„Геноцидот во Сребреница“ поставен на официјалниот календар на ОН - Канал 5

Балкан

„Геноцидот во Сребреница“ поставен на официјалниот календар на ОН

Ден по вчерашното гласање во Генералното собрание на Обединетите нации, со што беше усвоена резолуцијата за воспоставување на Меѓународниот ден на сеќавање на геноцидот во Сребреница, следуваат бројни реакции.

„Геноцидот во Сребреница“ поставен на официјалниот календар на ОН

Српската премиерка Ана Брнабич изјави дека ќе и биде тешко да соработува со земјите кои гласаа за резолуцијата. Изрази благодарност до Унгарија која гласаше „против“ резолуцијата, како до Кипар, Грција и Словачка кои се воздржаа од гласањето, а особено го истакна примерот на Монако, чии претставници во Генералното собрание на ОН ја напуштија салата за време на гласањето.

„Ќе се чувствувам многу поблиска со земјите кои гласаа ‘против’ или ‘воздржано’, или ја напуштија просторијата“. Голема благодарност до Монако. Тоа е и показател за голем интегритет, изјави претседателката на српскиот парламент Ана Брнабиќ еден ден по усвојувањето на резолуцијата за Сребреница во Генералното собрание на ОН.

Српскиот претседател Александар Вучиќ, по седницата на Генералното собрание на Обединетите нации, изјави дека „ја заврши кариерата и дека многу работи нема да му простат“.

Српскиот национален совет на Црна Гора им се извини на Србија, Република Српска и на српскиот народ за црногорската поддршка за резолуцијата за Сребреница во Генералното собрание на ОН, со порака дека тоа не е гласот на мнозинството во Црна Гора.

И косовската претседателка Вјоса Османи се одзва на темата. Испрати порака до оние кои работеа против резолуцијата.

„Негирањето на геноцидот никогаш нема да го отвори патот за мир. Гласовите на оние кои ги трпеа овие ужаси како деца, не потсетуваат дека ставањето крај на негирањето на геноцидот не е само политичка и правна обврска, туку и колективна морална должност, рече Османи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска продолжува судењето за дискотеката „Пулс“

Денеска продолжува судењето за дискотеката „Пулс“. 

Денеска продолжува судењето за дискотеката „Пулс“

Судскиот процес го води судијката Дијана Груевска-Илиевска, а обвинението го застапува тим од 15 јавни обвинители.

Пожарот во дискотеката „Пулс“ во Кочани се случи на 16 март 2025 година за време на концерт на групата ДНК. Во трагедијата загинаа 63 лица, а над 200 беа повредени, што претставува една од најтешките несреќи во поновата историја на државата,

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

МНТ: Награда за режија за Нела Витошевиќ и три признанија за „Змеј“ на меѓународната сцена

Претставата „Змеј“, во режија на Нела Витошевиќ и продукција на Младинско гледалишче од Љубљана (МГЛ), освои три награди на Меѓународниот фестивал „Театар на раскрсница“. 

МНТ: Награда за режија за Нела Витошевиќ и три признанија за „Змеј“ на меѓународната сцена

Жирито, предводено од Ирфан Менсур, ѝ ја додели наградата за најдобра режија на Нела Витошевиќ. Признанието за најдобра сценографија му припадна на Игор Васиљев, а за најдобра костимографија беше наградена Јелена Проковиќ.

Витошевиќ ја истакна важноста на заедничкиот придонес на сите учесници во создавањето на претставата, упатувајќи благодарност до директорката на МГЛ, членовите на жирито, актерскиот ансамбл, како и до авторскиот и техничкиот тим. Таа нагласи дека успехот е резултат на посветеноста и соработката на целата екипа.

Најновата режија на Витошевиќ во нејзиниот матичен театар, Македонскиот народен театар, е претставата „Три сестри“ - современо сценско читање инспирирано од истоименото дело на Чехов, кое наиде на одличен прием кај публиката.

Интересот за претставата го потврдува и исполнетата сала на секоја изведба, позиционирајќи ја како едно од најактуелните остварувања на репертоарот на МНТ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба Николоски - Акташ: Македонија и Турција имаат одлична соработка, економијата, туризмот и поврзувањето се областите од интерес на двете земји

Заменик претседателот на Владата и министер за транспорт Александар Николоски оствари средба со новоименуваниот амбасадор на Република Турција, Алпер Акташ.

Средба Николоски - Акташ: Македонија и Турција имаат одлична соработка, економијата, туризмот и поврзувањето се областите од интерес на двете земји

Заменик претседателот на Владата и министер за транспорт Александар Николоски оствари средба со новоименуваниот амбасадор на Република Турција, Алпер Акташ, на која беа разгледани билатералните односи меѓу двете земји, како и можностите за унапредување на меѓусебната соработка.

Посебен акцент беше ставен на трговската размена и економската соработка, особено во областа на транспортната политика и инфраструктурното поврзување.

На средбата, министерот ги претстави развојните политики на Владата и плановите за подобрување на инфраструктурната поврзаност во регионот.

Николоски нагласи дека Македонија претставува поволна дестинација за инвестиции и претставува порта за поврзувањето со Централна Европа.

Во таа насока, беше истакнато дека присуството на голем број турски компании кои инвестираат во земјава претставува потврда за развиените пријателски односи меѓу двете држави, како и за потенцијалот за натамошно унапредување на економското партнерство.

Соговорниците ја потврдија важноста на продолжувањето на соработката меѓу Македонија и Турција во повеќе области, со посебен акцент на економијата, поврзувањето на граѓаните и развојот на туризмот.

Во делот на туризмот, беше нагласено дека постојат огромни потенцијали за поврзување меѓу двете земји, со цел поттикнување на туристичките посети и продлабочување на меѓусебните врски.

Средбата претставува можност за зајакнување на партнерството меѓу Македонија и Турција, во интерес на економскиот развој, новите инвестиции и унапредувањето на севкупните билатерални односи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер