„Бев мртва 8 минути – таму немаше болка, а мислите веднаш стануваа реалност“ - Канал 5

Живот

„Бев мртва 8 минути – таму немаше болка, а мислите веднаш стануваа реалност“

Бријана Лаферти (33) го сподели своето потресно и мистично искуство со клиничка смрт, тврдејќи дека смртта е само илузија. Таа вели дека нејзиното битие го напуштило телото, додека нејзината свест се преселила во простор без време, болка и граници.

„Бев мртва 8 минути – таму немаше болка, а мислите веднаш стануваа реалност“

Американката Бријана Лаферти, која боледува од редок и тежок невролошки нарушување познато како миоклонусна дистонија, со денови трпела несоница толку интензивна што не заспала ни за момент. Во еден миг, нејзиното тело, како што вели, едноставно се предало. Била клинички мртва осум минути, но тогаш ѝ се случило нешто што никогаш нема да го заборави, пренесува британски „Експрес“.

– Излегов од телото. Не го видов моето физичко јас, но бев во потполн мир. Се чувствував поинаку живо од кога било. Немаше болка, само длабоко чувство на јасност и спокој – раскажала таа.

За време на тоа искуство, слушнала глас што ја прашал дали е подготвена. Кога се согласила, сè било обвиено во темнина, но и силно чувство на разбирање.

„Свеста не умира“

– Смртта е илузија затоа што нашата душа не умира. Нашата свест останува жива. Нашата суштина едноставно се менува и преминува во друга состојба. Таму мислите веднаш ми стануваа реалност. Нашите мисли таму го создаваат светот околу нас, но потребно е време – и тоа всушност е благослов.

Таа тврди дека научила како од негативното да создаде нешто позитивно и на сè да ѝ даде подлабоко значење.

– Денес се чувствувам оснажено и со доверба ги прифаќам предизвиците. Ми е јасно зошто се борев со болеста и сè што доаѓаше со неа.

„Сè се случува со причина“

Сега Бријана верува дека сè во животот се случува со причина, и поради тоа веќе не чувствува лутина ниту фрустрација, дури ни кога се соочува со неправда.

– Самото сознание колку се силни мислите и чувствата ми помага да живеам со длабока благодарност.

За време на четирите дена во болница, откако ѝ проработело срцето, Бријана се обидувала да разбере што точно ѝ се случило. Повторно морала да учи да оди и да зборува.

– Сѐ уште имам трајни последици, вклучително и оштетување на хипофизата. Но експерименталната операција на мозокот засега е успешна.

Иако признава дека чувствува благ страв од нова епизода на клиничка смрт – не поради самото искуство, туку поради исцрпувачкото закрепнување – таа вели дека е подготвена да го прифати тоа ако мора.

– Моето срце денес е исполнето со благодарност, а не со лутина.

„Преживеав затоа што имам цел“

Таа верува дека сè што ѝ се случило – се случило со причина.

– Верувам дека преживеав затоа што имам цел на оваа Земја. Имаше многу моменти кога можев да умрам, но не умрев. Верувам дека нашата душа ги избира тешките и болни моменти за да научи нешто што не може да го доживее во духовниот свет. Понекогаш причината е и возбудата од непознатото.

Денес го користи своето искуство за да им помогне на други кои се соочуваат со хронични болести, смрт или духовно будење.

– Сега знам дека постои повисока интелигенција што не набљудува со безусловна љубов. Сè се случува истовремено, како да не постои време, но сè има свој совршен ред – објаснила таа, пренесува „Mоје Вријеме“.

Тагови: Живот по смртта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Фото: Се соблече најубавата водителка

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед. 

Фото: Меган Фокс непрепознатлива

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Како Џеф Безос го убеди „Ферари“ да го направи својот прв електричен автомобил

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер