„Борба за смрт“ награден на фестивал во Грција - Канал 5

Култура

„Борба за смрт“ награден на фестивал во Грција

Краткометражниот филм „Борба за смрт“ во режија и по сценарио на Елеонора Венинова, освои награда на Меѓународниот филмски фестивал во Драма, Грција што се одржа од 19 до 24 септември.

„Борба за смрт“ награден на фестивал во Грција
Филмот ја освои Специјалната награда за најдобра машка улога, која им се доделува на двајцата ветерани Мите Грозданов и Илија Струмениковски за нивната изведба во парадоксалната драма на младата режисерка.

- Се радувам за наградата, особено зашто е награда за глумците. Многу често на овие фестивали се наградуваат режисерите, а актерите се во втор план, иако нивната игра има голем удел во самиот филм. Драго ми е што Мите и Илија го добија ова признание, со оглед на тоа што работеа во тешки услови, но со многу љубов и посветеност, вели Венинова.

Струмениковски објаснува дека за него било големо задоволство и чест да работи со екипата на „Борба за смрт“.

- Оваа награда ме прави пресреќен и верувам дека секој мој колега, кој добива награда од својата фела го дели истото чувство. Тоа кажува дека она што си го направил, навистина вредело. За мене важна алка во целиот процес беше и дружењето со сите тие луѓе на сетот, но и големото разбирање. И јас и колегата Грозданов се вљубивме во самите ролји, изјавува Струмениковски.

Грозданов, пак, вели дека екипата работела со голем ентузијазам.

- Се радувам на наградата. Особено се радувам и затоа што жирито кое ни ја додели наградата е интернационално, и луѓе од целиот свет ги слушнаа нашите дијалози на македонски јазик. За мене тоа е многу важно, истакнува актерот.

Сценариото за „Борба за смрт“ учестуваше на неколку работилници за развој на кратки филмови во Литванија, Романија и во Грција. Токму на Меѓународниот филмски фестивал во Драма, пред две години ја освои и наградата за најдобро сценарио на работилницата „Драма пичинг лаб“.

Струмениковски и Грозданов толкуваат улоги на двајца старци кои се расправаат за последното гробно место во едно запустено македонско село. Филмот ги разоткрива дилемите за тоа што ќе се случи ако на човек, кој животот го свел на исчекување на смртта, одеднаш некој му го уништи планот за умирачка.

Продуцентот Кралевски информира дека филмот ќе се најде и на програмите на претстојните изданија на Фестивалот за краток филм во Измир, Турција, како и на Тузла филм фестивал во Босна и Херцеговина, а најави и следен проект со режисерката Венинова.

- Во подготовки сме за долгометражен игран филм со работен наслов „Преекспонирано“, кој е примен на работилница на „European Script Meeting“ во Рига, вели Кралевски.

„Борба за смрт“ се снимаше минатото лето во село Кален, Прилепско. Директор на фотографија е Димо Попов, монтажер и продуцент Гоце Кралевски, дизајнот на звук е на Дарко Спасовски, а сценограф e Никола Ангеловски. Филмот го продуцираше „ДНФ филмс“, а е поддржан од Агенција за филм на РМ и од „Канал 5“. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

Дури ни градоначалникот на Њујорк не може да си дозволи влезница за Никси?!

Градоначалникот на Њујорк и голем навивач на  НБА тимот „Никс“, Зохран Мамдани, нема да присуствува на историскиот натпревар поради високите цени на билетите. 

Дури ни градоначалникот на Њујорк не може да си дозволи влезница за Никси?!

Градоначалникот на Њујорк, Зохран Мамдани, нема да биде на трибините во „Медисон Сквер Гарден“ на 20 октомври, кога „Њујорк Никс“ ќе го подигнат шампионскиот банер по повеќе од половина век чекање.

Причината? Цената на билетите!

На Мамдани, кој е голем навивач на „Никс“, му беше поставено прашање дали ќе присуствува на натпреварот против „Филаделфија 76ерс“, но неговиот одговор беше краток и многу директен.

„Брат, немам подготвено 2.000 долари за таа влезница“, рече Мамдани во интервју за „NBC New York“.

Кога новинарот потоа му предложи дека може да седне на една од највисоките трибини, градоначалникот со насмевка одговори: „Па, токму за тоа зборувам!“

Претходно, Мамдани се осврна на прашањето дали „Никс“ можат да ја одбранат титулата. Тој ги вкрсти прстите и рече: „Ајде де, се надевам – но со поевтини влезници.“

А цените навистина предизвикаа бура меѓу навивачите. Според податоците објавени од „Ројтерс“, цената на најевтината влезница за отворањето на сезоната достигнала 1.251 долар, додека во еден момент изнесувала дури 1.408 долари.

„TicketData“ забележала и претходен скок на 1.962 долари.

Сепак, подоцна се случил целосен пресврт.

Компанијата „Madison Square Garden Sports“ соопшти дека дошло до грешка во одредувањето на цените, поради што продажбата на поединечни влезници била привремено стопирана.

Компанијата најави враќање на минатогодишните цени со просечно зголемување од 12 отсто, а на навивачите што веќе купиле влезници по повисока цена ќе им биде вратена разликата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Дедо Мраз гласаше на изборите за Руската дума

Во Нижни Новгород – Дедо Мраз „Јушто Кугиза“ пристигна да гласа на изборите за Руската државна дума во својот роден крај во руската Република Мари, соопшти регионалната изборна комисија.

Дедо Мраз гласаше на изборите за Руската дума

„Својот избор го направија претставници на најнеочекувани професии. На пример, марискиот Дедо Мраз, Јушто Кугиза – име што на мариски јазик се преведува како ‚Ладен Дедо“.

Тој не ја чекаше зимата и дојде лично да гласа“, изјавија од Изборната комисија на Република Мари, како што пренесе агенцијата РИА Новости.

Резиденцијата на марискиот Дедо Мраз се наоѓа во селото Кукнур во областа Сернур – најсеверната точка на републиката – каде што тој живее со својата внука, Лумудир.

„Јас, Јушто Кугиза, марискиот Дедо Мраз, денес лично дојдов на избирачкото место. Гласањето од далечина е добра работа, но личното присуство е нашиот начин – марискиот начин.

Ве повикувам да ни се придружите, било лично или од далечина. Најважно е да го направите својот избор“, рече тој вчера во обраќањето до жителите на републиката. Заклучно со 1 јули 2026 година, бројот на гласачи во оваа руска република изнесува 520.714, а низ регионот се отворени 495 избирачки места.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Тренерот на Севиља: Како Равиња не е меѓу номинираните за „Златната топка“?

Капитенот на шпанскиот фудбалски шампион Барселона, Бразилецот, Рафиња е во неверојатна форма, но сепак неговото име изостана од списокот со 30 номинирани за „Златната топка“ (Ballon d'Or).

Тренерот на Севиља: Како Равиња не е меѓу номинираните за „Златната топка“?

Бразилецот во последно време е еден од најважните фудбалери на Барселона, што го потврди и со брилијантниот настап во победата од 3–1 над Севиља.

Капитенот на Барселона постигна хет-трик, продолжувајќи ја сезоната во која речиси сè што ќе допре го претвора во гол.

По натпреварот, тренерот на Севиља, Луис Гарсија, не го криеше своето чудење што Рафиња не е номиниран за оваа престижна награда.

„Постојат работи во фудбалот што не ги разбирам. Конкретно, како е можно Рафиња да не е меѓу 30-те номинирани за ’Златната топка‘? Тоа ми изгледа апсурдно.“

Рафиња постигна 12 гола на своите први седум првенствени натпревари оваа сезона, а додаде уште два во Лигата на шампионите.

Вкупно, тој запиша 14 гола и три асистенции на осум натпревари. Веќе одигра три натпревари со најмалку два постигнати гола, а против Севиља го оствари својот втор последователен хет-трик. Интересно е што Бразилецот не се најде ниту на потесниот список од 30 кандидати за „Златната топка“, кој беше објавен на почетокот на септември.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер