Ракомет

ЕХФ ја одби жалбата на Шведска за голот на Пранди

Дисциплинската комисија на ЕХФ ја одби жалбата на Швеѓаните за изедначувачкиот гол на Франција во регуларниот тек од полуфиналето од ЕП..

Дисциплинската комисија на Европската ракометна федерација (ЕХФ) ја одби жалбата на Шведската ракометна федерација (ШФ) поради голот со кој Французите израмнија на 27:27 и изборија продолженија, а потоа и победата за пласман во финалето на Европското првенство во Германија.

Беше поднесена жалба за некористење на видео преглед (ВАР) за проверка на последниот слободен удар, а беше отфрлена со образложение дека судиите не се обврзани да користат видео технологија.

Судиска двојка на полуфиналето Франција - Шведска беше македонскиот тандем Начевски Николов.

„Дисциплинската комисија донесе одлука за протестот вложен од Ракометната федерација на Шведска за полуфиналниот меч на ЕП меѓу франција и Шведска, кој беше одигран на 26 јануари 2024 во Келн.

Протестот беше поднесен за некористење на видео проверка за да се провери последниот слободен удар за Франција во 60. минута од мечот. По внимателна проверка, одлуката е дека судиите не се задолжени да ја погледнат снимката. Видео-технологијата се користи само кога судиите или делегатот имаат сериозна дилема за некоја ситуација. Одлуката да не се прегледа снимката е во согласност со Легалните регуларции на ЕХФ.

Поради тоа протестот е одбиен бидејќи е неоснован“, стои во соопштението.

Свет

Зеленски отпушти висок разузнавач поради обвинувања за корупција

 Украинскиот претседател Володимир Зеленски го разреши Илја Витјук, висок функционер во разузнавачката служба СБУ, поради обвинувања за корупција, јави ДПА.

Указот е објавен синоќа на веб-страницата на украинскиот претседател, без да се прецизираат причините за разрешувањето.

Витјук беше шеф на одделот за кибер безбедност на Службата за безбедност на Украина (СБУ).

Претходно, украинските медиуми објавија истраги во кои беше наведено дека сопругата на Витјук купила луксузен стан во центарот на Киев. /МИА

Македонија

Ковачки: За Свети Николе предвидуваме изградба на магистрален гасовод до Велес

​За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе.

Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот. Затоа ве повикувам сите на 8 мај заеднички да излеземе и да ги донесеме промените. Да ја донесеме победата на Македонија којашто долго се очекува.

Драган Ковачки, носител на изборна единица 3

Свет

При уривање на автопат во јужна Кина загинаа 36 лица

Уривање на дел од автопат во кинеската провинција Гуангдонг предизвика пад на повеќе возила, при што загинаа 36 лица, а 30 беа повредени, јавија денеска државните медиуми, во моменти кога милиони Кинези патуваат за празникот Први мај.

Уривањето, предизвикано најверојатно од пороен дожд, се случи во средата околу 02:10 часот на автопатот Меиџоу-Дабу, јави новинската агенција Синхуа, додавајќи дека урнатиот дел бил долг 17,9 метри и предизвикал пад на 23 возила.

Меиџоу е една од областите во Гуангдонг во јужна Кина, што е силно погодена од поројни дождови и град од крајот на април, што предизвикаа опасни лизгања на земјиштето, поплавени куќи и уништени мостови.

Причината за несреќата се истражува. /МИА

притисни ентер