„ГЛУМиЦИ“-Артропија претстава за остварените и неостварено соништа на глумците - Канал 5

Култура

„ГЛУМиЦИ“-Артропија претстава за остварените и неостварено соништа на глумците

На малата сцената на велешкиот Народен театар „Јордан Хаџи Константинов-Џинот“ синоќа беше изведена претставата „ГЛУМиЦИ“ – Артопија. 

„ГЛУМиЦИ“-Артропија претстава за остварените и неостварено соништа на глумците

Настапија актерите Наташа Петровиќ, Симона Спировска, Кристина Леловац, Бојан Кирковски, Ненад Митевски, Никола Наковски, Никола Ристески, Дениз Ајдаревиќ.

Тие на велешката публиката и понудија интересна, несекојдневна претстава во која говореа за Глумиците и Глумците нивните проблеми, а и публиката имаше можност да разговара за нивната професија и да каже мисли и што бара од глумиците.

Сето тоа збогатено со музика, за на крај сите заедно и актерите и публиката да танцуваат на сцената. Глумците велат дека претставата е секогаш различна и не е завршена, а и нема да заврши скоро. На крајот за одличната изведба тие добија долг и силен аплауз од бројната велешка театарска публика.

Кристина Леловац која играше една од главните улиги во оваа несекојдневна претстава во изјавата за МИА вели дека оваа претстава практично зборува за актерите и актерките во светот и во светот на театарот и нивниот внатрешен свет.

- Меѓутоа зборува за нешто многу повеќе од тоа за сите наши соништа, остварени и неостварени, нашите желби, она во што веруваме, потенцира Леловац.

Нејзината колешка актерката Симона Спировска информира дека претставата е отворена за нив актерите практично за се она што им се случува за се она што доживуваат и преживуваат.

-И решивме сега кога имаме можност да ја играме вистински после 10 години сонување, тогаш нема и да ја завршиме. Не сакаме да се обременуваме со некоја дефинитивност во процесот и во истражувањата понатаму, потенцира Спировска.

Таа појаснува дека практично секоја изведба е нова претстава. Затоа што доаѓаат да ја видат и некои нови луѓе па и тие учествуваат и придонесуваат во претставата.

-Секоја реакција на публиката е практично нов материјал во претставата.Тоа е тоа што таа никогаш не е иста и ниту некогаш ќе биде, појаснува Спировска.

Таа потенцира дека оваа претстава е градена на другарство и доверба врз која се градел процесот и секоја нова изведба и затоа се разликува од другите.

Актерот Бојан Кирковски за МИА потенцира дека за разлика од другите претстави во оваа претстава има искреност.

-Претставата носи вистина за нас глумците, која на некој му е смешна на друг интересна, тажна, некому досадна. Постои една вистина што ја носиме со себе и што сакаме да ја кажеме и тоа е можеби тоа што малку не двои од сите други претстави, но можеби сме исти како сите други претстави, но зависи кој како не гледа, вели Кирковски.

Сценскиот дизајн беше на Ненад Тонкин, музиката на Дино Имери, а фотографиите на Соња Ставрова и Стефан Самандов.

На 25 март претставата „ГЛУМиЦИ“ ќе биде изведена во Битола, во април во Штип, потоа во Скопје и во други градови во земјава. Воедно во април оваа претстава ќе биде претставена на театарски фестивал во Романија. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Холивудски актер ослабе 90 килограми, многумина не го препознаваат на фотографијата

Додека многу познати личности се потпираат на лекови за слабеење, холивудскиот актер Џон Гудман ја постигна својата трансформација на телото на сосема поинаков начин.

Холивудски актер ослабе 90 килограми, многумина не го препознаваат на фотографијата

Неодамнешната фотографија на Инстаграм предизвика бројни реакции бидејќи 74-годишниот актер, најпознат по улогите во серијата „Roseanne“ и филмот „The Borrowers“, изгледа речиси непрепознатливо. Гудман не го припишува својот успех на популарните лекови како Оземпик, туку на низа одлуки за начинот на живот поврзани со исхраната и здравјето.

Изненадување на социјалните мрежи

Фотографијата со Гудман ја објави актерот Дејвид ДеЛуиз, кој го нарече легенда и важен дел од неговото детство. Повеќето коментари под објавата беа поврзани со променетиот изглед на Гудман. „Го сакам Џон Гудман! Да, изгледа многу поинаку, но се обложувам дека се чувствува одлично“, „Дали е тоа Џон Гудман? Тој е непрепознатлив“ и „Тој е многу послаб отколку што го паметам“, се само дел од реакциите на корисниците.

Одлуката што промени сè

Гудман не користел лекови „GLP-1“, но донел уште една голема животна одлука - престанал да пие. Закрепнувањето од алкохолизам, со кој се борел 30 години, започнало во 2007 година и било клучно за неговата трансформација. Со текот на годините, тој постепено ослабел и се проценува дека вкупно е полесен за 90 килограми.

Во интервју за „The Guardian“ во 2012 година, тој ја објаснил својата одлука да престане да пие. „Сè стана премногу. Тоа беше 30-годишна болест која ги исцрпуваше сите околу мене и ми стануваше сè потешко и потешко. Стана прашање на живот и смрт. Време беше да престанам“, рече тој во тоа време.

Медитеранска исхрана и дисциплина

Актерот претходно изјави дека со тежина од над 180 килограми, ја трошел својата креативна енергија размислувајќи што да јаде следно. Својата исхрана ја базира на медитеранскиот модел, кој вклучува многу овошје, зеленчук, интегрални житарки и здрави масти како што е маслиновото масло. Тој, исто така, воспоставил строга рутина за вежбање. Тој вежбал со личен тренер шест дена во неделата и одел помеѓу 10.000 и 12.000 чекори дневно. Својот пристап го објаснил во интервју од 2016 година со радио водителот Хауард Стерн. „Го правев тоа полека. Само сакав да го променам мојот начин на живот“, рече Гудман, додавајќи дека тоа бил процес што траел цел живот.

Извор: Индекс.хр

Тагови: актер СЛАБЕЕЊЕ Џон Гудман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хаос кај Оман: Непознат проектил погоди брод

Центарот за поморски трговски операции на Велика Британија (UKMTO) денес објави дека непознат проектил погодил брод на околу 33 километри од брегот на Оман, во близина на градот Касаба.

Хаос кај Оман: Непознат проектил погоди брод

Според „UKMTO“, кој се повикува на доверлив извор, бродот бил погоден од непознат проектил, по што избувнал пожар.

Пожарот е изгаснат, а бродот и сите членови на екипажот се безбедни, се вели во соопштението на „UKMTO“.

Досега нема извештаи за какви било последици по животната средина.

Надлежните органи го истражуваат инцидентот, а на бродовите им е советувано да бидат внимателни додека пловат и да пријават каква било сомнителна активност до „UKMTO“.

Тагови: Оман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем шумски пожар избувна кај најголемото езеро во Италија, евакуирани повеќе од 200 луѓе

Голем шумски пожар избувна на западниот брег на езерото Гарда во Италија, а локалните власти евакуираа повеќе од 200 луѓе, вклучувајќи многу туристи, како мерка на претпазливост.

Голем шумски пожар избувна кај најголемото езеро во Италија, евакуирани повеќе од 200 луѓе

Езерото Гарда, најголемото езеро во Италија и една од најпознатите туристички дестинации во земјата, привлекува голем број посетители секоја година поради својата природна убавина, планинската околина и бројните летни одморалишта. Токму во оваа популарна област, која е особено популарна во ова време од годината, пожарот предизвика загриженост кај жителите и туристите.

Пожарот избувна вчера во општината Тињале и брзо се прошири низ ридестиот предел над езерото во текот на вечерта и ноќта.

Пожарникарите сè уште се борат со пожарот денес, но пожарот сè уште не е под контрола. Бројни противпожарни екипи, како и авиони и хеликоптери, учествуваат во гаснењето.

Пожарникарите ги штитат домовите

„Напорите во моментов се фокусирани на запирање на противпожарните фронтови и заштита на неколку станбени згради“, изјавија пожарникарите.

Досега нема извештаи за повредени.

Областа на езерото Гарда, најголемото езеро во Италија, е една од најпопуларните туристички дестинации во земјата.

Топлотниот бран продолжува да ја погодува Италија

Пожарот избувна во време кога Италија, како и поголемиот дел од Европа, се соочува со продолжен топлотен бран.

Температурите во делови од земјата надминуваат 40 степени Целзиусови во последните денови, а се очекува високите температури да продолжат до средината на месецот.

Извор: Индекс.хр

Тагови: Италија шумски пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер