„Ден на спортот“ во Прилеп: „Пеперутки“ се првите победници во „Zero Waste“ - Канал 5

Забава

„Ден на спортот“ во Прилеп: „Пеперутки“ се првите победници во „Zero Waste“

„Ден на спортот“ во Прилеп: „Пеперутки“ се првите победници во „Zero Waste“

Овој град беше домаќин и на спортско едукативниот проект „Zero Waste“, натпреварите во Coca Cola Cup 2011, мал фудбал, одбојка, баскет 3х3, народна 2015 и 2017 и атлетика. Над 700 млади „симовци“ одлично се забавуваа и уживаа во „Денот на спортот“, испишаа нови приказни и создадоа пријателства за цел живот. Покрај натпреварите во преден план беше и фер-плеј играта.

Спортско-едукативниот проект „Zero Waste“- Бидете дел од играта - Да ја заштитиме нашата планетата за првпат се одржува во Македонија. Поради својот иновативен пристап кон учењето преку спорт, е популарен кај децата. Покрај Прилеп „Zero Waste“ ќе се одржи во Битола и во Охрид.

„Zero Waste“е уникатен проект, создаден со долгогодишниот партнер на Плазма Спортските игри за млади, Coca Cola, кој креативно ги едуцира младите луѓе преку игра и спорт, овозможувајќи им полесно и поприродно да усвојат корисни навики и да ги применат во секојдневниот живот. Едукативниот квиз ги охрабрува да размислуваат логично, да пронајдат причини и решенија за проблемите со одржлив развој, додека спортскиот дел е посветен на практично учење за сортирање на отпадот на полигонот СИМ. Со оваа кампања, Coca Cola сака да придонесе за најпозитивно влијание врз животната средина и да понуди решенија за предизвиците поврзани со пакувањето, во согласност со повеќегодишниот проект Свет без отпад. По интерактивната едукација за заштита на животната средина, децата и младите се натпреваруваа на образовниот полигон, а најдобрите освоија награди. Победник во „Zero Waste“ е екипата на „Пеперутки“ од ООУ „Гоце Долчев“ од Прилеп: Антонија Попоска, Теодора Гацоска, Матео Милошевски и Ненад Ѓорѓиоски, предводени од водач на екипата Влатко Тошески.

Поранешниот македонски репрезентативец и актуелен селектор на македонската кадетска ракометна репрезентација, Горан Кузманоски заедно со Даниела Проданоска, олимпијка во атлетика (Сиднеј 2000 година), Дарко Насески, олимпиец во стрелаштво (Атланта 1996 година) и фудбалерите од СОУ Ристе Ристески Ричко (учестуваа на Европско првенство во Бања Лука), го донесоа факелот и симболично го означија почетокот на СИМ.

„И моите почетоци се токму од Основното училиште. Драго ми е што токму во Прилеп се одржаа Плазма Спортските игри за млади, ја поздравувам нивната мисија – бесплатен и достапен спорт за младите деца. Ова е одличен мотив за сите деца од мали нозе да стекнат здрави навивки“, рече Горан Кузманоски.

Дечињата ги поздрави претседателката на Плазма Спортските игри за млади во Македонија, Елена Мицкоска која ја истакна важноста на овој голем настан.

„Нема поголемо задоволство за мене кога ќе видам бројни насмевки. Драги деца тука сме поради вас, Плазма Спортските игри за млади овозможуваат бесплатен спорт за секое дете. Се радувам што во Прилеп се сака спортот, бидејќи преку него градиме вистински вредности, толеранција и фер-плеј игра.

Би сакала да се заблагодарам на Премиерот на Република Македонија, Христијан Мицкоски, кој го препозна овој проект и безрезервно ги поддржува спортот и младите, благодарност до Министерството за спорт, до градоначалникот на Општина Прилеп и сите мои колеги кои работеа за да овој настан биде успешно реализиран.

На вам драги деца ви поскувам успешни игри, се надевам дека сите дома ќе си заминете со убави спомени. Нека победат најдобрите, се гледаме на финалето во Сплит“, рече Елена Мицковска.

Градоначалникот на Прилеп, Дејан Проданоски не го криеше своето задоволство што токму овој град е домаќин на Плазма Спортските игри за млади.

„Почитувана престедателке на Плазма Спортските игри за млади, Елена Мицковска, наставници, драги мои омилени ученици од Прилеп, драги деца кои доаѓате од Долнени, Демир Хисар, Кривогаштани и Крушево добредојдовте во Прилеп. Ми претставува голема чест што денеска нашиот град е во центарот на младинскиот спорт, исполнет со позитивна енергија и насмевки. Овие игри се можност за создавање на пријателства, заеднички вредности: фер-плеј меѓусебна почит и тимска игра кои остануваа за цел живот. Денеска не се најважни само резултатите туку и начинот на кој ќе се натпреварувате, ќе се почитувате и ќе го покажете вашиот спортски дух“, истакна градоначалникот на Прилеп, Дејан Проданоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието ги избра новите 8 министри

Во Собранието беа избрани 8-те новите министри во Владата предложени со владината реконструкција. 

Собранието ги избра новите 8 министри

За изборот на нови министри гласаа само пратениците од владеачкото мнозинство односно 69 пратеници. Опозицијата ја напушти седницата поради навредите кои кон нив ги упатил поранешниот министер за односи со заедниците и нов министер за локална самоуправа Иван Стоилковиќ.

Попладнево, ситуацијата ексалираше, откако опозијата го обвини Стоилковиќ дека упатил навреди и пцовки на адреса на пратениците на СДСМ Фатмир Битиќи и Митко Трајчулевски надвор од салата, за време на попладнвената пауза.

За нов министер за правда е избран Јетон Шасивари член на Вреди, министер за земјоделство Борче Серафимовски од ЗНАМ, нов министер за односи меѓу заедниците Агон Ферати од Вреди, министер за здравство Сашо Клековски од ВМРО-ДПМНЕ, министер за туризам и култура Седат Сулејмани од Вреди, министер за социјална политика, демографија и млади Ѓоко Велковски од ВМРО-ДПМНЕ, министер за локална самоуправа Иван Стоилковиќ од ДПСМ, а нов министер без ресор е Ерџан Демир од ВМРО-ДПМНЕ.

Новите министри беа избрани со 69 гласа „ЗА“, без ниту еден воздржан и против.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

„Треба да се работи на рационализација, на ваков начин не одиме никаде“

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

Имате ситуација во Парламент, Артан Груби го нарекува криминалец Сашо Мијалов, од друга страна излегува дека тој го ослободува од затвор. Тоа што политичарите го прават нечесно, нема врска со патриотизам, туку имаат за цел да ги лажат граѓаните за да добијат гласови. Треба само малку да ги гледаш работите пологично и да бидеш порационален за да сфатиш. Не знам што е лошо некој да каже дека ја почитува државата во која што живее за да добие негативнии коментари.

Треба ли да пишувам дека ја сакам Албанија, а не ја сакам Македонија, за да добивам позитивни коментари? Треба да се работи на рационализација, на ваков начин не одиме никаде. Замисли каков притисок ќе биде направен на властите ако целиот народ и Македонците и Албанците и сите други останати се обединат за некои прашања, како што се на пример загадувањето, за неправди, каков ли притисок ќе имаат властите ако народот се обедини за таков вид на прашања. И кога притисокот кон властите е поголем, тогаш и можноста тие државата да ја гледаат како извор на лично финансирање, е помала. Тогаш тие ќе чувствуаат притисок и повеќе ќе работат за граѓаните, помалку за себе, вели Умејр Мухамеди во Само Вистина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Марта е новата Мис Болоња: Некои слават, други незадоволни

Изборот на Марта Бунд за Мис Болоња 2026 предизвика жестока дебата на социјалните мрежи.

Марта е новата Мис Болоња: Некои слават, други незадоволни

Откако беше прогласена за победничка на регионалниот натпревар, следеа илјадници коментари, а мислењата на корисниците беа целосно поделени. Дел од дебатата беше за нејзиното африканско потекло.

Додека дел од јавноста ја гледа победата на Марта како знак на отвореност и инклузивност, други изразија незадоволство од исходот од натпреварот.

Во коментарите, некои корисници тврдеа дека изборите за убавина треба да го претставуваат „традиционалниот изглед“ и културното наследство на регионот. Други, пак, нагласија дека потеклото не треба да игра никаква улога во евалуацијата и дека единственото нешто што е важно е како кандидатките се претставиле и ги исполниле критериумите за натпреварување.

Што всушност освои таа?

Дебатата беше дополнително поттикната од објави што содржеа неточни или нецелосни информации, па затоа вреди да се разјасни што е во прашање.

Марта Бунда не беше крунисана за Мис Италија, туку ја освои титулата Мис Болоња 2026. Тоа беше регионално натпреварување кое ѝ обезбеди место во овогодинешното финале на Мис Италија.

Организаторите стојат зад својата одлука

Ваквите дискусии не се ништо ново во Италија. Во претходните години, учеството или победите на кандидатки од странско потекло, исто така, предизвикаа бројни реакции на социјалните мрежи и кај дел од јавноста.

Организаторите на натпреварот сè уште не дадоа коментар за контроверзноста, а резултатот од регионалниот натпревар останува на сила. Во меѓувреме, дебатата за современите идеали за убавина, идентитет и претставување на различни заедници продолжува на социјалните мрежи.

Извор: Индекс.хр

Тагови: Мис Болоња Марта Бунд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер