„Гугл“ ја отстрани новата видеоигра каде што „се купуваат и продаваат“ робови црнци - Канал 5

Забава

„Гугл“ ја отстрани новата видеоигра каде што „се купуваат и продаваат“ робови црнци

 Видеоиграта „Slavery Simulator“, каде што играчите можат „да купуваат и продаваат“ поробени црнци, е отстранета од виртуелната продавница на „Гугл“, по бранот критики од бразилските корисници на социјалните мрежи, пренесува Си-ен-ен.

„Гугл“ ја отстрани новата видеоигра каде што „се купуваат и продаваат“ робови црнци

Апликацијата, развиена од „Магнус гејмс“ (Magnus Games), е поставена на „Гугл плеј-стор“ на 20 април и била преземена повеќе од илјада пати пред да биде отстранета завчера. Инаку, бразилското Јавно обвинителство отвори истрага за причините зошто играта воопшто се нашла на интернет, се вели во нивното соопштение, барајќи конкретни информации за играта, со оглед на „многуте расистички коментари“ околу неа.

Компанијата „Магнус гејмс“ нагласи дека „играта е создадена исклучиво за забавни цели“.

„Нашето студио го осудува ропството во кој било облик. Целата содржина на играта е измислена и не е поврзана со конкретни историски настани“, се тврди во соопштението од компанијата-создавач.

„Станете богат робовладетел или постигнете укинување на робовладетелството“, „Користете ги робовите за сопствено збогатување. Спречете го укинувањето на ропството и акумулирајте богатство“, „Ви требаат чувари! Имате робови, но никој не ги чува. Без чувари, робовите ќе побегнат или ќе се побунат. Ангажирајте борци. Обично 1 чувар е доволен за 30 робови“, се само делови од описот на контроверзната игра.

„Гугл“ во своја одбрана соопшти дека имаат цврсто поставени правила, создадени за да ги заштитат корисниците, до коишто сите програмери мора да се придржуваат.

„Не дозволуваме апликации кои промовираат насилство или поттикнуваат омраза против поединци или групи врз основа на расно или етничко потекло, или кои прикажуваат или промовираат слободно насилство или други опасни активности. Секој што верува дека нашол апликација што ги прекршува нашите правила може да поднесе пријава. Кога ќе идентификуваме прекршување на правилата, преземаме соодветни мерки“, појаснува „Гугл“.

Играта беше означена како „содржина погодна за сите возрасти“, со оцена со четири ѕвезди.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Откриен денот на свадбата на Кристијано и Георгина

Откриено кога се жени светската фудбалска ѕвезда Кристијано Роналдо: Местото на свадбата има посебно значење за него.

Откриен денот на свадбата на Кристијано и Георгина

Најплатениот светски фудбалер Кристијано Роналдо и неговата долгогодишна свршеница Георгина Родригез треба да стапат во брак следниот викенд, пренесува „Сан“ (The Sun).

Според таблоидот „Сан“, Кристијано Роналдо и Георгина Родригез ќе го кажат судбоносното „да“ следниот викенд.

Повикувајќи се на португалски извори, парот одлучи да ја организира свадбата од соништата на островот Мадеира, поточно во Фуншал – градот каде што славниот Роналдо ја започнал својата фудбалска кариера.

Според локалните медиуми, катедралата во главниот град на островот е веќе резервирана за следната сабота, а свечената церемонија е закажана за 15:00 часот. По црковниот дел, големата прослава треба да продолжи во луксузниот хотел „Савој Палас“.

Роналдо и Георгина инаку се во врска од 2016 година, а се свршија во август минатата година.

Гласините за претстојната свадба дополнително ги поттикна самата Георгина, откако објави интересна фотографија на Инстаграм.

Тагови: Георгина Кристијано Роналдо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Артета за Винисиус: Арсенал ќе биде многу амбициозен

Предводникот на англискиот фудбалски шампион Арсенал, Микел Артета се осврна на шпекулациите во медиумите за интересот на „топџиите“ за Винисиус Жуниор, изјавувајќи дека клубот ќе биде „многу амбициозен“ на трансфер-пазарот. 

Артета за Винисиус: Арсенал ќе биде многу амбициозен

Според Goal.com, Арсенал внимателно ја следи ситуацијата со договорот на бразилскиот напаѓач во Реал Мадрид, бидејќи клубот бара засилување од светска класа за својот напад.

Менаџерот на Арсенал беше воздржан кога беше прашан за евентуалното ангажирање на ѕвездата на Реал Мадрид, но испрати јасна порака во врска со намерите на клубот.

По убедливата победа од 4:1 во подготвителниот натпревар против Џирона, Артета нагласи дека лондонскиот тим е подготвен да заземе одлучен пристап во потрагата по нови играчи.

Кога беше директно прашан за ангажирањето на бразилското крило, тој внимателно ги бираше зборовите, но јасно ги изнесе своите цели.

„Активни сме и се обидуваме да го подобриме и развиеме тимот. Тоа е јасно. Очекуваме одредени случувања во наредните недели бидејќи сакаме да напредуваме, исто како и сите други“, рече Артета. „Тоа е очигледно и на пазарот и преку потезите што ги прават нашите ривали – нема само да стоиме и да гледаме. Имаме големи амбиции за она што сакаме да го постигнеме.“ „Разликите се минимални.

Сакаме да бидеме подобри, а нивото на конкуренција ќе расте, па затоа мораме да ја зголемиме конкуренцијата во самиот тим. Мораме да утврдиме што ни недостасува за да стекнеме поголема предност. Тоа е нашиот начин на размислување“, додаде тој.

Оптимизмот на Арсенал произлегува од застојот во преговорите меѓу Винисиус и раководството на Реал Мадрид.

Шпанскиот клуб би можел да биде принуден да го продаде играчот доколку наскоро не се постигне договор, бидејќи постои ризик тој да си замине како слободен играч следното лето.

Тагови: Арсенал Артета Винисиус Жуниор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Новата љубов на Никол Кидман?

Мегапопуларната актерка, холивудската ѕвезда Никол Кидман има ново момче ? „Уловена“ во „Ферари“ со американски инвеститор.

Новата љубов на Никол Кидман?

Никол Кидман беше фотографирана со инвеститорот Мајкл Рајнштајн, што поттикна шпекулации дека можеби се во врска. Вечерта на 30 јули, 54 годишниот Рајнштајн ја пречека 5 години повозрасната Никол на аеродромот во Лос Анџелес, откако таа пристигна од Њујорк. На фотографиите што се појавија во медиумите, Кидман е прикажана како седи на совозачкото седиште во неговото црно „Ферари“. Таа носеше сиво сако и бела кошула.

Кидман и Рајнштајн првпат беа фотографирани заедно на почетокот на јули во Портофино, Италија. „Пејџ сикс“ (Page Six) тогаш објави фотографии на кои се гледа како тие се дружат на хотелски балкон.

Актерката носеше сатенски топ и здолниште во боја на слонова коска, додека Рајнштајн беше облечен во темноплава поло-маица и шорцеви. „Дејли мејл“ (Daily Mail) исто така ги фотографираше во хотелот „Белмонд Сплендидо“, каде што уживаа во коктели „Аперол шприц“ покрај базенот.

Мајкл Рајнштајн е американски бизнисмен и инвеститор, како и основач и претседател на инвестициската компанија „Реџент“ (Regent), со седиште во Беверли Хилс.

Компанијата инвестира во бизниси од различни сектори, вклучувајќи ги модата, медиумите, технологијата и малопродажбата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер