Технологија

„Ѓаволската комета“ ќе може да се види и со голо око, највидлива ќе биде на 31 март

Ѓаволската комета, како што ја нарекуваат криовулканската комета 12P/Pons-Brooks, има дијаметар од 30 километри и орбитира околу Сонцето 71 година.

Овој месец ќе се приближи доволно до Земјата што ќе може да се види со голо око, објави Гардијан.

Иако првите видувања биле забележани уште во 14 век, името го добил по францускиот астроном Жан-Луј Понс кој ја открил во 1812 година и британско-американскиот астроном Вилијам Робертс Брукс кој ја набљудувал за време на следното прелетување во 1883 година.

Кометата има цврсто јадро и е исполнето со мешавина од мраз, прашина и гас, позната како криомагма. Околу јадрото е облак од гас наречен кома, кој истекува од внатрешноста на планетата. Кога сончевото зрачење ја загрева внатрешноста на кометата, се зголемува притисокот и кометата има моќна ерупција во која ја исфрла својата ледена внатрешност во вселената преку пукнатините во обвивката на јадрото. Тогаш кометата добива еден вид рогови, поради што е наречена Ѓаволска комета. Покрај тоа, по две ерупции летово, наликуваше на познатиот „Милениумски сокол“, вселенскиот брод од „Војна на ѕвездите“.

-Кометата треба да достигне магнитуда од 4,5 во наредните недели и ќе биде видлива од Британија. Најдобра видливост се очекува на 31 март - изјави д-р Пол Стром за Гардијан.

Формула

Турското ГП би можело да се врати во календарот на Формула 1 за две години

Турскиот министер за култура и туризам Мехмет Нури Ерсој изјави дека земјата повторно може да биде домаќин на трка во Формула 1. Според него, тоа ќе се случи во 2026 година.

Последен пат турско Гран при се одржа како дел од Светскиот шампионат во кружни трки во сезоната 2021 година.

- Тендерот за управување на патеката Формула 1 во Истанбул се одржа на почетокот на април и беше успешно завршен. Сега преминавме на втората фаза. Претходниот закупец мора да го ослободи просторот и да го предаде на победникот. По ова, процесот на склучување договор за одржување на Гран при во Истанбул од 2026 година ќе продолжи брзо, изјави Ерсој за „Milliyet“.

Се истакнува дека тендерот за изнајмување и контрола на објектот „Истанбул Парк“, во кој е вклучена и тркачката патека, се одржал на 2 април. Го освои Кан Билим Егитим Курумлар А.С., чиј партнер е шефот на управниот одбор на турскиот огранок на Пирели, Лале Џандер.

Првата етапа во Турција во рамките на Формула 1 се одржа во 2005 година. Во 2021 година се одржа од 8 до 10 октомври. Победи Валтери Ботас со Мерцедес, Макс Верстапен во Ред Бул беше втор, а Серхио Перез трет. /МИА

Свет

ОЦХА: Отстранувањето на експлозивните направи во Појасот Газа ќе трае 14 години

Канцеларијата на Обединетите нации за координација на хуманитарни прашања (ОЦХА) соопшти дека отстранувањето на бомбите и другите видови неексплодирани смртоносни средства во Појасот Газа може да потрае 14 години.

Според процените на ОН, за време на војната во Појасот Газа настанати се 37,5 милиони тони урнатини, а поголемиот дел од нив е покриен со бомби и други видови муниција кои не експлодирале.

ОЦХА соопшти дека околу два милиони луѓе или половина од населението на Појасот Газа, нашле засолниште во Рафа, но немаат пристапат до основните потреби како што се здравствена заштита, чиста вода и санитарни објекти. /МИА

Македонија

МП: Дозволена е екстрадицијата на Љупчо Палевски, првоосомничен за убиството на Вања и Панче

Министерството за правда информира дека е добиено  официјално известување дека екстрадицијата на Љупчо Палевски е дозволена.

Турските власти уште во февруари му ветиле на министерот за правда Кренар Лога дека во брзо време во земјава ќе биде екстрадиран Љупчо Палевски Палчо, но иако му бил посочен и рок, тој не сакаше да сподели кога ќе се случи тоа бидејќи се уште траат административните процедури.

Инаку, веќе е завршена судската процедура за Палевски, кој е првоосомничен за убиствата на Вања Ѓорчевска и Панче Жежовски.

Додека се чека на екстрадицијата на Палевски, од притвор излезе таткото на Вања, Александар Ѓорчевски, на кого Врховен му ја прифати жалбата, а осомничените за соучесништво Велибор Манев, Влатко Кешишов и Боре Видевски остануваат во притвор.

По три месеци поминати во притвор возачот Стефан Димковкси кој го превезуваше Палевски низ Србија Бугарија и Турција, беше пуштен да се брани од слобода и му беа определени мерки на претпазливост.

притисни ентер