Годинава сме меѓу првите земји во светот со најголемо намалување на новороденечката смртност - Канал 5

Здравје

Годинава сме меѓу првите земји во светот со најголемо намалување на новороденечката смртност

Тркалезна маса: Годинава сме меѓу првите земји во светот со најголемо намалување на новороденечката смртност.

Годинава сме меѓу првите земји во светот со најголемо намалување на новороденечката смртност

Продолжува намалувањето на процентот на смртност на предвремено родените бебиња на Универзитетската клиника за гинекологија и акушерство. Ако се земе предвид дека во 2016 година изнесуваше 25 отсто, во 2017 година – 21 отсто, во 2018 година – 16 отсто, а во 2019 година – 12 отсто, годинава тој изнесува 11,1 отсто, истакна директорката на Клиниката, Викторија Јовановска и изрази надеж дека до крајот на годинава тој процент уште повеќе ќе се намали.

Таа во обраќањето на дигиталната тркалезна маса „Заедно за бебињата родени предвреме-се грижиме за иднината", што се одржа во организација на Клиниката и граѓанската организација „Лулка" по повод 17 Ноември, Светски ден на предвреме родените деца, рече дека имајќи ги предвид околностите кои ги донесе пандемијата и сите фактор ризици, годинава на Клиниката има и значително намален број предвремени породувања кои изминатите години беа од 600 до 700, а годинава се 490.

Министерот за здравство Венко Филипче истакна дека годинава сме меѓу првите земји во светот каде има најголемо намалување на новороденечката смртност. Посочи дека тоа подразбирало сериозен план, инвестиција во неколку сегменти, прво во делот на опремата, потоа во делот на организацијата, експертизата, инвестиција на опрема, купени се голем број инкубатори, имало експертиза од странство, а многу позната докторка неонатолог од Белград долг период престоувала на Клиниката.

– Се воведуваа европски протоколи, се направи добар систем на комуникација со одделението за интензивна нега на Детската клиника. Во еден таков систем сега имаме со што да се пофалиме, а тоа е за скоро 30 проценти, односно 50 проценти намалена неонатална, перинатална и доенечката смртност, потенцира Филипче.

Во сите изминати месеци преку воведување нови патеки и протоколи посебна соба, еден оддел за изолација на клиниката, посочи министерот, Клиниката е единствената во државата каде се третираат пациентки со Ковид-19.

– Во делот на бременоста се вршат породувањата во целосно изолирани услови, одвоени од другите болнички соби, коридори и операциони сали и делот за интензивна нега, каде сега интензитетот се одвива како што се одвиваше и претходно. Нема креирање листи на чекање и оперативната програма добро се одвива, што заслужува честитки за менаџерскиот тим, рече Филипче.

Нагласи дека тој добар менаџмент е почнат пред две ипол, три години кога многу внимание посветиле на еден од најголемите проблеми – новороденечката смртност, посебно во делот на предвремено родените бебиња.

– Огромен број донации стигнаа на Клиниката и огромен број одделенија се пријатно катче за престој на новите мајки и тоа ја прави врвна клиника со најголем број раѓања во текот на годината и единствена каде се спроведуваат овие јасно одредени протоколи за породување со Ковид-19, додаде министерот Филипче.

Директорката на Клиниката, Јовановска рече дека подобрувањето на негата и намалување на смртноста на пациентите кои се лекуваат на одделението на неонатална интензивна нега значи одличен резултат за установата и радост за сите семества чии деца се наши пациенти.

Посочи дека планираат постојано технолошко надградување на опремата на одделението за интензивна нега, усовршување на персоналот со цел постигнување уште поголема ефективност и резултати кои претставуваат и мотив за следни успеси, ангажирањето експерти од надвор и поголемо отворање на одделението во однос на пристапот на родителите до своите дечиња во инкубатор.

– Подобрувањето на негата и лекувањето на ризичните бременост и на предвремено родените бебиња и натаму ќе остане високо на нивната агенда, бидејќи тоа визијата на таа установа и на вработените, додаде д-р Јовановска./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер