Еве како да постигнете „лифтинг“ на лицето со помош на шминка (видео) - Канал 5

Здравје

Еве како да постигнете „лифтинг“ на лицето со помош на шминка (видео)

Трик што брише години од лицето...

Еве како да постигнете „лифтинг“ на лицето со помош на шминка (видео)

Шминкерка открива како жените да изгледаат свежо и младолико дури и кога ќе влезат во петтата деценија од животот.

Денес, многу жени претпочитаат да ја користат пластичната хирургија и некои козметички третмани за да ја задржат својата убавина и некако да го забават стареењето. Факт е дека годините не можат да се запрат, но сепак можеме да влијаеме така што ќе ја одржиме свежината и сјајот на кожата што подолго. Една шминкерка решила на Тикток со дамите да сподели совет за тоа како некои козметички техники функционираат во нејзиниот случај и овозможуваат инстантно подигнување на лицето без операција.

Ерика Тејлор ја демонстрираше техниката на шминкање што ја практикува, сакајќи да им покаже на жените како да ги прикријат знаците на стареење и она од што не се задоволни на своето лице.

- Како 47-годишна шминкерка која со години го проучува портретот, сенките што создаваат ефект на стареење... И тоа е само живот. Но, овде некако можеме да ѝ пркосиме на гравитацијата така што ќе изведеме неколку работи, додава таа.

Таа нанесе коректор на лицето, на места на кои може да се создадат сенки или вдлабнатини, тоа го направи во триаголни форми и создаде сосема поинаков ефект. Ерика не ги заобиколи ни региите на лицето што повеќето жени сакаат да ги „подигнат“, на пример, очите.

Иако вдлабнатините на одредени делови од лицето се природен дел од процесот на стареење, сепак можеме да ги сокриеме. Тејлор изјави дека тоа особено се однесува на слепоочниците или очните дупки.

Откако неправилностите на лицето ги пополни со мали триаголничиња, таа го матираше лицето со розова пудра. Многу жени беа воодушевени од нејзиниот совет и ѝ се заблагодарија за советот.

-Ги имате најдобрите совети за шминкање, неверојатни сте.

-Ми се допаѓа, секогаш во форма и изгледа одлично.

- Ти благодарам Ерика! Тешко е да прифатиме дека старееме, но огледалото не лаже! Навистина ми требаат овие трикови.

- Визуелно е од голема корист.

- Го сакам твојот профил. Толку многу информации за зрели жени - беа дел од коментарите.

На крајот, Ерика покажа како изгледа нашминканата страна од нејзиното лице, откривајќи очигледна разлика. Многу корисници на мрежата ѝ се заблагодарија за овие вредни совети за кои веруваат дека ќе им бидат од голема помош и ќе им ја зголемат самодовербата во позрелите години.

@ericataylor2347 Mature skin lift #facelift #contour #makeupover40 #makeupover50 #makeuphacks #makeuplift #makeuphacksforbeginners #matureskin #matureskinmakeup #matureskintips #dosanddonts ♬ original sound - Erica Taylor

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер