Бизарно

„Го јадев своето стапало со пријателите“, исповед на момче, кое останало без нога по несреќа со мотор (ВИДЕО)

Станува збор за млад човек кој на Reddit тврди дека учествувал во настанот, кој ги надминува границите на обичното дружење и кулинарски експерименти.

Тој ја повтори својата приказна во неодамна објавениот подкаст „ What Was It Like “.

Сериозна несреќа

Жител на американската држава Тексас, кој сакал да остане анонимен и кој се идентификува како Шајни, тврди дека имал сериозна несреќа со мотоцикл во 2016 година, објавува Mirror.

Откако бил удрен од автомобил, завршил во блиската шума, а неговото стапало претрпело сериозна повреда. Толку сериозна што ампутацијата била единственото медицинско решение, објаснил тој.

Завршил на операционата маса и на крајот со една функционална нога, но приказната не завршува тука.

Покана до пријателите

Шајни, како што тврди, ги замолил лекарите да му дозволат да задржи дел од ампутираната нога. Три недели по несреќата, на 10 јули 2016 година, тој поканил група од неговите најблиски пријатели да се дружат.

Тој ја подготвил храната, а менито вклучувало разни закуски - од штрудла од јаболка до чоколадни и овошни колачи. Сепак, нешто друго ја направило средбата „уникатна“.

Имено, Шајн тврди дека им подготвил и им послужил на своите пријатели „специјалитет“ - ампутиран дел од ногата во тако.

„Непријатноста беше опиплива додека ги стававме чиниите на масата“, рече тој.

„Неверојатно е тешко за џвакање“

Тој го опиша методот на подготовка, а она што особено ги збунило корисниците на интернет беше тоа што неговите пријатели биле спремни да учествуваат во „експериментот“. Од друга страна, има и такви кои се сомневаат во автентичноста на приказната.

Шајн објасни дека го исекол стапалото на парчиња со димензии 2x2 сантиметри, а потоа ги испржил. Кога го прашале за вкусот, тој рекол: „Иако беше вкусно, беше неверојатно тешко за џвакање“.

„Луѓето џвакаа три до четири минути. Имав една пријателка која го плукна месото. Се колнам дека не доби ништо освен тетива и само џвакаше“, додаде тој.

Тагови: пријатели стапало

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Денеска нови цени на нафтените деривати

Регуалаторната комисија за енергетика денеска треба да донесе нова одлука за малопродажните цени на горивата.

Со претходната одлука бензините поскапеа за 4,5 денари, а дизелот поскапи за 6,5 денари по литар. Во последната пресметка на регулаторна продолжена беше и примената на намелените акцизи и тоа за 2 денари кај бенизните и за 4 денари по литар кај дизелот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Новак Ѓоковиќ и Арина Сабаленка ги добија своите противници на Ју-Ес Опен

Најтрофејниот свтески тенисер во историјата Новак Ѓоковиќ и најдобрата светска тенисерка Арина Сабаленка ќе се соочат со Френсис Тиафо и Лејла Фернандез во осминафиналето на Грен слемот во Њујорк, УС Опен во конкуренција на мешани двојки.

Ќе видиме како домашната публика ќе реагира на мечот против северноамериканскиот пар и кого ќе го поддржува, а според моменталната ситуација, натпреварот е закажан за утре, 25 август.

Во евентуалното четвртфинале, ги очекуваат победниците од дуелот меѓу брачниот пар Гаел Монфис и Елина Свитолина, односно Алекс Ил и Феликс Оже-Алијасим.

И Александра Круниќ би можела да се најде во главната ждрепка доколку таа и Мате Павиќ ги победат Пејтон Стернс и Кристијан Харисон.

Меѓу поинтересните парови во главната ждрепка се Карлос Алкараз и Серена Вилијамс, кои ги очекуваат своите противници од квалификациите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВРЕДИ: Груби пред правдата, „пеењето“ на Бујар даде резултат…

Денес „пеењето“ на Бујар Османи добива поинакво значење: Артан Груби е пред правдата, а Бујар сè уште го чека моментот да направи чекор кон лидерската позиција во ДУИ.

Со месеци Бујар молчи за Груби, иако некогаш двајцата беа на врвот на ДУИ. Денес се однесува како никогаш да немале заедничка политичка историја.

Наместо мандатот како министер за надворешни работи да го користи во интерес на државата, Бујар го искористи и за своите внатрепартиски пресметки во ДУИ, „пеејќи“ де ваму де таму и правејќи сметки за преземање на раководството на ДУИ.

Денес сценариото станува сè појасно: Груби пред судот, Али Ахмети под притисок, а Бујар ја чека фотелјата на претседателот на ДУИ.

Но, прашањето е едноставно: зошто Бујар молчеше за Груби кога беа заедно на врвот на ДУИ? Што знае тој за оваа приказна и зошто денес се однесува како Груби никогаш да не постоел?

Зашто во политиката, понекогаш не е важно само кој зборува, туку и зошто досега молчел.

Ако „пеењето“ на Бујар било за правда, нека го каже тоа отворено. Ако било за власт и за фотелјата на Али Ахмети, тоа веќе сите го разбираат.

Груби нека одговара пред правдата. Бујар нека им одговори на граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.