„Арсеник и стара тантела“ нова претстава на Театар Комедија - Канал 5

Култура

„Арсеник и стара тантела“ нова претстава на Театар Комедија

Во Театар комедија вечер ќе се одржи претпремиерата на „Арсеник и стара тантела“ - претстава работена по текст од Џозеф Кеселринг, во режија и адаптација на Лидија Дедовиќ. 

„Арсеник и стара тантела“ нова претстава на Театар Комедија

Премиерата на оваа црна комедија е закажана за утревечер, а еден ден подоцна, на 21 декември ќе се одржи репризна изведба на претставата.

Како што соопштуваат од театарот, „Арсеник и стара тантела“ претставува крими црна комедија за изопаченоста и современото безумие, за прикривањето злосторства, за емпатијата како изговор за криминал, за љубовта…

Според сижето, навидум е сè нормално и општествено прифатливо во животот на сестрите Аби и Марта Брустер. Тие живеат заедно со нивниот возрасен внук Теди. Средината ги почитува и им е наклонета, заради нивната милосрдност и добродушност кон соседите. Освен тоа, тие се религиозни и богоугодни, и се радуваат на новиот свештеник во заедницата, особено затоа што неговата ќерка има романтичен однос со другиот внук, театарскиот критичар Мортимер. Но, оваа идилична слика, всушност има мрачна опачина. Сестрите Брустер имаат бизарно хоби – труење осамени луѓе (претежно мажи), Теди страда од делузија на идентитет и верува дека е претседателот Теодор Рузвелт, а добро чуваната тајна во семејството на лудаци се открива со појавата на третиот внук, Џонатан, за кого се знае многу малку до неговото враќање во домот.

-Овој комплекс од ликови и нивното заемно дејство, впрочем, формираат „театар во театар“ и тоа на неколку нивоа: преку идентитетската криза на Брустерови, преку класичната драмска постапка на препознавање и кулминира со метатеатралната сцена во која Мортимер ја исмева претставата што ја гледал, притоа антиципирајќи го тоа што ќе му се случи следно – речиси идентичен исход како на несреќниот лик од претставата, велат од Театар комедија.

„Арсеник и стара тантела“ од Џозеф Кеселринг првично била предвидена како сериозна пиеса, инспирирана од вистински настани, но потоа била преработена во фарсична црна комедија со макабристички елементи. Уште од првата изведба на Бродвеј во 1941 година станала хит, постигнувајќи неверојатен успех кај критиката и публиката, за што зборува податокот за одиграни 1.444 изведби. Пиесата добила и филмска адаптација во 1944 година, со Кери Грант во главната улога, инаку втората најголема филмска ѕвезда на сите времиња (по Хемфри Богарт) според Американскиот филмски институт.

Претпремиерата вечер, како и премиерата на 20 декември и репризната изведба на 21 декември ќе се играат на големата сцена на Театар комедија во терминот од 20 часот.

Преводот на комедијата од авторот Џозеф Кеселринг, е на Горан Додевски. Режијата и адаптацијата е на Лидија Дедовиќ, а асистент на режија е Жаклина Петровска. Соработник на драматургија е Благица Секулоска, а лекторка Зорица Манаскова Станковиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Мелони ме замоли да се сликам со неа, ми беше жал за неа

Претседателот на САД, Доналд Трамп, денес во емисијата „Aria che Tira“ на телевизијата „La7“ изјави дека италијанската премиерка Џорџија Мелони го „молела“ да се слика со неа на самитот на Г7 оваа недела.

Трамп: Мелони ме замоли да се сликам со неа, ми беше жал за неа

На почетокот на интервјуто, Трамп веднаш го сврте разговорот кон Мелони, прашувајќи „како е вашата премиерка?“ „Што рече таа кога се сретна со мене? Веројатно е среќна што разговарав со неа“, додаде тој.

„Не морав да разговарам со неа. Не знам што да кажам. Ме замоли да се сликам со неа. Толку многу сакаше да се слика со мене. Не би го прифатил тоа, но ми беше жал за неа“, рече тој.

Мелони беше голем пријател на Трамп и единствениот европски лидер поканет на неговата инаугурација минатата година. Односите се заладија кога италијанската влада, на почетокот на војната во Иран, го отфрли барањето на САД да користи воздухопловна база во Сицилија за напади за време на војната. Трамп ја обвини Италија дека не е од помош и рече дека Мелони се променила.

Извор: Индекс.хр

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче со земјоделците од Иванковци: Катастрофална состојба со откупот на пченица и јачмен

Претседателот на СДСМ, д-р Венко Филипче, со земјоделци од велешкото село Иванковци, разговараше за состојбите во земјоделството и проблемите со кои се соочуваат земјоделците производители на пченица и јачмен.

Филипче со земјоделците од Иванковци: Катастрофална состојба со откупот на пченица и јачмен

Земјоделците посочија дека состојбата е катастрофална, се соочуваат со неизвесност, доцнење на субвенциите, а производствените трошоци кои се драстично зголемени.

Дополнителен проблем е што од Министерството за земјоделство, кое треба да ги следи производствените трошоци и да реагира доколку откупната цена на јачменот и пченица е ниска, нема никаква реакција.

Земјоделците на средбата посочија дека ниту откупната цена на јачменот, ниту на пченицата, не се јавно објавени. Жетвата на јачменот е веќе на средина, земјоделците го предаваат, а не знаат по која цена. На дел им се откупува по 9 денари за килограм,, што за нив значи директна загуба. Претседателот Филипче посочи дека со погубните политики на власта земјоделството пропаѓа.

„Земјоделството пропаѓа. Ако државата не ја пресмета производната цена во соодветно време и да даде помош согласно зголемените трошоци, бидејќи ние не знаеме од сега дека порасна цената на ѓубривата, знаеме од кога почна војната на Блискиот Исток, ако немаме Влада која ќе помогне да се има реална цена, што ќе даде дополнителна субвенција, интервентна мерка, а влијае за да има непречен откуп, како што нема, тогаш вие земјоделците сте оставени сами на себе“, рече Филипче.

На средбата Филипче посочи дека СДСМ има план за развој на земјоделството, според потребите на земјоделците, како и план кој го цени трудот на земјоделците.

„Прво, соодветна производна цена по јавна и јасна методологија, за да се знае колку е трошокот. Ако остане неоткупен производ, државата да води грижа за тоа. Потоа окрупнување на земјиштето, намалување на земјоделска такса од 2%, средување на состојбата со каналите за наводнување, педолошки анализи на почва и друго и сето тоа да биде стратегија за развој на земјоделството, но да бидеме искрени, сето тоа се прави со помош од ЕУ“, рече Филипче.

Тагови: Венко Филипче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Почина американскиот хип-хоп продуцент Теј Кит

ХИП-ХОП продуцентот Теј Кит, кој беше номиниран за Греми и работеше со уметници како Бијонсе, Тревис Скот и Фјучр, беше пронајден мртов на 29-годишна возраст.

Почина американскиот хип-хоп продуцент Теј Кит

Продуцентот познат по хитовите на „Travis Scott“ „Sicko Mode“ и „Nonstop“ на „Drake“ беше пронајден мртов од полицијата во неговиот стан во Нешвил.

Работел со познати музичари

Кит, чие вистинско име е Брајтавиус Чемберс, работел и со ѕвезди како „Eminem“, „Cardi B“, „Megan Thee Stallion“, „J. Cole“ и „21 Savage“. Во соопштението од полициската станица на Метро Нешвил се вели: „Не се сомневаме дека е извршено казнено дело во врска со смртта на 29-годишната Брајтавиус Чемберс, познат и како музички продуцент номиниран за Греми, Теј Кит.“

Тој беше номиниран за Греми

Кит беше номиниран за Греми во категоријата најдобра рап песна за „Sicko Mode“, која исто така се искачи на врвот на американските музички листи. Тој беше повторно номиниран во 2024 година за неговата продуцентска работа на песната „Rich Flex“ од „Drake“ и „21 Savage“.

Кит ја основа музичката издавачка куќа „Drumatized Music Group“ со седиште во Мемфис со својот менаџер Камбријан Стронг. Двајцата беа именувани на листата „30 под 30 музика“ на Форбс за 2024 година, а списанието Билборд го именуваше Кит за еден од највлијателните продуценти на 21 век.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер