„Астерфест" почнува утре со филмот „Телефонско дежурство" - Канал 5

Култура

„Астерфест" почнува утре со филмот „Телефонско дежурство"

Со македонската премиера на осумминутниот краток игран филм „Телефонско дежурство", ќе почне прикажувањето на кусометражната филмска програма од годинашното петнаесетто издание на струмичкиот интернационален фестивал за краток филм „Астерфест".

„Астерфест" почнува утре со филмот „Телефонско дежурство"

„Астерфест" ќе се одржи онлајн од 28 до 31 август, под мотото „Движења, патеки".

Пред прикажувањето на филмот организаторите предвидуваат кратко обраќање на авторката Мораг Меккинон од Единбург, на лауреатот на наградата „Астер" за животно дело, Пиро Милкани од Тирана, како и на режисерот Ленар Камалов од Москва.

Во натпреварувачката програма се и кратките играни, анимирани и документарни филмови: „Мари" на Панајотис Краварис, „Месечински капки" на Јорам Евер-Хадани, „Неонски срца" на Ана Јакимска, „Обој ги змејовските очи" на Џемс Лукас, „Божикниот подарок" на Богдан Мурешану, „Улис" на Хорхе Малпика, „Прозорецот на соседите" на Маршал Кари, „Колахолик" на Марчин Подолец, „Еден од многуте" на Петра Злонога, „Потеклото на човекот" на Пјотр Сапегин, „Неумолива независна вселена" на Дамјан Краковјак, „Дневни задачи" на Петја Златева, „Рибата лист" на Лизи Хобс, „Странско тело" на Кристијан Гомез Агуилар, „Терариуми" на Хана Ховит, „Кругот" на Ланре Малаолу, „Оди, трчај, ча-ча" на Лора Никс, „Зомбија" на Балоџи, како и „Лисицата и гулабот" од Шериданската аниматорска школа.

Покрај официјалната, во ретроспективната програма ќе има и неколку впечатливи кусометражни остварувања од изминатите години на Фестивалот, меѓу кои и филмови на авторите Стефан Шашков и Јани Бојаџи, на авторките Билјана Гарванлиева, Ана-Марика Графманс, Тамара Суламаниѕе и Хуанита Вилсон, но и оние на тандемот Претсел–Мекдауел, како и на Ено Милкани. Исто така, во соработка со Кинотеката ќе бидат прикажани три антологиски кратки филма од Бранко Гапо.

Интернационалното стручно жири ќе ја соопшти одлуката за наградите в понеделник вечер, веднаш по последниот краток филм во конкуренција, „Циркуски движења" на Лукас Бергер и Марио Гаџо де Карваљо.

Онлајн филмските содржини ќе може да се следат секоја вечер со почеток од 19:30 часот, преку линкот https://www.asterfest.com/online.html.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на министерот Муцунски со заменик-државниот секретар на САД, Кристофер Ландау

Во рамките на работната посета на Вашингтон, министерот за надворешни работи и надворешна трговија, Тимчо Муцунски, оствари средба со заменик-државниот секретар на Соединетите Американски Држави, Кристофер Ландау.

Средба на министерот Муцунски со заменик-државниот секретар на САД, Кристофер Ландау

Во разговорот соговорниците ја потврдија заедничката определба за натамошно зајакнување на стратешкото партнерство и билатералната соработка, во интерес на граѓаните на двете земји.

Фокусот на средбата беше ставен на унапредувањето на соработката во областа на одбраната и сојузништвото во НАТО, економијата, енергетиката и регионалната поврзаност.

Беа разменети мислења и за состојбите во регионот, како и за значењето на континуираниот ангажман на САД за мирот, безбедноста и просперитетот на Западниот Балкан.

Тагови: Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео- Фото: Дурант го направи најскапиот селфи на Светското првенство: Меси, Ѓоковиќ, Брејди...

Мајкл Рубин, американски бизнисмен чие богатство се проценува на 12 милијарди долари, објави селфи на кое е во друштво на голем број ѕвезди од светот на спортот и шоу-бизнисот.

Видео- Фото: Дурант го направи најскапиот селфи на Светското првенство: Меси, Ѓоковиќ, Брејди...

Фотографијата, која веднаш привлече светско внимание по објавувањето, е направена за време на фестивалот Фанатикс, глобалната дигитална спортска платформа на Рубин.

За селфи да ја опфати оваа поголема група, потребен беше некој со долги раце...

Изборот беше лесен: Кевин Дурант, еден од најголемите кошаркари на НБА во последната деценија, со телефонот во рака (стапчето за селфи беше излишно), го овековечи овој навистина незаборавен момент.

Дурант се „улови“ себеси, најтрофејниот свтески тенисер Новак Ѓоковиќ, капитенот на Шпанија Родри, легендата на американскиот фудбал Том Брејди, аргентинскиот голман Емилијано Мартинез, раперот Тревис Скот, екс фудбалерот на Манчестер Јунајтед и на англиската репрезентација Рио Фердинанд, волшебникот со буба мара Лионел Меси, Рубин и комичарот Кевин Харт.

На втората фотографија, која е направена од друг агол и го прикажува моментот на правење на селфито, во кадарот се и селекторите на Аргентина и Шпанија, Лионел Скалони и Луис де ла Фуенте.

Тагови: Кевин Дурант Лионел Меси Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Уапсен кошаркарот на Србија, Урош Плавшиќ !

Поранешниот кошаркар на Црвена Звезда, српскиот репрезенативец Урош Плавшиќ, е уапсен по наредба на Вишото јавно обвинителство во Белград под сомнение за напад врз обезбедувач на Военомедицинската академија (ВМА).

Уапсен кошаркарот на Србија, Урош Плавшиќ !

Како што пренесува „Спортињо“, инцидентот се случил во текот на ноќта меѓу 16 и 17 јули, кога Плавшиќ наводно ја прескокнал оградата на ВМА и стигнал до шалтерот за прием бр. 2, каде што физички нападнал воено лице кое било на должност. Обезбедувањето успеало да го совлада напаѓачот и веднаш ја известило Воената полиција за инцидентот.

Потоа, припадниците на Воената полиција го предале Плавшиќ на патрола на Министерството за внатрешни работи. Во инцидентот, припадникот на обезбедувањето се здобил со полесни повреди на главата и раката.

На Плавшиќ му е одреден притвор во траење до 48 часа поради сомнение дека сторил кривично дело напад врз воено лице при вршење воена служба, а за понатамошните чекори ќе одлучи надлежното обвинителство.

Инаку, како штпо пренесуваат дел од српските медиуми само неколку часа пред апсењето, Плавшиќ и неговата сопруга, инфлуенсерката Јована Томиќ, организирале голема црковна венчавка и прослава за семејството и пријателите.

Двојката претходно стапила во граѓански брак пред една година, на интимна церемонија. Плавшиќ неодамна стана играч на романскиот клуб Клуж.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер