„Црната вдовица“ од Јапонија со години ги убивала своите љубовници, ја чека смртна казна

Во 2013 година, Исао Какехи (75) бил во добра здравствена состојба и заљубен во Чисако Какехи, тогаш 67- годишна, со која се запознал преку агенција за состаноци.

По два месеци парот се венча и живееле заедно, многумина би рекле идиличен живот, во градот Муку, во регионот Кјото. Фаталнаста вечер подготвиле традиционални колачиња со ориз.

За жал, Исао не ја доживеал новата година бидејќи на 28 декември стана четвртата и последна жртва на јапонската Црна вдовица, пишува Си -Ен –Ен.

Денес, 74-годишната жена е осудена за убиство на тројца партнери и обид за убиство на четвртиот. Таа ги започнала убиствата во 2007 година, кога имала 61 година. Била уапсена дури во 2014 година.

Во 2017 година, таа била осудена на смрт по едно од најдолгите судења во историјата на Јапонија. Жалбата против пресудата е одбиена во јуни оваа година.

„Таа користеше агенции за состанување за да стапи во контакт со постарите жртви и, откако ќе ја добие нивната доверба, ќе ги отруеше“, рече судијата во нејзиниот случај.

Таа го склучила својот прв брак во 1969 година, на 23 -годишна возраст, а нејзиниот сопруг починал во 1994 година по болест. Таа била вдовица до 2007 година, кога влегла во врска со 78-годишниот Тошиако Суехир. На 18 декември истата година, на ручекот со неговите деца, таа му дала таблета цијанид.

По само 15 минути, тој колабирал, а кога пристигнала медицинската служба, тој умирал. Лекарите успеале да му го спасат животот, а тој починал година и пол подоцна од последиците од друга болест.

Во 2011 година, таа се запознала со Масанорија Хонда, 71-годишник во добра здравствена состојба. Иако страдал од „поблага форма“ на дијабетес, тој често посетувал рекреативни активности. Тој стапил во контакт со Црната вдовица, а на пријателите им било кажано и дека планираат да се венчаат.

На 9 март 2012 година, Црната вдовица се сретнала со Хонда во продавница. Потоа Хонда ја загубил свеста додека возел мотор истиот ден, а по два часа, лекарите ја констатирале неговата смрт.

Подоцна се докажало дека Чисако започнала романтична врска со друг маж два месеци пред неговата смрт.

Минору Хиоки, 75-годишник кој преживеал рак на белите дробови, планирал да започне нов живот во 2013 година. До август истата година, тој се заљубил во Какеха и во нејзините пораки напишал „дека сака да биде со неа засекогаш“. На 20 септември, таа му дала пилула со цијанид. Бидејќи двојката редовно земала лекови, на убиецот и` било лесно да вбризга цијанид, а Хиоки ја загубил свеста.

Додека пристигнала медицинската служба, неговата состојба се влошила и се гушел и чувствувал болки. Какехи ги излажала лекарите тврдејќи дека боледува од напреден рак на белите дробови и го одбила неговото лекување, а тој починал во рок од два часа.

Уште во ноември 2013 година, таа била во брак со Иса Какехи, а само неколку недели подоцна тој починал од срцева слабост. Како и повеќето жртви, тој починал по вечерата со Црната вдовица, а неговата смрт предизвикала сомневање.

Обдукцијата не е честа постапка во Јапонија, но во овој случај била извршена поради честите смртни случаи на партнерите на Какехи. Наскоро, инспекторите пронашле празни капсули од лекови во нејзиниот стан во кои таа ставала цијанид, како и траги од цијанид.

Два месеци подоцна, таа признала дека ги отрула Хонда, Хиоки и Суехир со таблети соп цијанид. Таа е осомничена дека е одговорна за смртта на четворица други мажи, но истражителите никогаш не нашле цврсти докази.

Не е јасно што точно ја натерало на сите убиства. Нејзината одбрана се пожалила на недоследности во нејзиното сведочење, тврдејќи дека таа страдала од деменција. Одбраната го загубила случајот и таа е осудена на смрт.

Казната ќе биде извршена во рок од шест месеци.

Руски боксер со голи раце убил мечка, која смртно го повредила неговиот пријател

Од Русија доаѓаат вести кои делуваат како приказна од хорор филмови.

Илја Медведев, 23-годишен руски боксер, со пријателот ловел риба во Сибир кога ги нападнала мечка. Пријателот Вјечеслав Дудник бил нападнат и убиен од мечката, а потоа се свртела кон Медведев. Боксерот извадил пиштол и пукал, но мечката му го исфрлила од рака. Сепак, Медведев успеал да извади нож и да го избоде животното.

„Имаше крици, а потоа и пукотници. Кога пристигнав, видов дека Вјачеслав е мртов“, рекол рибар кој бил во близина и кој го префрлил Медведев во болница.

Според Дејли Мејл, тој има сериозни повреди и е во критична состојба.

Полициско куче изгризало навивач во Холандија, неговите колеги го нападнаа полицискиот коњ

На синоќешниот натпревар во Лигата одигран во Ротердам помеѓу Феенорд и Унион Берлин, имало жесток судир помеѓу германските навивачи и холандската полиција.

Според германски Билд, претставниците на навивачите тврдат дека конфликтот настанал поради лошата организација. Наводно, имало премал број вработени кои ги прегледувале ковид-потврдитее, а некои скенери биле неисправни.

Потврдите за Ковид се разгледувале многу бавно, што резултирало со голема гужва пред влезот и нервоза кај околу 2400 фанови.

Полицијата во Ротердам известува за настаните сосема поинаку. Велат дека биле цел на група хулигани и се судриле со полицијата. При жестоката тепачка имало повеќе повреди. Еден навивач бил каснат од полициско куче, а хулиганите повредиле полициски коњ. Имено, фрлањето пиротехнички средства го исплашило, па паднал со полицаецот кој го јавал.

Портпаролот на Унион ги поддржал навивачите и тврди дека организацијата била навистина лоша и дека повеќето навивачи целото прво полувреме го поминале во ред пред стадионот. Снимките и сликите, вели, ја потврдуваат крајната бруталност на домашната полиција во пресметката со навивачите.

Позната холивудска актерка е уапсена за време на протестите пред Белата куќа (ВИДЕО)

Полицијата во Вашингтон ја уапси актерката Алиса Милано додека протестирала со група истомисленици пред Белата куќа, барајќи промени на правото на глас.

„Само што бев уапсена додека протестирав и барав од администрацијата на Бајден и Сенатот да го искористат своето право и да го заштитат правото на глас. Застанете со мене и кажете им гласно на Сенатот и Белата куќа дека секој мора да ги има тие права, без разлика каде живеат ", напишала актерката на нејзиниот профил на Инстаграм.

Полицијата прво ја предупредила актерката дека заедно со членовите на здружението People for the American Way мора да се тргне од областа, во спротивно ќе мора да ги уапсат според законот кој забранува собирање толпи и окупирање на улици и тротоари.

Патем, актерката пред протестот објавила дека може да биде уапсена. „Денес ќе ризикувам апсење бидејќи минатата година беа воведени 425 закони кои го ограничуваат правото на глас“, рече Милано во видеото објавено на Твитер. „Затоа ќе барам нашиот претседател да направи се` што е во негова моќ за да ги усвои Законот за слобода на гласот, Законот за правата на глас на Џон Луис и Законот за државност на ДЦ“.

Актерката од порано е позната по својот политички активизам, а во 2019 година зборуваше за своето лично искуство со абортусот во знак на протест против рестриктивните закони, кои ги нарече „напад врз женските тела“.

притисни ентер