Технологија

„GTA 5“ симната од тронот: Која е најпродаваната видео игра во Европа?

Објавени се податоците за продажбата на видео игрите на европскиот пазар во август 2023 година, а „GTA 5“ е продадена за 40% подобро од минатиот август.

Ова веројатно ќе ве шокира, но десетгодишната „GTA 5“ не беше најпродаваната игра во Европа во текот на август, како што беше во јули. Сепак, тоа не значи дека интересот за играта исчезна. Напротив – „GTA 5“ се продаде за 40% подобро на европскиот пазар овој август отколку во истиот месец од 2022 година.

Сега, треба да се нагласи дека листата на најпродавани игри во Европа не е сосема комплетна бидејќи не ја наведува продажбата на хит играта „Baldur's Gate 3“, со оглед на тоа што компанијата „Larian“ не споделува податоци за продажбата со аналитичката фирма „GSD“.

Во секој случај, според достапните статистики, од новите игри, само „Armored Core 6“ успеа да заврши на топ десет најпродаваната листа. Тежок месец за нови игри, но генерално многу подобар од 2022 година - вкупната продажба на сите игри скокна за речиси 29%.

Продажбата на конзоли, исто така, скокна - за цели 67% во споредба со истиот период во 2022 година. Очигледно, попустите на „PlayStation 5“ го направија своето, па конзолата на „Sony“ постигна 197% подобра продажба отколку во август 2022 година.

Списокот на десетте најпродавани игри во Европа во август 2023 година е следен:

FIFA 23
Grand Theft Auto 5
Hogwarts Legacy
Armored Core VI: Fires of Rubicon
Red Dead Redemption 2
F1 23
Diablo 4
The Legend of Zelda: Tears of the Kingdom
Mario Kart 8 Deluxe
Grand Theft Auto Online

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

СП2026: Канада прв осминафиналист

Ко-домаќинот на 23 светски фудбалски шампионат Канада е во осминафиналето!

Канадските фудбалери се првите учесници во осминафиналето на Светското првенство, откако на отворањето на нокаут фазата на Мундијалот ја елиминираа Јужна Африка со резултат 1:0 (0:0).

Еден од домаќините на Светското првенство оствари историски успех со гол во судиското продолжение, постигнат од Стивен Јусташи.

Во битката за четвртфиналето, екипата на Џеси Марч ќе игра против подобриот тим од дуелот Холандија-Мароко, кој ќе се игра ноќта помеѓу понеделник и вторник од 03:00 часот.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Литванскиот министер за надоврешни работи во посета на Македонија

Министерот за надворешни работи, Тимчо Муцунски денеска во министерството ќе има средба со министерот за надворешни работи Литванија Кестутис Будрис.

Во фокусот на разговорите ќе бидат унапредувањето на билатералните односи меѓу двете земји, соработката во рамките на НАТО, како и поддршката од Литванија за европската интеграција на Македонија.

Во рамките на посетата е предвидена тет-а-тет средба со министерот Муцунски, по што ќе следи заедничка прес-конференција..

Тагови: МНР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Видео: Пожар на островот Вис во Хрватска

Голем пожар на отворено избувна на островот Вис синоќа околу 22:30 часот.

Огнот зафати борова шума и ниска вегетација во областа на Комижа, долж патот кон Подхумље, објави веб-страницата „Firefighters 193“.

Сите расположиви противпожарни сили од оперативното подрачје Вис веднаш биле испратени на местото на настанот. Во интервенцијата учествуваат пожарникари од противпожарните одделенија на Комижа и Вис.

Противпожарната одделенија на Комижа распореди девет возила и 35 пожарникари, а противпожарната одделенија на Вис распореди шест возила и исто така 35 пожарникари, со што вкупно на местото на настанот се наоѓаат 15 возила и 70 пожарникари.

Пожарот е сè уште активен, а неговото гаснење го отежнуваат сувата вегетација и ширењето на пожарот на отворен простор.

Иако немаше силен ветер во текот на ноќта, пожарот се прошири брзо во првите часови поради екстремно сувата почва.

Од утрово на терен се и три авиони канадари, додека четвртиот авион пристигнува и ќе биде вклучен во гаснењето на пожарот.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.