Барале изгубена бурма со детектор за метал, прстенот не го нашле, но наишле на нешто друго! - Канал 5

Живот

Барале изгубена бурма со детектор за метал, прстенот не го нашле, но наишле на нешто друго!

Пол Рајналд и Мајкл Гвин од Северна Ирска буквално се збогатиле преку ноќ.

Детектор

Колку пати сте сонувале да се збогатите преку ноќ и засекогаш да се ослободите од финансиските проблеми? Веројатно многу пати. Вакви соништа имале Пол Рејнард и Мајкл Гвин од Баликасл, Северна Ирска, но немале поим дека соништата ќе им се остварат.

Пол и Мајкл биле на одмор кај некој пријател фармер кој ги замолил да му помогнат да го побара својот венчален прстен. Му паднал на поле додека работел. За полесно да ја најдат бурмата, Пол и Мајкл донеле детекторот за метал, кој Пол секогаш го носел со себе. Го купил пред девет години и го платил нешто повеќе од 700 евра.

- Уште како дете сонував да најдам богатство, затоа купив детектор за метал. Секогаш го носев со себе и пребарував на местата каде што одев. До тој ден не најдов ништо освен неколку пени. Кога почнавме да го бараме венчалниот прстен на нашиот пријател, немавме поим дека ќе налетаме на вистинско богатство – изјавил возбудено Пол.

YouTube video

Отпрвин наишле на неколку изгубени пари, шајка, стара потковица... И потоа детекторот почнал да пишти, и Пол почна да копа во калта. Во еден момент извадил стара паричка извалкана со кал, без да биде свесен дека стои на вистинско богатство.

-Почнав избезумено да копам и да вадам парички од калта една по една. Скокнав и почнав да викам, трчајќи кон Мајкл: Најдов богатството! Тој скокна како лудак и ми помогна да продолжиме со копањето. Тоа беше големо купче стари монети - возбудено изјавил Пол.

Пронашле 84 монети, од кои едната била стара најмалку 500 години! Најстарата монета датира од 1512 година и е направена за време на владеењето на кралот Хенри VIII. Според проценките, би можела да вреди околу 6.000 евра. Имало и монета од 1546 година, чија проценета вредност е околу 3.500 евра.

- Тоа беше неверојатно чувство. Тоа е како да ги проверувате броевите на лотарија и сте сфатиле дека сте освоиле џекпот. Бев толку среќен, можев да пеам и да плачам од среќа истовремено – кажал Пол.

Тој ги однел монетите во музејот во Алстер на проценка, а според првичните проценки колекцијата би можела да вреди околу 119.000 евра. Според ирскиот закон, тој е обврзан да ги подели парите со сопственикот на земјиштето каде што се пронајдени монетите. А бурмата? Таа сè уште е некаде изгубена, пишува „Индепендент“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер