Култура

„Џипси Меџик“ на Столе Попов награден од публиката на Меѓународниот фестивал во Нанси

Филмот „Џипси меџик“ на македонскиот режисер Столе Попов, ја освои публиката на Меѓународниот филмски фестивал во Нанси – Франција, каде при прикажувањето доживеа вистински триумф.

По гласањето на публиката и според бројот на гледачите на двете проекции, „Џипси Меџик“ ја освои наградата „COUP DE COEUR DU PUBLIC“. Филмот беше прикажан како избор на почесниот гостин на фестивалот Мики Манојловиќ, на кого му беше доделена награда за целокупното негово актерско дело.

„Џипси Маџик“ беше прикажан во престижната селекција на Фестивалот „Под ѕвездите“, по чие прикажување Манојловиќ долго одговараше на прашањата на публиката. Инаку, ова беше по прв пат, публиката да го избере за неа „најдобриот“ филм од девтте филмови прикажани во ова селекција, кои се прикажуваа под овторено небо на времената кино сала во дворот на поранешната фабрика за цигари, сега претворена во културен центар и во најреномираното кино во Нанси и Франција „Камео“.

За ова долгометражно остварување се наведува дека „примарниот впечаток е дека во овој филм е направен обид да се прикаже вистинската положба на Ромите, кај кои материјалната беда стои веднаш наспроти психолошката слобода којашто треба да го претставува нивното вистинско богатство. По овој модел режисерот настојува таа содржина на филмот да ја направи што поуниверзална. Номадскиот менталитет, манифестирањето на исконската човечка потреба за трагање, опиеноста со животот и носталгичната жед по него, би требало да бидат суштинската естетска порака на овој филм.“

Во овој филм бојата има доминантно психолошки карактер, бидејќи таа – оваа своја вредност ја поседува и во нивното секојдневно живеење, што убаво, и над сè, функционално, го забележал и го реконструирал снимателот на овој филм Апостол Трпески.

Централната личност е собирачот и откупувач на стари предмети Таип, во толкување на Мики Манојловиќ. Наспроти него е неговата сопруга Ремзија која ја игра Катина Иванова. И двајцата тоа го реализираат со чудесно впечатлива актерска методологија, бидејќи од почеток е јасно дека желбата на Таип да го одведе своето многучлено семејство во Индија, е еден имагинарен порив, еден недофатлив сон.

Како прилог кон филмот е и невоoбичаено функционалната музичка придружба на Влатко Стефановски, а мораме да ја нагласиме и успешната соработка врз визуелната надградба на филмот на монтажерот Димитар Грбевски и, се разбира, целата актерска екипа составена делумно од професионални актери, а делумно од натуршчици. Меѓу нив се и: Тони Михајловски, Антони Заки, Данчо Чевревски, итн…

Инаку, режисерот Столе Попов со овој свој филм дефинитивно се афирмира како еден од најдобрите претставници на македонската кинематографија, што беше потврдено во Нанси, каде филмот ја имаше својата прва праизведба во Европа во новата ремастеризирана верзија во дигитална форма, за која преводот на титловите на француски јазик го направи Меѓународниот филмски фестивал од Нанси, а филмот беше прикажан со голема помош и поддршка од страна на режисерот Столе Попов, Кинотеката на Македонија и Агенцијата за филм на Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Цената на нафтата продолжува да паѓа

Цените на нафтата денеска паднаа откако американскиот претседател Доналд Трамп потпиша договор со неговиот ирански колега Масуд Пешмерга за завршување на војната на Блискиот Исток.

Цените на нафтата денеска паднаа откако американскиот претседател Доналд Трамп потпиша договор со неговиот ирански колега Масуд Пешмерга за завршување на војната на Блискиот Исток, додека Меѓународната агенција за енергетика предупреди на презаситеност на понудата следната година.

Порталот „Trading Economics“ објави дека суровата нафта сега е 74,56 долари за барел, суровата нафта „Brent“ 77,64 долари за барел, а природниот гас 3,13 долари.

Фјучерсите за август паднаа за 1,13 проценти на 78,65 долари за барел, додека фјучерсите за сурова нафта „West Texas Intermediate“ за јули паднаа за 1,26 проценти на 75,82 долари за барел, објави CNBC.

Според најновиот месечен извештај за пазарот на нафта, се очекува глобалната понуда да се намали во просек за 3,9 милиони барели дневно во 2026 година на 102,4 мб/д, пред да се опорави на 110,3 мб/д следната година.

„Нашиот прв поглед кон 2027 година покажува значителен суфицит што се појавува следната година“, додаде ИЕА.

Во извештајот на „Њујорк лајф инвестмент менаџмент“, исто така, се вели дека нафтата е сè уште над нивоата пред конфликтот, дека нормализацијата на превозот ќе потрае и дека залихите и стратешките резерви сè уште треба да се надополнуваат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ заедно со народот го прослави роденденот, додека СДС во затворен тесен круг со умислени елити

Разликата меѓу ВМРО-ДПМНЕ и СДС е повеќе од јасна.

ВМРО-ДПМНЕ е партија на народот и заедно со граѓаните го одбележи 36-от роденден на партијата, која се бореше и донесе независност на татковината, направи многу проекти чиј бенефит го чувствуваат граѓаните и ја претставува државата исправено, гордо и достоинствено пред светот.

Од друга страна ја имаме партијата СДС, која е на маргините поради нивните лоши политики и односот кон граѓаните. Тие својот роденден го прославија во затворено во дворот на Бихаќка каде заедно со умислените елити на партијата, громогласно го поздравуваа аболицираниот криминалец Заев и неговиот потрчко Филипче.

И сфаќаме дека се плашат и нема ниту збор од СДС за она што се актуелни теми. Уплашени и кукавички се кријат зад соопштенија додека Филипче шета низ светот.

Тоа е евидентната разлика меѓу ВМРО-ДПМНЕ и СДС. Ние сме заедно со народот, а тие бегаат од него, се наведува во партиската реакција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Кетрин Зета Џонс на гости кај Вучиќ- ѝ подари цвеќе и позираше со неа (ВИДЕО)

Претседателот на Србија, Александар Вучиќ, беше домаќин на една од најпознатите холивудски актерки, Кетрин Зета-Џонс.

Во таа пригода, тој истакна дека е особено задоволен што Србија и Белград стануваат се попрепознатливи на мапата на светската филмска индустрија.

Вучиќ ја гледа Србија како филмска дестинација

„Ми беше големо задоволство да бидам домаќин на една од најголемите холивудски ѕвезди, актерка која дел од славата ја презеде од познатиот Зоро“, рече Вучиќ.

Тој оцени дека сè поголем број продуценти, режисери и актери го препознаваат потенцијалот што Србија го нуди на филмската индустрија. „Сè повеќе продуценти, режисери и актери откриваат она што го знаеме долго време - дека нашата земја нуди врвни локации, талентирани луѓе и гостопримство што ќе се памети долго време“, рече претседателот.

Со допир на хумор, Вучиќ додаде дека Белград наскоро би можел да стане место каде што средбите со холивудските ѕвезди ќе бидат речиси секојдневни. „Ако денот по утрото се познава, наскоро ќе биде подеднакво веројатно да сретнете холивудска ѕвезда во Белград како и сосед од соседството“, заклучи тој.

View this post on Instagram

A post shared by Aleksandar Vučić (@buducnostsrbijeav)

Тагови: Александар Вучиќ Кетрин Зета Џонс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.