Ивица Томовски очекува со отворањето на објектот да има зголемен број на туристи во градот. До комплексот има и автобуска линија, но истата е нередовна. Очкувањата на надлежните се дека ќе се воспостави редовна автобуска линија, со доаѓањето на нов градоначалник.

Комплексот се затвори во 2019 година откако тогашниот концесионер се повлече со образложение дека „Македонско село“ било нерентабилно.

YouTube video

притисни ентер