„Идиот“ во режија на Андреј Цветановски имаше премиера во Нови Сад - Канал 5

Култура

„Идиот“ во режија на Андреј Цветановски имаше премиера во Нови Сад

Во Новосадско позориште на 12 јануари е одиграна премиера на претставата Идиот во режија на македонскиот режисер Андреј Цветановски, а работена по романот на неприкосновениот руски автор Фјодор  Михајлович Достоевски. 

„Идиот“ во режија на Андреј Цветановски имаше премиера во Нови Сад

Во авторската екипа на овој проект се Сергеј Светозарев како сценограф, Благој Мицевски како костимограф, Димитар Анодновски како композитор, како и Јована Ракиќ како кореограф.

Режисерот пред премиерата посака неговата претстава да и помогне на публиката да ја сфати чистата невиност на главниот јунак и да ја почуствува неговата љубов и добрина, а директорот на театарот, Валентин Венцел, после претпремиерата, изјави дека ова е големо враќање на драмскиот театар во однос на постдрамскиот. И нивните желби се остварија. Низ повеќе од три часа гледање на претставата, која овој силен роман го претвара во театарско дејствија, звуци,слики, движења, цело време имате чувство дека се случува нешто многу поголемо од нас самите. Се случува метајазик, метатекст, метеатар – метафизика.

Сценографијата на сценографот Сергеј Светозарев, преполна со огледала, одрази, темни сенки, рамки низ кои се поминува, премини зад кои исчезнуваат луѓе и повторно се појавуваат (како духови), се тоа појачано со фантастичната авторска музика на Димитар Андоновски, владее меланхолијата. Широката голема сцена на Новосадското Позориште е аристократска куќа или двор, со бројни прозори и врати кои создаваат ефект на огледало. Костимите на Благој Мицевски се повеќеслојни, верни на дизајнот на претставата и на концептот темно светло и со својата грандиозност додаваат на епската слика на претставата.

Ама пред се и над се, пред на се волшебните глумци на Новосадско Позориште, скоро цел ансамбл, кои на книжевните лица им ги подарија своите тела и души и који сигурно никој не оставија рамнодушен. Тука се раскошните креации, техника и талент на многу од нив, но ќе ја издвоиме големата четворка протагонисти: Габор Понго како кнез Мишкин, Габриела Црнковиќ како Настасија Филиповна, Роберт Ожвар како Рогожин и Јудит Ласло во улогата на Аглаја. Oсвен овие протагонисти во претставата играат Атила Немет, Силвија Крижан, Агота Ференц, Даниел Гомбош, Иштван Кереши, Ливиа Банка, Атила Гириц, Атила Маџар, Даниел Хуста, Бенце Салаи, Терезиа Фигура и Мелинда Шимон, како и студентитѕе од Академија на уметности во Нови Сад Роланд Ласло, Даниел Тот, Фани Дупак, Регина Сабо, Даниел Дудаш и Бланка Хорват.

Приказната, како и претставата, исклучително е тешка. Заумна. Стануваме светсни што се случува од другата страна на огледалото Режисерот не води во светот на длабоката психологија на човечката душа каде сите луѓе се добри и затрпани во злоба.

Новосадско позориште не враќа на класиците и на традиционалниот театар. Габор Понго како Мишкин ја преиспитува нашата добрина. Режисерот водејќи се од книжевната предлошка, суптилно ни поставува бројни прашања за нашата душа. Постои ли некој кој може да се идентификува со ликот на Лав Николаевич Мишкин? Постои ли таков идиот? Постои ли таков безгрешен човек? Дали сме вредни за сожалување? Има ли надеж во нас? Има ли вера во нас?

Извор: https://hocupozoriste.rs/recenzije/lepota-iza-straha-bog-iza-greha-dostojevski-iza-idiota

Автор на текстот: Емилија Квочка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски се враќа од екскурзија - дали ќе го пречекаат со ново знаме или е тоа само уметничка инсталација?

Денеска се враќа Христијан Мицкоски од бриселската екскурзија.

СДСМ: Мицкоски се враќа од екскурзија - дали ќе го пречекаат со ново знаме или е тоа само уметничка инсталација?

Прашањето е само едно: Дали ќе го пречекаат со ново знаме?

И уште поважно - каква боја добил? Дали поцрвенел од Брисел? Или само се испекол на сонце додека Гостивар сè уште користи техничка вода, без ниту еден документ дека е чиста дури и за тоа?

Ќе видиме дали Францускиот предлог конечно ќе го прифати како „ремек-дело на дипломатијата“, исто како што го прифати и Преспанскиот.

Ќе видиме дали конечно ќе признае дека јазикот, културата и националниот идентитет се апсолвирани - како што веќе кажа претседателката.

Ќе видиме дали НАТО сè уште му е „феноменален“ сојуз и за граѓаните, и за инвеститорите.

Штета што ги избрка повеќе од 60%.

Во кампањата ветуваше „подобра преговарачка позиција“.

Ветуваше нови гаранции.

Ветуваше дека ќе го смени името.

Ветуваше дека никогаш нема да застане пред натпис „Северна“.

Денес нема ништо од тоа.

Има само „тајни разговори под радарот“.

Има „промакедонска“ партија во која функционери и нивните семејства имаат бугарски пасоши и фирми.

Што те чека, Христијане?

Те чека кампања по урнек на Ванчо Михајлов - „талог“.

Те чека да му се јавуваш на Савевски и да почнеш со закани за апсење.

Те чекаат српските медиуми на Ало групата.

Те чека Ивона за Вучиќевиот Euronews.

Тоа се убавите работи што ги сакаш. Но има и други.

Те чека празен буџет.

Те чекаат плати и пензии.

Те чека Гостивар - цел месец.

Три цистерни вода за цел град.

Епидемија на жолтица.

Eпидемијс на Западнонилска треска.

Орце ќе прска прорив комарци дури во вторник - изгледа и тие што прскаат се на екскурзија.

Те чека отруена болница.

Пациенти во Тетово.

Ајде, почни.

Закани наместо решенија.

Лаги наместо одговорност.

Можеби и ова ќе го забраните со нов декрет - како оној за мигранти, по урнек на Хитлер.

Да не смее никој да спомене вода, треска, пациенти…

Добредојде назад, Христијане.

Граѓаните те чекаат.

И овојпат нема каде да избегаш.

Скопје, 14.08.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Бројот на потврдени случаи на западно нилска треска расте – во Македонија досега има 30 заразени

По прогласената епидемија во делови од Скопје, како, Кисела Вода, Гази Баба, Аеродром, Бутел и Илинден, бројот на потврдени случаи на западно нилска треска расте, па сега вкупниот број се искачи на 30.

Бројот на потврдени случаи на западно нилска треска расте – во Македонија досега има 30 заразени

Од нив 20 се уште се во болница, петмина, кои имаат над 60 години и се со други хронични болести се во критична состојба, на респиратор, потврдуваат за Канал 5 од Инфективната клинка. Досега имаме еден смртен случај, 83-годишен скопјанец, а 9 се излекувани, односно пуштени од болница дома. Експертите велат дека простор за паника нема.

Професор д-р Никола Пановски вели дека она што сега треба секој од нас да го прави е да се заштити, со сретства против комарци, со мрежи на вратите, а и во дворовите да се исчисти застоената вода што претствува добро место за размножување на комарците.

При симптоми како што се силна главоболка, зашеметеност, вкочанетот во вратот веднаш да се побара лекарска помош, но на своја рака да не се земаат лекови и антибиотици....

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Голем пожар во Германија, евакуирани околу 1.800 луѓе

Германските власти наредија евакуација на околу 1.800 луѓе рано утринава, откако шумски пожар во западниот дел на земјата се прошири кон село во близина на белгиската граница, пренесува Ројтерс.

Голем пожар во Германија, евакуирани околу 1.800 луѓе

Во соопштението објавено во 4:00 часот наутро, општинските власти им наложија на жителите на селото Гај (Gey) веднаш да ги напуштат своите домови.

Тие беа упатени кон прифатниот центар организиран во основното училиште во блискиот град Страс (Strass) и замолени со себе да ги земат само најнеопходните работи, личните документи и потребните лекови.

Во четвртокот, надлежните потврдија дека е започната голема интервенција поради пожар што зафати околу 25 хектари од блиската шума. Пожарникарите и службите за итни интервенции се обидуваат да го стават пожарот под контрола, а патот Б399 во тој дел е затворен за сообраќај.

Метеоролозите предупредуваат дека големи делови од Германија се соочуваат со суша и висок ризик од шумски пожари. Европа е континентот што најбрзо се загрева во светот и оваа година се соочува со невообичаено интензивна сезона на пожари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер