„Ecce homo macedonicus: Осмо светско чудо“ е новото дело на скулпторот Жарко Башески - Канал 5

Култура

„Ecce homo macedonicus: Осмо светско чудо“ е новото дело на скулпторот Жарко Башески

Ќе ја добие ли „Обичен човек“,  една од најпознатите слуптури на Жарко Башевски својата локација?

„Ecce homo macedonicus: Осмо светско чудо“ е новото дело на скулпторот Жарко Башески

Заедничката децениска замисла на универзитетскиот професор и драмскиот писател Јордан Плевнеш е таа да се издигне 20 метри на планината Галичица од точката во која истовремено се гледаат Охридското и Пренспанско езеро.. Скулпторот Башески за Канал 5 вели дека идејата е Македонија да добие туристичка атракција, а истовремено, како што вели авторот, би симболизирало и колевка на цивилизацијата.

-Самиот проект не е локален, со локални размери да значи само нешто за Македонија или за Охрид. Целокупно е, човечкото битие да го прикаже на едно место, фокусирано тука на Галичица. Планината Галичица, точно каде што се гледаат двете езера и Охридското и Преспанското езеро, затоа што тоа е една, по мое, тоа е една од најинтересните и најмагични места што ги има овој простор. Како уметничко дело е познато, скулптурата си го живее веќе цел свет, сакам сега ние да почуствуваме бенефит од нејзе.

Институциите покажале сериозен интерес за оваа идеја, но од интерес до реализација скулпторот вели патот е долг.

Инаку, Башевски веќе не памети како изгледа оригиналната скулптура, пред 8 години го тргнала својот пат по светот од исток кон запад и од север кон југ и се изложува во музеите. Последната станица и била Шведска, а од таму се упатува кон Јужна Кореја.

Еве јас осум години ја немам видено, не е вратена во Македонија, постајано е некаде во некој музеј по 3-4 месеци, 6 месеци. Сега во моментов е во Шведска, после оди во Јужна Кореја, во Сеул, а беше не знам каде, секаде, од Тајван до Америка, секаде, секаде, осум години не е вратена и не знам дали ќе се врати, јас не знам како изгледа веќе после толку време. Самата скулптура е направена од материјал, од бронза, што би била врската со земјата и росвајтот или инокс што некои го викаат кој е огледално исполиран би ги претставувал и небото и водата, значи оваа скулптура ќе ги поврзува земјата, небото и водата со двете езера

Новата скулптура својата промоција ќе ја има на изложбата на Башески што почнува во понеделник во „Куќата на Уранија“ при МАНУ во Охрид.. Карактерично за авторот е што Пристапот и начинот на работа му е хипереалистички, користи вистински влакна и нокти за своите скулптури, а кожата на нив изгледа сосема живописно – единствена разлика со хипереализмот е што често неговите скулптури се во различна големина од она што го гледаме со око, а скулптурите во неговот ателје оддават впечаток како да гледате во живи луѓе..

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Британија воведува данок на километар поминат со електрично возило

Возачите на електрични автомобили во Велика Британија се соочуваат со дополнителни трошоци од 1 април 2028 година. 

Британија воведува данок на километар поминат со електрично возило

Владата воведува нова такса за користење на патиштата врз основа на поминатото растојание, а мерката ќе ги опфати возилата на електрични батерии, автомобилите на водород и хибридните возила со приклучоци.

Целта на новата такса е поголемо учество на возачите на електрифицирани возила во трошоците за одржување на патиштата и инфраструктурата. Досега, овој систем главно се финансираше од даноците за гориво, но овие приходи се намалуваат со зголемувањето на бројот на електрични автомобили на патиштата.

Различни тарифи за електрични и хибридни возила

Износот на таксата ќе зависи од видот на погонот. За целосно електрични автомобили, почетната тарифа ќе биде три пени по милја, што во моментов е околу 3,5 евро центи по милја, или 2,2 евро центи по километар.

Сопствениците на хибридни возила со приклучоци ќе плаќаат пониска стапка од 1,75 центи по километар, со оглед на тоа што сè уште делумно користат бензин или дизел. Износите ќе се прилагодат со инфлацијата во наредните години.

Новиот данок на електрични возила, наречен eVED, ќе се пресметува според состојбата на километражата. Сопствениците ќе мора да ја пријават својата очекувана годишна километража и ќе можат да го плаќаат данокот месечно или однапред. Конечната пресметка ќе се изврши на крајот од годината. Вистинската километража ќе се евидентира за време на редовниот технички преглед, а податоците ќе бидат испратени до надлежните служби.

Владата очекува милијарди во буџетот

Со оваа регулатива, британската влада планира да го надомести недостатокот на приходи од данок на гориво. Според проценките на Канцеларијата за буџетска одговорност, веќе во фискалната 2028/2029 година се очекуваат дополнителни буџетски приходи од 1,1 милијарда фунти, што е приближно 1,3 милијарди евра. До фискалната 2030/2031 година, таа сума би можела да се зголеми на околу 2,2 милијарди евра.

Првично, новата такса ќе опфати околу 5,6 милиони возила.

Можно забавување на пазарот

Британските власти проценуваат дека новиот данок би можел да го забави растот на пазарот на електрични возила. Во периодот од фискалната 2025/2026 година до 2030/2031 година, би можеле да се продадат околу 120.000 електрични автомобили помалку од планираното. Сепак, ова претставува само околу два проценти од вкупната очекувана продажба во наведениот период.

Исто така, постои можност некои возачи да ги задржат своите автомобили со мотори со внатрешно согорување подолго време поради новата такса. Таквиот развој на настаните би ги зголемил емисиите на CO2 и би го забавил преминот кон поеколошки возила.

Тагови: електрично возило

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Поранешниот претседател на Хондурас се врати дома- клекна на пистата и се помоли (ВИДЕО)

Поранешниот претседател на Хондурас, Хуан Орландо Ернандез, се врати во Хондурас вчера, осум месеци откако американскиот претседател Доналд Трамп го помилува додека отслужуваше 45-годишна затворска казна во САД за трговија со дрога и оружје.

Поранешниот претседател на Хондурас се врати дома- клекна на пистата и се помоли (ВИДЕО)

Ернандез, кој отслужи два последователни мандати како претседател на Хондурас од 2014 до 2022 година, слета со приватен авион на Меѓународниот аеродром Палмерола, околу 60 километри северозападно од главниот град Тегусигалпа, објави АП.

На аеродромот го пречекаа членови на семејството, вклучувајќи ја неговата мајка, ќерките и сопругата Ана Гарсија. Таа неуспешно се кандидираше за претседателскиот кандидат на неговата партија во 2025 година, губејќи од сегашниот претседател Насри Асфура.

По слетувањето, Ернандез и членовите на неговото семејство клекнаа на пистата за да се помолат, а потоа им мавнаа на стотиците поддржувачи на партијата кои пристигнаа со автобус за да го пречекаат пред неговиот лет до аеродромот Тонконтин во Тегусигалпа.

YouTube video

„Навистина не би му го посакал она низ што поминав во затвор на никого“

Поранешниот претседател треба да се појави на суд на 3 август по обвинение за измама и перење пари. Налогот за апсење издаден против него беше суспендиран во јуни, поради што не беше уапсен веднаш по неговото пристигнување во земјата.

Во интервју за Ројтерс минатата среда, 57-годишниот Хернандез објави дека ќе побара отфрлање на обвиненијата. „Не можам да опишам колку емоции и радост чувствувам во срцето за враќањето дома“, напиша тој претходно овој месец на социјалната мрежа X, додавајќи дека ги одбројува деновите додека не се соедини со своето семејство.

„Не беше лесно. Целиот процес беше исклучително тежок... Навистина не би му го посакал она низ што поминав во затвор на никого“, додаде тој.

Неговите правни проблеми започнаа во февруари 2022 година, кога беше уапсен во Тегусигалпа, по што беше екстрадиран во Соединетите Држави два месеци подоцна. Американски суд го осуди на 45 години затвор во 2024 година за кривични дела поврзани со трговија со дрога и оружје, обвиненија што Ернандез отсекогаш ги негирал.

Не ја исклучува можноста за повторна кандидатура

Помилувањето на Трамп на крајот од 2025 година, во услови на тесна претседателска трка во Хондурас, предизвика критики од некои политичари кои тврдеа дека САД се мешаат во политичкиот процес во таа земја. Помилувањето, сепак, не влијаеше на кривичната постапка против него во Хондурас.

Како дел од истрагата за борба против корупцијата позната како „Пандора II“, Ернандез и неколку други високи функционери беа обвинети за пренасочување на речиси 11 милиони долари државни пари за финансирање на политички кампањи помеѓу 2010 и 2013 година. Истражителите тврдат дека дел од тие пари биле искористени за првата претседателска кампања на Ернандез.

Обвиненијата против поранешниот претседател Порфирио Лобо и поранешниот министер за финансии Вилфредо Черато, кои исто така беа под истрага, оттогаш се отфрлени. Хернандез за Ројтерс изјави дека не ја исклучува можноста повторно да се кандидира за политичка функција, иако нагласи дека нема непосредни планови за тоа. Тој нагласи дека е подготвен да го стави своето политичко искуство на располагање на новото раководство на неговата партија. „Имаме ново раководство во нашата партија и сакаме да го поддржиме“, рече тој.

Тагови: ХОНДУРАС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Торнадо подигна автомобил од автопат и го отфрли како играчка- драматична сцена во Кина (ВИДЕО)

Моќно торнадо предизвика драматични сцени во источна Кина, кревајќи автомобил од патот и фрлајќи го покрај патот.

Торнадо подигна автомобил од автопат и го отфрли како играчка- драматична сцена во Кина (ВИДЕО)

Инцидентот се случи додека земјата сè уште се опоравува од последиците од исклучително моќниот тајфун Бави, кој неодамна го погоди источниот брег на земјата.

Возачите гледаат во тишина

Видео од автомобилска камера го покажува моментот кога моќен виор одеднаш се урнал на автопат во градот Хаининг, покраината Жеџијанг.

Во трепкање со око, автомобилот изгубил контакт со земјата додека торнадото го кренало во воздух и го фрлало како играчка.

Возачите во близина веднаш закочиле, тивко гледајќи ја сцената. Додека торнадото се движело преку патот, ветерот кинел дрвја, а разни предмети и парчиња остатоци летале низ воздухот.

Опсежни мерки за заштита на населението

Торнадото е снимено во област која веќе претрпела голема штета од тајфунот Бави. Овој моќен тропски циклон го погодил брегот на покраината Жеџијанг двапати, на 11 и 12 јули, оставајќи зад себе големо уништување.

Кинеските власти одговорија со обемни мерки за заштита на населението и превентивно евакуираа повеќе од 2,2 милиони луѓе.

Стотици летови беа откажани во Шангај, бројни патишта беа поплавени, а сообраќајот беше сериозно нарушен на многу места, објави oe24.at.

Како што Бави ослабе над копното, тој продолжи да носи обилни дождови и поплави во североисточна Кина.

Тагови: Кина Торнадо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер