„Еурактив“: Можниот влез на екстремната десница во Владата во Париз создава нервоза во НАТО - Канал 5

„Еурактив“: Можниот влез на екстремната десница во Владата во Париз создава нервоза во НАТО

 Можниот влез на екстремната десница во Владата во Париз создава нервоза меѓу членките на НАТО.

„Еурактив“: Можниот влез на екстремната десница во Владата во Париз создава нервоза во НАТО

Меѓу земјите членки на НАТО расте загриженоста за ризикот по сплотеноста на Алијансата и посветеноста на Париз на поддршката на Украина, доколку по вториот круг од парламентарните избори во Франција в недела, екстремната десница стане дел од француската Влада, наведува бриселскиот информативен портал „Еурактив“, пренесувајќи изјави на дипломати во Пактот кои побарале анонимност.

Според нив, постои сериозна загриженост за ризиците што би ги предизвикало влегувањето на екстремно десничарскиот Национален собир (РН) во Владата на Франција, што би можело да резултира и со ослабување на француската поддршка за Киев во блиска иднина.

Дипломатите посочуваат дека водечки членки на НАТО сметаат оти РН, кој потенцијално би можел да има главен збор во следната Влада или да дејствува како силно „блокирачко малцинство“ во француското Национално собрание по изборите в недела, може да ја доведе во прашање „иднината на влијанието на Франција во Алијансата“, имајќи ги предвид ставовите на партијата околу целите на Пактот и помошта за Украина.

Дополнителна загриженост поврзана со единството и континуитетот на помошта на НАТО за Украина предизвикуваат и се позачестените критики во некои сојузнички земји од Источна Европа на засиленото присуството на силите на Алијансата на нејзиното Источно крило.

Но, според дипломатите, за разлика од помалите земји членки, како Унгарија или Словачка, кои ја доведуваат во прашање поддршката за Украина, прифаќањето на таквата политика од страна на Париз би имало многу поголемо влијание врз НАТО, имајќи предвид дека Франција заедно со САД, Германија и Велика Британија, ја сочинува неформалната група позната како „Квад“, која го има главното влијание врз утврдувањето на долгорочната стратегија на Алијансата.

Актуелната француска Влада што ја сочинуваат сопартијци и коалициски партнери на францускиот претседател Емануел Макрон, го заостри тонот кон Русија и испрати дополнителни сили во Романија за да ја зајакне одбраната и одвраќањето на Источното крило на НАТО. Но, доколку се формира нова Влада со учество на РН, многу веројатна е промена на ваквите приоритети и таа дури би можела да ги оспори ингеренциите на Макрон за воените прашања, кои по традиција се во надлежност на францускиот претседател, сметаат дипломатите.

Експертот за воени прашања и специјален советник во либералниот тинк-тенк „Институт Монтењ“, Мишел Дукло смета дека евентуалната „Влада на РН“ би можела да дејствува на „мек и суптилен“ начин.

- Војниците што Франција ги испраќа во НАТО би можеле да бидат со понизок ранг. А, Франција, исто така, би можела во целина да дава помалку војници, изјави Дукло за „Еурактив“.

Со ваквата можност се согласува и дипломат од НАТО, кој не исклучува Франција дури повторно да ја напушти воената команда на Алијансата.

Во 1966 година тогашниот француски претседател Шарл де Гол донесе одлука за повлекување на Франција од интегрираната воена командна структура на НАТО, изразувајќи намера за поголема воена независност на земјата, особено во однос на САД. Ваквата одлука беше променета дури во 2009 година, по што Франција се реинтегрираше во командната структура на Алијансата.

Во Манифестот на РН за одбранбената политика, усвоен во 2022 година, е наведено дека партијата ќе се залага за „повлекување од Интегрираната воена команда на НАТО“, за „дискусија за иден стратешки договор со САД“, за „дијалог со Русија за клучните заеднички досиеја“, како и за „замрзнување на сите структурни соработки со Германија“.

Манифестот е отстранет од официјална веб-страница на партијата, што се толкува како омекнување на ставот на РН во врска со овие прашања, како резултат на продолжувањето на руската агресија врз Украина.

Претседателот на РН, Жордан Бардела во февруари изјави дека Франција нема да ја напушти интегрираната воена команда на НАТО „додека трае војната“, став што потоа го повтори уште во неколку наврати.

Според Дукло, мала е веројатноста Франција да се повлече од командните структури на НАТО веднаш по евентуалното преземање на власта од страна на екстремната десница.

- НАТО не е главниот аспект на политиката на РН, така што може да се ублажи загриженоста на другите земји членки дека нешто многу ќе се промени, смета Дукло.

Сличен став изнесе и претставник на американскиот Стејт департмент, запрашан дали САД се загрижени околу исполнувањето на обврските на некои земји членки на НАТО кон Украина.

- Не постои вистинска загриженост. Сојузниците секогаш се соочувале со избори, оцени претставникот на Стејт департментот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Александар Чупиќ е новиот претседател на српскиот парламент и в.дпретседател на Србија

Претставникот на „Студентската листа“ и професор на Сообраќајниот факултет, Александар Чупиќ, е официјално избран за претседател на новиот состав на Народното собрание на Република Србија. 

Александар Чупиќ е новиот претседател на српскиот парламент и в.дпретседател на Србија

Со изборот на оваа функција, Чупиќ истовремено ја презеде и должноста вршител на должноста претседател на Србија.

Со конституирањето на Српскиот парламент, започна да тече рокот од 90 дена за формирање на новата Влада. На дневниот ред на конститутивната седница се вклучени изборот на потпретседател на Народното собрание, именувањето на генерален секретар, како и изборот на членови на парламентарните работни тела и на постојаните парламентарни делегации во меѓународните институции.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Видео: Доналд Туск за изјавата на Трамп за Путин: „Боже, чувај нè од такви пријатели“

Полскиот премиер Доналд Туск одговори на изјавата на американскиот претседател Доналд Трамп, кој за време на нивната денешна средба во Кина го нарече рускиот претседател Владимир Путин свој пријател. 

Видео:  Доналд Туск за изјавата на Трамп за Путин:  „Боже, чувај нè од такви пријатели“

„Боже, чувај нè од такви пријатели“, напиша Туск на социјалната мрежа „Икс“, без експлицитно да ги спомене ниту Трамп, ниту Путин.

Неговата објава уследи по срдечниот поздрав што Трамп му го упати на Путин на самитот на АПЕК во Шенџен, Кина.

Трамп за Путин: „Тој е мој пријател“

За време на средбата со Путин, во присуство на новинари, Трамп зборуваше за нивниот долгогодишен однос. „Кој е тој? Тој е мој пријател!“ – рече Трамп додека го поздравуваше рускиот претседател.

Овој момент предизвика реакции во Европа, каде што некои политички лидери изразуваат загриженост поради ставот на Трамп кон Путин – особено во услови кога Русија ја продолжува војната против Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Штерјова: Скандал, за Росица од Велес вината се префрла само на полицајците, без командири, началници - СДСМ бара оставка од Тошковски

Скандал, за Росица од Велес вината се префрла само на полицајците, без командири, началници - СДСМ бара оставка од Тошковски.

Штерјова: Скандал, за Росица од Велес вината се префрла само на полицајците, без командири, началници - СДСМ бара оставка од Тошковски

Во ек на фемициди, насилства врз жени, убиства, нова скандалозна одлука за случајот со младата Росица во Велес.

Власта и МВР се обидуваат вината да ја префрлат исклучиво врз обичните полициски службеници.

Само полицајците да бидат виновни со цел да ги заштитат високите полициски функционери, командири, началници и раководители.

Од 21 февруари до 15 септември 2025 година Росица Коцева пријавувала насилство и барала помош.

Речиси седум месеци. Имало и судски мерки за нејзина заштита.

И сега цела вина им се префрла само на полицајците.

Зошто не се опфатени командирите, началниците и раководителите во тие седум месеци?

Не можеле обични полицајци да држат пријави и изваштаи во фиока.

Ако се виновни девет полицајци, тогаш покрај поединечната одговорност се поставува и прашањето дали системот не функционира или намерно штити одредени поединци.

Обвинителството треба и Панче Тошковски да го опфати.

Во јавноста беа изнесени наводи дека Росица му испратила порака со барање за помош на неговиот телефон.

Зошто тоа не е направено? Да се провери, да се обезбеди комуникацијата.

Зошто Тошковски не ги реазреши раководителите, командирот или началникот? Или тие што се ВМРО не смеат да се чепакаат?

Обвинителството мора да ја испита целата линија на одговорност, од службениците што постапувале по пријавите, локалното раководство па се до министерот.

Ова не е правда. Ова е неказнивост и заштита на раководните структури на ВМРО.

Ова не е систем туку партиска контрола која работи по наредби од горе.

Има бројни примери - Биљана од Богданци, Росица од Велес, Рамајана од Шуто Оризари, Ивана и нејзината ќерка од Скопје, Сара од Охрид.

Излегоа информации и сведоштва за наводна полициска бруталност и врз 15 годишно момче од Охрид.

ВМРО се занимава само со заташкување и заштита на своите а сега гледаме дека се фокусирани и на тоа да ги запре протестите во земјата. И со кампања и со притисоци.

Уште колку жртви треба да има за Тошковски да си поднесе оставка!

Доста беше. Оставка Тошковски.

Изјава, СДСМ, Кети Штерјова, пред МВР

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер