„Иднина која инспирира“: пет проекти добиваат поддршка од dm, а граѓаните избираат меѓу три за дополнителна поддршка - Канал 5

Македонија

„Иднина која инспирира“: пет проекти добиваат поддршка од dm, а граѓаните избираат меѓу три за дополнителна поддршка

Пет проекти од областите на заштита на животната средина, социјалната поддршка, инклузијата и развојот ќе добијат финансиска поддршка од компанијата dm drogerie markt во вкупна вредност од повеќе од 2,9 милиони денари.

„Иднина која инспирира“: пет проекти добиваат поддршка од dm, а граѓаните избираат меѓу три за дополнителна поддршка

Проектите се избрани од стручно жири меѓу вкупно 74 пријавени иницијативи, а од 14 септември во изборот се вклучени и граѓаните, кои до 27 септември можат да гласаат за еден од трите проекти што се во избор за дополнителна поддршка од dm.

Пријавувањето во рамките на „Иднина која инспирира“ беше отворено од 2 март до 31 јули 2026 година, а оценувањето на проектите се одвиваше од 12 до 21 август. Во стручното жири учествуваа Гоце Калинов од „Ретвитни оброк“, Далиборка Златева, претседател на „Здружение на лица со церебрална парализа и други попречености – Велес“, Ико Брдаровски, менаџер за грижа на корисници во „Пакомак“, како и тројца претставници на dm.

Меѓу избраните е проектот „Охрид Еко 2027“ на Нуркачкиот центар „Амфора“, кој преку организирани подводни акции има цел да придонесе за отстранување на отпадот од Охридското Езеро и подигнување на свеста за неговата заштита. Поддршка ќе добие и „Херои на солидарноста: Тегла Плус за нашата заедница“ на Здружението „Љубезност“, насочен кон поддршка на ранливите категории граѓани преку солидарни акции, јавни и едукативни настани.

Македонското здружение на млади правници ќе го реализира проектот „Поддршка блиску до тебе – Заедно до правата“, преку кој мобилни тимови од правници и волонтери ќе обезбедуваат бесплатни правни совети и практична помош за лица и семејства во социјален ризик. Проектот „Заедно сме шампиони – инклузија преку спорт“ на Специјална Олимпијада – Македонија ќе овозможи млади со и без интелектуална попреченост заедно да спортуваат и да се дружат преку инклузивни активности во повеќе градови.

Петтиот избран проект е „DM HUB – Центар за благосостојба и грижа ‘Грижа за себе. Грижа за другите. Грижа за заедницата.’“ на Центарот за истражувања и анализи НОВУС. Мобилната иницијатива ќе опфати 10 општини во Југоисточниот плански регион, со активности посветени на менталното и репродуктивното здравје, еколошката одговорност, повторната употреба и волонтерството.

- Со ‘Иднина која инспирира’ сакаме поддршката да стигне до идеи што одговараат на конкретни потреби и можат да создадат долгорочна вредност за заедницата. Особено ни е важно што во оваа фаза и граѓаните имаат можност активно да се вклучат и со својот глас да придонесат една од иницијативите да добие дополнителна поддршка. Веруваме дека позитивните промени се најсилни кога во нивното создавање учествуваме заедно – вели Кристина Дуранска, менаџер за маркетинг и комуникации во dm.

Гласањето, кое започна на 14 септември, трае до 27 септември 2026 година, а граѓаните можат да избираат меѓу три проекти: „Силата е во младите“, насочен кон еколошка едукација и активно вклучување на младите во акции за почиста животна средина; „Природа што нè поврзува“, кој предвидува преобразување на запуштен градски простор во Неготино во зелено и функционално место за одмор, рекреација и дружење; и „Простор за раст – функционален центар создаден од граѓаните“, иницијатива за претворање неискористени простори во достапни центри за едукација, креативност, волонтерство и заеднички активности. Граѓаните можат да го дадат својот глас на следниот линк.

Платформата „Иднина која инспирира“ е создадена со идејата дека позитивните промени се создаваат преку конкретен ангажман и поддршка на иницијативите што одговараат на реалните потреби на заедницата. Покрај проектните пријави, платформата даде видливост и на можностите за волонтерски ангажман, со цел да поттикне повеќе граѓани да придонесат со своето време, знаење и ангажман. На тој начин, „Иднина која инспирира“ ги поврзува организациите и поединците кои сакаат активно да придонесат за подобар квалитет на живот, поздрава животна средина и посилни локални заедници.

Со „Иднина која инспирира“, dm продолжува да ги поддржува идеите што создаваат позитивни промени и оставаат трајна вредност во заедницата затоа што иднината што инспирира се создава заедно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски: Изградбата на патиштата и железниците се невозможни без експертиза на научната јавност

Изградбата на патиштата и железниците се невозможни без експертиза на научната јавност - Македонија домаќин на престижниот собир на меѓународната градежна научна јавност.

Николоски: Изградбата на патиштата и железниците се невозможни без експертиза на научната јавност

Престиж е тоа што Македонија е домаќин на еден од најголемиот собир во делот на градежништвото, каде неколку стотини професори од целиот свет диксутираат за инженерски предизвици во градежништвото, истака денеска, заменик претседателот на Владата и министер за транспорт, Александар Николоски, обраќајќи се на научната конференција “Eurock 2026” – во организација на Друштвото за геотехника на Македонија и Градежниот факултет како коорганизатор.

Во своето обраќање, заменик претседателот Николоски потенцираше дека државата и научната и стручна јавност имаат нераскинлива врска во делот на реализацијата на инфраструктурните проекти во државата.

Тој ги потенцира крупните капитални инвестиции за кои како што нагласи, научната јавност има силно влијание во решавање на комплексните инженерски решенија.

Пред присутните потенцира дека Македонија има стратешка позиција на Балканот, каде се пресекуваат двата транспортни коридори 8 и 10, што ја прават државата централна транзитна држава на европскиот транспорт.

Во таа насока истакна Николоски, Владата го реализира најобемниот инвестициски циклус од неколку милијарди евра во изградба и модернизација на патната и железничката мрежа во државата. Во такви услови, инженерска експертиза има силно влијание во реализација на проектите, се обрати заменик претседателот на Владата, Николоски.

“Скопје и Македонија имаат чест да се домаќини оваа година и тоа не е случајно, тоа е заради победата која што во 2023-та година Градежниот факултет ја однесе на собирот во Салцбург, каде што го освои првото место во делот на иновативност и затоа оваа година овој собир се случува во Скопје. Навистина е прекрасно да се видат некаде околу 600-тини професори од целиот свет, од сите делови на светот како дискутираат за најголемите инженерски предизвици кои што се во делот на градежништвото, нешто што секако ќе помогне многу и на нашиот факултет и на нашите професори и научници кои што секако ќе ни помогнат и на нас да реализираме уште повеќе проекти” – истакна Николоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Голема акција за чистење на булеварот „Борис Трајковски“: Собрани 3 тона отпад

Во координирана заедничка акција со ЈП „Паркови и зеленило“ и ЈП „Комунална хигиена“, екипи на Општина Кисела Вода денес спроведоа темелно чистење и уредување на булеварот „Борис Трајковски“. 

Голема акција за чистење на булеварот „Борис Трајковски“: Собрани 3 тона отпад

Активноста се реализираше преку Секторот за месна самоуправа при Општина Кисела Вода, при што се расчистуваше потегот од крстосницата со улицата „Народни херои“ сè до влезот во населбата Драчево.

За ефикасно и брзо завршување на работата, на терен заеднички интервенираа 40 сезонски работници од Општина Кисела Вода, 30 работници од ЈП „Комунална хигиена“ и 20 работници од ЈП „Паркови и зеленило“. Со цел детално расчистување на зеленилото, пешачките патеки и коловозот, ангажираните екипи работеа со повеќе тримери, телескопски пили и дувалки, додека за подигнување на сметот Општината користеше три свои камиони.

Во текот на акцијата од овој потег беа собрани и транспортирани вкупно 3 тона отпад. Ваквите акции, кои имаат за цел одржување на јавната хигиена и заштита на животната средина, ќе продолжат и во наредниот период.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Познати десетте најплатени кошаркари од Евролигата

На порталот „Eurohoops“ се појави листата на најплатените кошаркари во Евролигата, а на првото место се наоѓа , плејмејкерот на Хапоел Т. А, Србинот, Василије Мициќ. 

Познати десетте најплатени кошаркари од Евролигата

Во дресот на Хапоел Тел Авив, Мициќ заработува 5,6 милиони долари годишно!

Тој во моментов е најскапиот играч во Евролигата.

Следните тројца кошаркари на листата на најплатени играат за Панатинаикос.

Кендрик Нан заработува 5,3 милиони долари годишно и е втор на листата, трет е Гершон Јабуселе со 5 милиони, а четврт е Најџел Хејс-Дејвис, за кого ПАО издвојува 4,5 милиони долари по сезона.

На петтата позиција е Саша Везенков од Олимпијакос со 4,2 милиони долари, а потоа на листата следи уште еден играч на Панатинаикос – францускиот репрезентативец Силвен Франсиско, кој заработува 4 милиони долари годишно.

Седми е Елајџа Брајант. Соиграчот на Василије Мициќ од Хапоел добива 3,6 милиони долари по сезона, а осми е Џанан Муса од Дубаи, кој е платен 3,5 милиони долари годишно.

Со плата од 3,2 милиони долари годишно, оваа позиција ја делат Никола Милутинов и Еван Фурние од Олимпијакос, Матијас Лесор од Панатинаикос и Томас Вокап од Дубаи (кој за малку не заврши во Олимпијакос).

Шејн Ларкин испадна од листата на топ 10 играчи бидејќи во Фенербахче заработува околу 3 милиони долари годишно; истото важи и за Мајк Џејмс, кој го замени дресот на Монако со оној на Ефес.

Жан Монтеро од Олимпијакос исто така заработува 3 милиони долари годишно, додека ситуацијата со Валтер Таварес и Јонас Валанчиунас е интересна бидејќи и двајцата заработуваат помалку од 3 милиони долари годишно, а сепак важат за најдобри центри во Евролигата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер