Технологија

„Apple“ му се приближува на „Samsung“ по продажба на паметни телефони

Американската технолошка компанија „Apple“ ја намали разликата зад јужнокорејскиот „Samsung“, долгогодишниот лидер на пазарот на паметни телефони, во третиот квартал, според пресметките на експерти од „IDC“.

Од јули до септември „Samsung“ продал 59,6 милиони мобилни телефони, а „Apple“ 53,6 милиони, процени вчера аналитичка компанија. Тие пресметале дека пазарниот удел на „Samsung“ пораснал на 19,7 отсто, а на „Apple“ на 17,7 отсто. Во вториот квартал „Apple“ заостанува зад „Samsung“ за околу четири процентни поени.

Одлучувачки фактор за намалениот заостаток на „Apple“ беше падот на продажбата на „Samsung“ за 8,4 отсто на годишно ниво. „Apple“ продаде 2,5 отсто повеќе „iPhone“ уреди отколку во истиот период минатата година.

„Apple“ обично се искачува на врвот на глобалното рангирање во последниот квартал од годината, благодарение на воведувањето на нови модели. Во текот на целата година, сепак, „Samsung“ традиционално е во водство.

Третото место од јули до септември го зазеде кинескиот „Xiaomi“, кој, според пресметките на „IDC“, продаде 2,4 отсто повеќе мобилни телефони од истиот период лани, со пазарен удел од 13,7 отсто.

Кинеската „Transsion“ го обезбеди статусот на „ѕвезда во подем“ потпирајќи се главно на африканскиот пазар. Во третиот квартал продале 35 отсто повеќе смартфони од истиот период лани, вкупно 26 милиони и изградиле пазарен удел од 8,6 отсто.

Извор: Индекс.хр

Македонија

ЦУК: Осум пожари на отворено во изминатото деноноќие

Во последното деноноќие се евидентирани осум пожар на отворен простор, а активни утрово нема. Горела ниска вегетација, депонии и ѓубришта, соопшти ЦУК.

По еден пожар на отворено имало во село Трубарево (ниска вегетација), зад терминалот на влезот во Струмица (ѓубриште) и кај пробиштипското село Неокази (трска). Во Општина Ѓорче Петров имало два, кај „Стопански двор“ (ниска вегетација) и кај „Обиколница Волково“ (ниска вегетација). Три пожари на творено имало во Општина Кочани - горела градската депонија, кај месноста „Монополски Бавчи“ (ѓубриште) и кај местото „Игралиште“ во Кочани (ѓубриште).

Забава

Танц парада и мини концерт во Струга по повод Светскиот ден на танцот

Со танц парада и мини концерт на отворено, под мотото „Струга танцува“ студиото за танц „Бах“ денеска по четврти пат ќе го одбележи Светскиот ден на танцот - 29 април.

Тања Бах, кореограф и идеен творец на студиото за танц информира дека членовите на „Бах“ ќе тргнат од центарот за култура „Браќа Миладиновци“, покрај кејот на реката Црн Дрим ќе продефилираат низ Струшката чаршија, а потоа ќе одржат концерт во Паркот на поезијата.

-Танц парадата е еден креативен начин да го одбележиме Светскиот ден на танцот. Парадата е нашиот придонес во културните настани во градот на мостовите. Ќе приредиме едно вистинско уживање за публиката и на за нас својствен начин ќе потсетиме за физичките и психичките придобивки од танцувањето, изјави Бах.

Во Паркот на поезијата, додаде, 100-тината членови на „Бах“ ќе ја продолжат танцовата традиција во Струга.

Светскиот ден на танцот за прв пат е прославен на 29 април 1982 годинаа, оттогаш, секоја година на овој ден ширум светот се читаат меѓународни и национални пораки за танцот. Оваа иницијатива ја покрена Меѓународниот одбор за танц на Меѓународниот инститиут за танц на УНЕСКО, а го избра денот според роденденот на зачетникот на модерниот балет и еден од најголемите танцови реформатори, Жан Жорж Новер. /МИА

Македонија

Ден на македонската дипломатија - 55 години од основањето на МНР

 Во Министерството за надворешни работи денеска се одбележува 55 години од неговото постоење. 

По повод Денот на Министерството за надворешни работи министерот за надворешни работи, Бујар Османи, ќе одржи прес-конференција, а вчера дипломатскиот клуб од Скопје го одбележа Денот на македонската дипломатија со садење дрво пред зградата на МНР и посета на Меморијалниот музеј на АСНОМ во Пелинце.

Македонската дипломатија своите почетоци ги има во Бирото за односи со странство формирано во 1969 година. Република Македонија имаше свои дипломати кои работеа во југословенската дипломатија во Белград и во странство, како и во републичкиот орган за односи со странство. Во 1991 година овој орган прерасна во Министерство за надворешни работи.

Министерството за надворешни работи ги врши работите што се однесуваат на надворешните работи и надворешната политика на Република Северна Македонија.

Една од најзначајните дипломатски активности на ова Министерство беше претседавањето со ОБСЕ кое ја одбележа изминатата 2023 година кога нашата држава беше домаќин на Самитот на ОБСЕ.

притисни ентер