​Хајди Клум се фотографираше во фустан со метален сјај и мала чанта со златна рипка! - Канал 5

Забава

​Хајди Клум се фотографираше во фустан со метален сјај и мала чанта со златна рипка!

Спектакуларниот сребрен фустан е една од најновите креации на дизајнерката Кејт Бартон.

​Хајди Клум се фотографираше во фустан со метален сјај и мала чанта со златна рипка!

Популарната Хајди Клум честопати знае да ги насмее и водушеви милионите фанови ширум светот. Славната манекенка се појави на доделувањето на наградите „Фешн траст авордс“ (Fashion Trust Awards) во необичен фустан со метален сјај и преголем појас што фигурата на згодната манекенска ја правеше уште повитка.

Спектакуларниот сребрен фустан е една од најновите креации на дизајнерката Кејт Бартон, а идејата е да остава впечаток на течен метал врз кожата на Хајди. Целата комбинација Клум ја надополнила со сребрени сандали, гломазни сребрени прстени и црна сенка за очи. Сепак, еден детал на сите им падна во очи.

На прв поглед, посетителите беа апсолутно сигурни дека Клум носи мини аквариум со златна рипка. Манекенката и порано знаеше да се пошегува со публиката, па овој нејзин гест не беше нетипичен за неа. Сепак и чантата е дело на познатата креаторка Кејт Бартон, а станува збор за додаток кој има округол облик и е пластичен. Со оглед што славната манекенка оневозможила да се коментира на нејзиниот профил на Инстаграм, на страницата на дизајнерката се појавија низа пофалби за идејата што ја понесе славната Хајди.

Хајди е позната како модел кој поседува голема моќ на трансформација. Поради ова, иако е на прагот на својата 6-та деценија, таа сè уште ги краси насловните страници на најпрестижните светски магазини.

Клум објави и серија фотографии насловени како: „Се смеам одвнатре“, алудирајќи на фактот што е видно сериозна на сите фотографии поради потребите на снимањето. На насловната фотографија таа носи кремав фустан со пердуви кој во горниот дел едвај ги покрива нејзините гради, а Хајди го кренала до препонот. На една од фотографиите таа носи памучен бел фустан и има со мокра коса. Тука е и фотографијата на која манекенкаа носи златен ретро костум за капење кој ги истакнува сите адути на убавата манекенка. За многумина најинтересна беше фотографијата на која Хајди е во кафен фустан, со минимална шминка, ретро златни обетки и залижана коса.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер