Илир Демири го напушти Ахмети, ќе делува како независен пратеник - Канал 5

Македонија

Илир Демири го напушти Ахмети, ќе делува како независен пратеник

Пратеникот Илир Демири повеќе нема да делува во рамки на досегашната коалициска структура, туку ќе функционира како независен пратеник.

Илир Демири го напушти Ахмети, ќе делува како независен пратеник

За неговата одлука бил официјално информиран претседателот на Собранието, Африм Гаши, соопштуваат од неговиот кабинет. Со тоа, Европскиот фронт губи уште еден пратеник, што дополнително ја менува рамнотежата во парламентарното мнозинство.

Демири остана недостапен за коментар за причините околу напуштањето на коалицијата, а ниту Зијадин Села не сакаше да каже што ќе значи за Европскиот фронт, напуштањето на Демири.

Според политичкиот аналитичар Љуљзим Фаризи, последните случувања во Парламентот, се одраз на резултатите од локалните избори.

-После локалните избори од 2025 година се очекуваше дека АА предводена од Зијадин Села ќе излезе од таа коалиција, но имајќи предвид дека и пред да излезе Демири од Собранието, претходно излезе и Кренар Лога. После неговото излегување се знаеше дека и одредени други функционери кои се во таа политичка партија ќе излезат од таму, од причина што секоја политичка партија која коалицирала со ДУИ или ќе се уништела или немало да бидат веќе фактор во нашата држава, - Љуљзим Фаризи- аналитичар.

Фаризи смета дека заминувањето на Демири од Европскиот фронт, коалиција предводена од ДУИ, е вистински момент да се отвори расправата за избор на нов лидер, или барем за сериозна кадровска трансформација.

- Имајќи предвид дека ДУИ го најави Конгресот за избор за претседателот на партијата. Одредени луѓе треба да се сменат таму, односно да има реорганизација нивна, како политичка партија. Може да се каже дека политичките партии во опозиција се тотално дезориентирани и немаат визија како да продолжат понатаму,- - Љуљзим Фаризи- аналитичар.

Демири, кој беше министер за здравство лани од февруари до мај влезе во парламентот како претставник на Алијансата за Албанците од крилото на Зијадин Села, избран во шестата изборна единица. Промената доаѓа по најавата на Села дека ја прекинува соработката со ДУИ. Претходно, уште пред изборите, Европскот фронт го напушти и Мендух Тачи од ДПА.

YouTube video

Тагови: ДУИ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Арсовски: Високата излезност укажува дека има многу млади гласачи кои за првпат излегуваат на гласање

Високата излезност укажува дека има многу млади гласачи кои за првпат излегуваат на гласање.

Арсовски: Високата излезност укажува дека има многу млади гласачи кои за првпат излегуваат на гласање

Високата излезност укажува дека има многу млади гласачи кои за првпат излегуваат на гласање, а секој евентуален обид да се оспори резултатот, може да ја втурне Србија во нов период на нестабилност и политичка криза, оценува политичките аналитичар Петар Арсовски за Канал 5.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Избори во Србија: Незапаметени редици од рано наутро, излезноста над 61% до 17 часот

Гласачките кутии во Србија остануваат отворени уште два часа, но веќе сега е извесно дека излезноста ќе биде рекордна.. 

Избори во Србија: Незапаметени редици од рано наутро, излезноста над 61% до 17 часот

До 17 часот гласаа 61% од запишани 6,45 милиони глаѓани, со што се надмина вкупната излезност на претходните избори во 2023 година... Главната битка се води меѓу владејачката СНС предводена од Александар Вучиќ и Студентската листа, додека останатите партии и коалиции се борат да го поминат изборниот праг од 3 проценти за да влезат во парламентот...

Во Белград е Михаило Донев.. Михаило, расте и излезноста, но и напнатоста, со оглед дека високата излезност сугерира дека гласачите бараат промени... Каква е атмосферата во центарот на градот?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Повторно гори „Орловото гнездо“ на Хитлер (ВИДЕО)

Пожар повторно избувна ноќеска во планинското засолниште „Орловото гнездо“ во јужна Германија, кое некогаш го користел нацистичкиот диктатор Адолф Хитлер, соопшти денес баварската полиција. 

Повторно гори „Орловото гнездо“ на Хитлер (ВИДЕО)

„Повторно изгоре до висина на просторијата“, изјави полицискиот службеник.

Пожарникарите беа испратени на историското место, познато во Германија како Келштајнхаус, на самиот врв на планинското одморалиште Оберзалцберг и го изгаснаа пламенот. Не е невообичаено тлеечките жарчиња повторно да разгорат пожар откако ќе се изгасне главниот пожар, додаде службеникот, објави ЗД.

Уапсен маж

Голем пожар избувна во „Орловото гнездо“ во петокот вечерта. Полицијата го уапси осомничениот под сомнение за палење. Првичната психијатриска проценка на 33-годишниот Германец покажа дека тој е ментално болно лице, според обвинителството.

Зградата беше во голема мера уништена во пожарот, а штетата се проценува на милиони евра. „Орловото гнездо“, кое се наоѓа на надморска височина од над 1.800 метри надморска височина, е изградено под нацистичкиот режим во 1930-тите години како дел од комплексот што го користел Хитлер на Оберзалцберг.

Нацистичка историја

Се користи како ресторан од 1952 година. Сепак, објектот бил затворен во петокот и никој не бил повреден во пожарот. Хитлер го посетил „Орловото гнездо“ неколку пати за да прими дипломати и други странски гости, според локалниот туристички одбор во градот Берхтесгаден.

Сепак, од политичка гледна точка, ова засолниште „останало од мало значење“ и главно го користеле високи нацистички функционери за одмор, слободно време и приватни прослави, додава здружението. Денес, во него се одржува изложба што ја прикажува неговата нацистичка историја.

Тагови: Адолф Хитлер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер