„G Cаrpet“ слави 4 години - Канал 5

Забава

„G Cаrpet“ слави 4 години

4 сезони, 200 емисии, 9000 минути во етерот на најгледаната Канал 5 телевизија, 9000 интересни приказни и одговори кои успеавме да ги извлечеме од највлијателните личности на Балканот со цел да ве забавуваме, опуштиме и оттргнеме од здодевното секој

„G Cаrpet“ слави 4 години

Над 350 познати пејачи, спортисти, актери, водители, модели, политичари од целиот регион продефилираа на златниот тепих. Од Вардар до Триглаф знаат за нас, од Морава до Дунава се слуша за нас од Охрид до Берово се зборува за нас. Во една реченица кажано, ние сме вашата омилена забавна телевизиска целина, Голден Карпет.

Но како започна се?

За време на пандемијата со Ковид 19 се роди идејата за ново телевизиско парче кое со своите содржини ќе донесе освежување во етерот. На точно 11 мај идејата премина во реалност, граѓаните на Македонија за првпат ја почуствуваа магијата на златниот тепих. Првата емисија на Голден Карпет траеше само 25мин, снимена во студио дупло помало од сегашното, но сепак успеа за кратко време да го привлече вниманието на широката јавност. Водителскиот пар Миро Кацаров и Ведрана Ѓорѓевиќ со многу желба и ентузијазам ја започнаа оваа шоу бизнис приказна надевајќи се дека еден ден Голден Карпет ќе стане препознатлив бренд.

Благодарение на уникатноста, трудољубивоста и позитивните вибрации на тогашниот добро познат тим, уште во втората сезона Г Карпет се закити со епитетот телевизиски бренд. Почнавме брзо и ефикасно да се развиваме, па дури станавме сериозна конкуренција на останатите емисии од овој тип, се повеќе и повеќе познатите личности и брендови изразија желба да соработуваат со нас, а доказ за тоа е незаборавното патување за Белград, центарот на шоу бизнисот. Успеавме да ги снимиме тамошните ѕвездите за само три дена, а што е најинтересно, без никаков проблем сите прифатија знаејќи кои сме и што сме.

Трета сезона ја започнавме со многу труд и љубов, жедни за уште поголеми успеси, но на пола сезона поради оправдани причини Ведрана ја напушти својата водителска позиција. Оваа промена не го закочи развојот и напредокот на најгледаниот телевизиски магазин. Не би биле она што сме доколку со нашата креативност и иновативност не воведовме впечатливи новитети. Најпознатите женски имиња од светот на шоу бизнисот ја заменија фотељата на Ведрана, а интуицијата не не излажа, девојките се покажаа како да се родени за тоа место.

Не себичниот придонес за македонската музика и подржувањето на младите таленти ни го даде епитетот современ музички магазин. Но тоа не е се, нормално дека ние по завршувањето на третата сезона решивме да земеме уште поголем замав. Ја искористивме таа шанса, не пропуштивме време и прилика да создадеме брат на емисијата, Голден Самр.

Г самр го одбележа минатото лето со ексклузивни игри и предизвици во најголемиот аква парк во Македонија и интересни приказни од најголемите балкански ѕвезди. На сите впечатливи музички настани камерите на Г Самр од прв ред ви ги пренесувааа импресивните моменти.

А еден бренд не би се билдал доколку не направи трансфер на едни од најубавите девојки од модниот свет во нашиот ТВ Магазин. Манекенката Моника Црнокрак, повеќекратна мисица, и поранешната водителка на Бекстекџ, манекенката и балерина Ева Јовановска го засилија Г Карпет со својот шарм, шмект и убавина. Освен што ја започнавме сезоната со убави девојки успеавме да одиме уште еден чекор понапред со ново студио во боите на авангарниот стил. Четвртата сезона ја започнавме многу искусно со гости кои и те како значат во своите професии.

Сума сумариум изминативе години седнаа и продефилираа во студиото на Канал 5 телевизија балканските имињата како Ацо Пејовиќ, Петар Грашо, Јелена Томашевиќ, Теа Таировиќ, Гоца Тржан, Мирослав Илиќ, Маца Маринковиќ, Јелена Розга, Горан Бреговиќ, Саша Ковачевиќ, Раста, Иван Босилчиќ, Смиљан Мори, Жељко Ребраќа, Џејла Рамовиќ, Андрија Милошевиќ, Дино Мерлин, Џенан Лончаревиќ, Милица Павловиќ, Владо Георгиев, Марија Шерифовиќ, Тони Цетински, Даниела Мартиновиќ и многу други, а да не заборавиме и на нашите македонски ѕвезди Влатко Стефановски, Слаткар, Тони Зен, Некст Тајм, Ламбе Алабаковски, Елена Ристеска, Перо Антиќ, Тони Михајловски, Трајче Манев, Панчо ДНК, Антониа Гиговска, Дани Димитровска, Благица Павловска, Блага Петревска, Миле Кузманоски, Наум Петрески, Два Бона и ред други.

Тоа беше дел од естрадата а сега ќе видиме што значи Голден Карпет за оние кои не се занимаваат со шоу бизнис, а доминираат на полето политика. Колку Г Карпет кога им е доста од политиката ги опушта и ги задоволува со теми од светот на познатите.

Не не пропуштајте, Џ Карпет со Миро и Моника уште една поинаква приказна во етерот.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Она што требаше да биде возбудлива авантура се претвори во кошмар за турист од индиската држава Карнатака, откако паднал од висина од речиси 12 метри додека се возел со жичарница во одморалиште во Дандели.

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Инцидентот се случил кога, според семејството, безбедносниот механизам откажал, објавува NDTV.

Видеото се појави на мрежите

Туристот, идентификуван како К. С. од градот Виџајапура, претрпел повеќекратни скршеници во рацете и нозете откако ја изгубил заштитата на средина од возењето и паднал на земја.

Страшниот инцидент бил снимен со камера, а видеото брзо се проширило на социјалните мрежи.

Според семејството, безбедносната сопирачка на жичарницата „попуштила“, додека К. С. висел во воздух, по што се струполил на земја.

Семејството го обвини менаџментот на одморалиштето за небрежност, тврдејќи дека опремата „не била правилно одржувана“.

Бараат одговорност од менаџментот

Повредениот маж прво бил однесен во Владината болница во Дандели, по што бил префрлен во болница во Виџајапур.

Поради потребата од специјализиран третман, тој подоцна бил префрлен во Мираџ, каде што бил згрижен.

Семејството бара одговорност од менаџментот на одморалиштето, тврдејќи дека „несреќата можела да се спречи“ со редовно одржување на опремата и соодветни безбедносни проверки.

Тагови: туристот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска.

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска, за време на рецитирањето на бројаницата, непосредно пред мисата во 10 часот наутро.

Таа била во главната црква кога била нападната, објавува RTE, по што била однесена во Универзитетската болница Вотерфорд со сериозни, но не опасни по живот повреди.

Полицијата уапсила маж во 30-тите години во блиската куќа и му бил запленет нож. Тој моментално е во притвор во полициската станица во округот Вотерфорд.

Парохискиот свештеник, отец Ричард О'Халоран, потврди дека еден верник е повреден во нападот.

Епархијата Вотерфорд и Лизмор изјави дека е „длабоко шокирана од насилниот инцидент“ што се случил за време на службата, со порака за поддршка на повредената жена и благодарност до верниците кои помогнале „за време на овој ужасен настан“.

Истрагата е во тек, според ирската телевизија.

Тагови: Црква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се обиделе да спасат човек да не се удави, па се удавиле петмина- трагедија во Охајо (ВИДЕО)

Две жени и тројца мажи се удавија во американската држава Охајо.

Се обиделе да спасат човек да не се удави, па се удавиле петмина- трагедија во Охајо (ВИДЕО)

Според канцеларијата на шерифот на округот Делавер, трагедијата се случила во неделата навечер на реката Скиото, во близина на резервоарот О'Шогнеси, околу 16 километри северозападно од Колумбус, главниот и најголем град во државата Охајо, објави Њујорк Тајмс.

Група од најмалку седум лица - два пара, нивниот возрасен пријател и две деца - престојувале покрај брегот на реката при зајдисонце. „Некои од нив ловеле риба кога еден од возрасните влегол во реката да плива“, рече шерифот Џефри Балцер.

Детето истрчало на патот и запрело автомобил

Кога пливачот почнал да се бори да остане на површината, двајца други возрасни се обиделе да му помогнат, но самите почнале да тонат. „После тоа, уште двајца возрасни се обиделе да ги спасат, пред сите петмина да исчезнат во реката“, им рече Балцер на новинарите на прес-конференција.

„Не е невообичаено едно лице да почне да се дави, а други да се обидуваат да го спасат, иако немаат потребни вештини, па затоа завршуваме со повеќе смртни случаи“, нагласи шерифот.

Властите беа известени за несреќата откако едно од двете деца истрча на блискиот пат и го запре автомобилот. На возачот му беше кажано дека „неговото семејство е удавено во реката“. Службите за итни случаи веднаш беа испратени на местото на настанот и брзо ги пронајдоа двете жени и ги извлекоа од водата. Набргу потоа, тие беа прогласени за мртви во блиската болница.

Телата на тројцата исчезнати мажи беа пронајдени следниот ден. Шерифот рече дека двете деца, и двете под десетгодишна возраст, биле згрижени од локалните служби за заштита на деца по трагедијата.

Тагови: Охајо удави

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер