,,Епл” дава 2,5 милијарди долари за да го реши проблемот со наоѓање стан во Сан Франциско - Канал 5

Технологија

,,Епл” дава 2,5 милијарди долари за да го реши проблемот со наоѓање стан во Сан Франциско

Компанијата ,,Епл” денеска вети 2,5 милијарди долари во наредните две години за да помогне во решавањето на кризата со станбен простор во Сан Франциско.

,,Епл” дава 2,5 милијарди долари за да го реши проблемот со наоѓање стан во Сан Франциско

Понудата на производителот на iPhone е слична на иницијативите на „Фејсбук“ и „Гугл“, кои ветија по една милијарда американски долари за решавање на истиот проблем.

„Пред светот да знаеше за Силиконската долина и долго пред да бидеме опкружени со технологија, оваа област беше лулка на„ Епл “и чувствуваме граѓанска должност да и помогнеме да преживее, за луѓето да можат да живеат овде, да формираат семејства и да придонесат во заедницата“. напиша во соопштението извршниот директор Тим Кук.

„Епл“ соопшти дека околу 30.000 луѓе го напуштиле Сан Франциско од април до јуни оваа година, поради неможноста да најдат прифатлив стан. Платите што ги плаќаат технолошките компании честопати се наведуваат како една од причините за станбената криза во Калифорнија.

Брендот со лого со јаболко планира да ги фаворизира „наставниците, пожарникарите, спасувачите и другите сервисни работници“, кои тешко се снаоѓаат за стан во град каде вртоглаво се зголемуваат цените на кириите.

„Во соработка со експерти, ние подготвивме план за решавање на сите аспекти на предизвиците што се предизвикани од оваа криза, од итна потреба за ново домување, до помагање на младите семејства , како и добротворни донации за да им се помогне на најранливите“, рече Лиза Џексон, потпретседател за животната средина и за социјални иницијативи на „Епл“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Човек подига трактор со голи раце- снимката од Балканецот ги запали социјалните мрежи (ВИДЕО)

Необичното видео објавено на TikTok го привлече вниманието на корисниците, и од странство и од регионот.

Човек подига трактор со голи раце- снимката од Балканецот ги запали социјалните мрежи (ВИДЕО)

Брзо стана хит, а во преден план гледаме човек кој се потпрел на тркалото на трактор и, благодарение на мускулите, успеал да го крене задниот дел од машината од земјата.

Се подразбира дека корисниците на TikTok се воодушевени од сцената, сè додека авторот не открил каде точно е снимена, што инспирирало коментари во стилот на „Некаде на Балканот“.

Коментарите се ројат! Некои со неверица ја фалат силата на човекот и го споменуваат неговиот „прав грб“, додека други на шега велат дека „дефинитивно не му треба дигалка“.

„Моите соседи тренираа кревајќи го предниот дел од тракторот, додека еден од нив креваше (IMT) 558 вака“, напиша едно лице.

„Каков крал, честитки“, додаде друго.

„Силата на овој земјоделец ги поместува границите“, заклучи трет.

@pajle_25 ♬ Miksa je luddd - Miksa Jevtić

Видеото собра голем број прегледи за кратко време, станувајќи една од главните теми на популарната платформа.

Тагови: трактор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Силен земјотрес од 6,7 степени го потресе Перу (ВИДЕО)

Силен земјотрес со магнитуда од 6,7 степени ги погоди јужните Анди во Перу во неделата, соопшти Американскиот геолошки завод (USGS). 

Силен земјотрес од 6,7 степени го потресе Перу (ВИДЕО)

Нема непосредни извештаи за штети, објави АП.

Земјотресот се случил околу 13 часот по локално време, со епицентар 38 километри северозападно од градот Упахуача, во одделот Паринакочас во регионот Ајакучо. Епицентарот на земјотресот бил на длабочина од 66,7 километри.

Земјотресот бил почувствуван во неколку региони

Земјотресот бил почувствуван во неколку региони во јужен Перу, вклучувајќи ги Ика и Арекипа. Земјотресите се честа појава во Перу, кој се наоѓа на Тихоокеанскиот огнен прстен, област со интензивна сеизмичка активност.

Земјотрес во 2007 година одзеде речиси 600 животи

Еден од најсмртоносните земјотреси во поновата историја на Перу се случи во 2007 година. Земјотрес со магнитуда од 7,9 степени ја погоди покраината Ика, при што загинаа речиси 600 луѓе.

Тагови: земјотрес Перу

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Вооружени напаѓачи упаднале на танкер кај Јемен и го пренасочиле кон Сомалија

Драма во Аденскиот Залив - шест вооружени напаѓачи ја презедоа контролата врз танкер и го пренасочија кон Сомалија, објави Канцеларијата за поморска трговија на Обединетото Кралство (UKMTO).

Вооружени напаѓачи упаднале на танкер кај Јемен и го пренасочиле кон Сомалија

Инцидентот се случил 136 наутички милји источно од островот Мукала,во Јемен, според Ројтерс.

Танкерот пловел кон запад кога му се приближил неовластен брод, соопшти UKMTO.

Детали за безбедноста на танкерот и неговиот екипаж сè уште не се објавени, што предизвикува дополнителни загрижености.

Тагови: Јемен танкер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер