Технологија

Дали е потребно да се исклучува бојлерот кога се тушираме? Стручни лица ја побиваат најголемата заблуда

Кога исклучувањето на бојлерот е непотребно, а кога има смисла.

Бојлерот е еден од најголемите потрошувачи на енергија во домаќинството, а сепак повеќето го користат без размислување дали може да се извлече максимална полза. Две најчести прашања се: дали треба бојлерот да се гаси ноќе и додека се тушираме, и дали воопшто треба да ја менуваме температурата на загревање?

Да се исклучува ноќе или да не се исклучува?

Стручните лица се поделени по ова прашање. Исклучувањето на бојлерот ноќе може да донесе заштеда до 10% од потрошувачката на енергија, особено кај стари и слаби изолирани уреди кои постојано губат топлина. Ако бојлерот работи помалку, тоа значи помал трошок и помало арчење на самиот уред.

Сепак, постои и друга страна од муабетот. Старите бојлери потешко ги поднесуваат честите вклучувања и исклучувања, а подрачјата со тврда вода го забрзуваат таложењето на бигор. Во зимскиот период, исклучувањето на бојлерот при заминување од домот е ризично бидејќи цевките може да замрзнат. Стручните лица како компромисно решение предлагаат намалување на температурата, наместо целосно исклучување на бојлерот.

Што додека се тушираме?

Одговорот зависи од видот на уредот. Кај гасниот проточен бојлер гасењето нема смисла, без него нема ни топла вода. Кај електричниот бојлер со резервоар, ситуацијата е поинаква, технички не е потребно да се исклучува бидејќи модерните уреди имаат вградена заштита, заземјување и осигурувачи.

Стручните лица се согласуваат дека ризикот од струен удар во исправно изведени инсталации е занемарлив. Ситуациите со струјни удари под туш најчесто потекнуваат од времето на стари инсталации, кога се работело без јасни прописи и заземјување. Во современите домаќинства со исправна електрична инсталација бојлерот не мора да биде исклучен за време на туширањето, но во старите згради со несигурни инсталации внимателноста има смисла.

Еден едноставен трик за пониски сметки

Без оглед на навиките околу исклучување на бојлерот, постои една бесплатна промена што може значително да ја намали потрошувачката: температурата на бојлерот да ја наместите на 60°С. На таа температура бојлерот работи поефикасно, а истовремено се намалува ризикот од прекумерно создавање бигор.

Освен тоа, редовниот годишен сервис е клучен. Без одржување доаѓа до собирање на наслаги во цевките и компонентите, со што се намалува ефикасноста и се загрозува безбедноста на системот. Повремена проверка на квалитетот на водата дополнително го продолжува векот на траење на бојлерот.

Заклучокот е едноставен: поголемата заштеда не бара големи вложувања – доволно е подесување на температурата, добри навики и редовното одржување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Рита Ора во секси бикини ги покажа стомачните!

Мегапопуларната пејачка со потекло од Балканот, Рита Ора ги покажа своите извајани стомачни мускули во сребрен бикини, споделувајќи впечатливи фотографии од својот одмор на Миконос на Инстаграм.

35 годишната Рита на фотките позира на луксузна јахта на која уживала заедно со пријателите.

Покрај сребреното бикини, Рита имаше и зелен шал за да ја заштити косата и беше совршено стилизирана.

„Ми треба ресетирање на душата, сонце, бикини и музика“, напиша пејачката во описот на објавата.

Тагови: рита ора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ким Кардашијан во микро бикини го рекламира својот бренд

Најпознатата американска старлета, Ким Кардашијан не престанува да ги промовира различните делови од колекцијата на нејзиниот бренд SKIMS, а тоа значи само едно – нејзините фанови ќе уживаат во атрактивните новитети на старлетата.

Риалити ѕвездата Ким Кардашијан секогаш има свои решенија за привлекување внимание. Откако сите пишуваа за нејзината врска со Луис Хамилтон, која веќе не е тајна бидејќи возачот на Формула 1 редовно ја изјавува својата љубов кон ѕвездата, таа сега го насочи својот фокус кон својот бренд SKIMS.

Уште од самиот почеток, таа имаше провокативни рекламни кампањи во кои се појавуваше таа или нејзините сестри, облечени во многу малку облека, минијатурни бикини и слично.

Сега таа ги почести своите обожаватели со серија фотографии

.

🔥 Kim Kardashian Models Skims’ New Microscopic Leopard Print Collection — (Video: AI)

Kim K is heating things up with her latest Skims drop — the “Micro Fits Everybody” collection of barely-there leopard print bras, thongs, and ultra-revealing silhouettes.

In the created clip:… pic.twitter.com/e3oK4Flsnt
— Paul A. Szypula 🇺🇸 (@Bubblebathgirl) July 1, 2026

Тагови: Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Ова се најдобрите половни автомобили до 10.000 евра

Ако планирате да купите половен автомобил со цена до 10.000 евра, петте модели што се сметаат за најдобри се VW од седмата генерација, Mazda 6, BMW серија 3, Honda Accord и Volvo S60.

Кои се најдобрите половни автомобили со цена до 10.000 евра?

Покрај самото одржување, важна е и сервисната мрежа во вашиот град или во околината.

Денес, сите производители имаат широка мрежа за сервисирање и набавка на резервни делови, што го става сопственикот во поволна положба; на него останува „само“ да вложува во своето возило, односно редовно да го одржува – да врши мали и големи сервиси и да ги заменува истрошените делови кога ќе дојде време за тоа, пред да настане сериозен дефект.

Ако планирате да издвоите 10.000 евра за купување половен автомобил, на пазарот секогаш се достапни неколку одлични модели кои се многу барани токму поради нивната репутација. Кај нас најчесто се возат дизел-автомобили, но и моделите на бензин се многу достапни и поволни.

1.VW Golf од седмата генерација – за сума до 10.000 евра може да се најде верзија со бензински мотор 1.4 TSI или дизел мотор 2.0 TDI. Достапни се и мануелни и автоматски менувачи, но доколку DSG менувачот нема сервисна историја, подобро е да го избегнете поради скапите поправки.

2.Mazda 6 од втората генерација – возило од средна класа кое нуди добар компромис меѓу удобноста, сигурноста и моќноста. Најразумен избор се дволитарските бензински мотори MZR со околу 147 КС (коњски сили) или 2.5 MZR, додека дизел моторите 2.0 и 2.2 MZR CD нудат помала потрошувачка за оние што возилото го користат главно за возење на отворен пат.

3. BMW Серија 3 – генерацијата F30 се движи во ценовниот опсег до 10.000 евра и обично доаѓа со поголема километража. Најдобар избор е дизел моторот 318d или 320d со мануелен менувач, а ако најдете добро одржуван примерок, нема потреба многу да се двоумите.

4. Honda Accord – ова е еден од најсигурните автомобили во средната класа. Најбарани се бензинскиот мотор 2.0 i-VTEC и дизел моторот 2.2 i-DTEC, при што вториот е малку поскап за одржување од бензинецот.

5. Volvo S60 од втората генерација – ова е веќе премиум возило што може да се најде по цена на „обичен“ половен автомобил.

Најбарани се дизел моторите D3 и D4 доколку планирате да потрошите до 10.000 евра, додека бензинската верзија со мотор T5 нуди подобра динамика на возење, но и малку повисоки трошоци за одржување.

Важно е да се напомене дека ова се модели што се застапени на бројни веб-страници за продажба на половни автомобили и не се единствените квалитетни опции во ценовниот опсег до 10.000 евра; затоа, потребно е темелно да ги истражите сите модели што ве интересираат и внимателно да ја донесете таа важна одлука. Исто така, секогаш одвојте најмалку 500 евра при купување половен автомобил, за случај веднаш да биде потребен некаков сервис или поправка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.