Значителен дел од тој раст доаѓа благодарение на „Mustang Mach-E“, кој штотуку достигна важна производствена пресвртница. 150.000 примероци од овој електричен кросовер излегоа од фабричката летна, додека „Ford“ продолжува да ги проширува пазарите каде се нуди овој автомобил.
Масовното производство на „Mustang Mach-E“ започна во 2020 година, а од октомври 2021 година, електричниот кросовер се произведува не само во САД, туку и во фабриката на „Ford“ во Чонгкинг, Кина.
До 2023 година, овој модел ќе биде достапен за клиентите во вкупно 37 земји ширум светот, во споредба со 22 кога возилото беше лансирано пред две години.
„Кога го ставивме амблемот на пони на овој „Mustang“, знаевме дека ќе има скептици. Она што навистина не го знаевме во тоа време беше колку популарен ќе стане овој автомобил. Сакам да го гледам „Mustang Mach-E“ на патот и да разговарам со клиенти, а јас гледам се повеќе и повеќе од нив“, коментира Дарен Палмер од „Ford“.
Некои од најновите пазари на кои се појави „Mustang Mach-E“ се Нов Зеланд, Бразил и Аргентина, кои се дел од пошироката стратегија на „Ford“ да достигне годишно производство на електрични автомобили од 600.000 единици до крајот на 2023 година.
До 2026 година, производителот сака да започне со производство на повеќе од 2 милиони електрични возила секоја година.