Русата коса всушност никогаш не излегува од мода, но секое лето доживува ново освежување. Оваа боја на коса симболизира слободен дух и одговара на потребите на современите жени. Годинава, таа не е платинеста или класично пепелаво руса, туку топла и сончева, медено руса нијанса која ги освои фризерските салони и социјалните мрежи.

Станува збор за боја на коса која не само што го освежува тенот и дава посебен сјај, туку успешно ги прикрива седите влакна и немате потреба од често бојадисување на косата. Во време кога сè повеќе жени тежнеат кон природен изглед, но и полесно одржување, медено русата коса се издвојува како совршен баланс помеѓу луксузот и едноставноста. Таа потсетува на коса која е природно осветлена од сонцето после одмор, зрачи со топлина и нежност, а истовремено делува негувано и гламурозно.

Нема строги линии, само меки, женствени тонови што лесно одговараат со сите типови кожа или стилови. Без оглед дали сакате суптилна промена или дискретен начин да го освежите вашиот изглед, оваа нијанса на руса коса е вистински погодок. Идеална е за оние кои сакаат да изгледаат младолико и одморено, без постојаните посети на фризер. Во морето трендови што доаѓаат и си одат, медено русата нијанса останува највпечатлива боја на летото.

Новиот изглед на Бела Хадид маѓепсува со својата суптилност, нејзината нова боја на коса, медено руса, стана апсолутен хит, но и пример на многу жени кои се стремат кон софистициран и ненаметлив изглед.

Бела Хадид со овој избор покажа дека промената не мора да биде драстична за да биде ефектна, нејзината коса делува раскошно и ненападно, и што е најважно, им прилега на сите генерации, особено на жените кои сакаат освежување што подмладува и не оптоварува.

Интересно е што оваа нијанса не бара многу одржување. Подраснатата коса не прави остар контраст, туку постепено се претопува со остатокот од косата, давајќи ѝ на фризурата негуван изглед дури и по повеќе недели од фарбањето. Токму затоа оваа нијанса на руса коса се покажа како идеален избор за жените чијшто стил не бара многу.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.