„Аџибадем Систина“ потпиша договор за спонзорство со Македонската кошаркарска федерација - Канал 5

Кошарка

„Аџибадем Систина“ потпиша договор за спонзорство со Македонската кошаркарска федерација

Клиничката болница „Аџибадем Систина“ потпиша договор за спонзорство со Македонската кошаркарска федерација.

„Аџибадем Систина“ потпиша договор за спонзорство со Македонската кошаркарска федерација

Како здравствена институција која е лидер во превенција и третман на спортските повреди, болницата со сите свои ресурси ќе се грижи за здравјето на играчите од машката и женската сениорска репрезентација како и од младинските кошаркарски репрезентации.

Спортските прегледи на репрезентативците ќе се одвиваат во првиот најмодерен спортски центар Premium Sport Center. Станува збор за најсовремениот и најмодерно опремен центар за здрав живот во земјава кој на едно место нуди комплетна интегрирана грижа за здрав живот – физикална медицина и рехабилитација, нутриција и во него работи докажен тим на доктори, физиотерапевти, доктор по спортска медицина, нутриционисти, професионални тренери и сертифицирани инструктори со долгогодишно искуство зад себе.

„Ние, како Клиничка болница `Аџибадем Систина` силно веруваме во успехот на кошаркарите и ја вреднуваме посветеноста која ја има Кошаркарската федерација. Очекуваме во блиска иднина повторно да направат голем успех сличен како оној спортски `земјотрес` во 2011 година на Европското во Литванија. Нам ни е особено важно да се поддржува и помага спортот, затоа што тоа е навистина додадена вредност за граѓаните и државата. Како болница сме силно посветени и секако и во иднина ќе се грижиме за нивната подготвеност. Спортските прегледи на репрезентативците ќе се одвиваат во првиот најмодерен спортски центар Premium Sport Center. “, изјави Ѓун Ѓунсој, главен извршен директор на Клиничка болница „Аџибадем Систина“.

Претседателот на Македонската кошаркарска федерација, Перо Антиќ, денеска го посети Центарот за здрав живот - Premium Sport Center и се запозна со капацитетите, можностите и опремата со која располага првиот специјализиран центар од ваков вид во земјава. Неговите впечатоци се дека токму тука македонските кошаркари ќе добијат најпрофесионална подготовка за да се дадат максимални спортски резултати на терен.

„Како федерација сме презадоволни што остваривме соработка со Клиничката болница `Аџибадем Систина`. Голема благодарност до директорот Ѓун Ѓунсој и до мојот драг пријател Јордан Камчев, без кого ова немаше да се оствари. Овој спортски центар има буквално сè што му е потребно на еден спортист. Играчите ќе имаат можност да ја подобрат својата подготвеност, побрзо од било кое друго место, и да не заборавиме дека центарот ги има сите најмодерни апаратури кои ќе овозможат побрзо опоравување при евентуална повреда“, изјави Перо Антиќ, претседател на Македонската кошаркарска федерација.

Клиничката болница „Аџибадем Систина“ активно придонесува во развојот на спортот и спортските активности во земјава, како поддржувач на националните спортски екипи, така и на бројни индивидуални спортисти. Со отворањето на првиот специјализиран центар за здрав живот Premium Sport Center болницата овозможува професионална грижа за секој спортист на ниво на светските спортски центри.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Масакр по комеморација во Јужна Африка: Четворица загинати, меѓу повредените има и дете

Најмалку четири лица загинаа, а тројца се повредени во пукање насочено кон група луѓе кои излегувале од комеморација за локален политичар во населбата Катлехонг, југоисточно од Јоханесбург, соопшти денеска полицијата.

Масакр по комеморација во Јужна Африка: Четворица загинати, меѓу повредените има и дете

Осомничениот напаѓач е во притвор откако се предал на полицијата, пренесе АП.

Пукањето се случило доцна синоќа, а меѓу повредените има и дете. Полицијата првично извести дека двајца мажи загинале на самото место, но бројот на жртвите денеска се искачи на четири, откако уште две лица починале во болница.

Истрагата ја води специјална единица на Јужноафриканската полициска служба, задолжена за политички мотивирани убиства.

Според извештаите на локалните медиуми, некои од жртвите биле членови на младинското крило на Африканскиот национален конгрес (АНЦ), најголемата партија во јужноафриканскиот парламент. Комеморацијата била одржана за локален лидер на АНЦ, кој бил убиен претходно овој месец во напад за кој постои сомневање дека бил политички мотивиран. Полицијата не го потврди идентитетот на жртвите, туку само наведе дека тие присуствувале на комеморација за „член на политичка партија“.

Во Јужна Африка се забележани високи стапки на криминал со употреба на огнено оружје, вклучително и пукања поврзани со локални политички ривалства.

Извор: Б92

Тагови: Јужна Африка масакр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лафчиски присуствуваше на примопредавањето на должноста командант на мисијата „КФОР“ во Косово

Началникот на Генералштабот на Армијата присуствуваше на примопредавањето на должноста командант на мисијата „КФОР“ во Косово.

Лафчиски присуствуваше на примопредавањето на должноста командант на мисијата „КФОР“ во Косово

Началникот на Генералштабот на Армијата, генерал-мајор Сашко Лафчиски, на покана од командантот на Здружената команда на сојузничките сили на НАТО во Неапол (JFCNP), адмирал Џорџ М. Викоф, денес,присуствуваше на свечената церемонија по повод примопредавање на должноста командант на мисијата „КФОР“,која се одржа во главната команда на мисијата во кампот „Филм Сити“ во Приштина.

На свеченоста, со која претседаваше адмиралот Викоф, досегашниот командант, генерал-мајор Озкан Улуташ ја предаде должноста на генерал-мајор Роберто Вергори.

Во рамките на посетата, генералот Лафчиски оствари средби со командантот на Здружената команда на сојузничките сили на НАТО во Неапол (JFCNP), адмирал Џорџ М. Викоф, командантот на Здружената оперативна команда на Италија, генерал-потполковник Џовани Мариа Јанучи и командантот на Корпусот за брзо распоредување на НАТО во Италија (NRDC-ITA), генерал-потполковник Џанлука Караи. На средбите беше потенцирана важноста од заедничкото дејствување и координацијата меѓу сојузничките земји кои остануваат цврсто посветени на колективната безбедност и зајакнувањето на одбранбените капацитети во зоната на одговорност .

За време на престојот, генералот Лафчиски ги посети припадниците на македонскиот контингент кои извршуваат активности во реонот на Дечани и Регионалната команда – Запад, Пеќ каде што оствари средба и со командантот, полковник Џузепе Де Балзи . Притоа, беа истакнати високата професионалност, посветеност и придонесот на припадниците на Армијата во извршувањето на задачите, како и одличната соработка меѓу Армијата и силите на КФОР. На средбата со мировниците, генералот Лафчиски беше непосредно информиран за тековните предизвици при извршувањето на нивните задачи, упатувајќи им притоа порака да продолжат достоинствено и професионално ја претставуваат Армијата и државата во оваа меѓународна мисија.

Армијата на Македонија е дел од мисијата „КФОР“ од ноември 2020 година. Во моментов, македонскиот контингент го сочинуваат два вода распоредени во Регионалната команда – Запад и штабни старешини во командата на мисијата во Приштина, соопштуваат од АРМ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Свечено е одбележано 59-годишнината од основањето на Македонската академија на науките и уметностите.

На свеченото одбележување на Денот на Академијата свое обраќање имаше претседателот на МАНУ, акад. Живко Попов, кој најнапред зборуваше за научната и уметничката дејност на Академијата во изминатата година.

Свечено е одбележано 59-годишнината од основањето на Македонската академија на науките и уметностите.

На свеченото одбележување на Денот на Академијата свое обраќање имаше претседателот на МАНУ, акад. Живко Попов, кој најнапред зборуваше за научната и уметничката дејност на Академијата во изминатата година, а потоа зборуваше за новите предизвици во време на забрзани технолошки промени и општествениот контекст во кој Академијата ја извршува својата дејност како највисока научна и уметничка институција во државата.

Потоа, на прославата свое обраќање имаше доп. член Венко Андоновски, кој ја претстави и зборуваше за делото на Соња Должан, добитничка на наградата „Блаже Конески“ – меѓународно признание за 2026 година за посебен придонес во развитокот на науката, културата и уметноста на Македонија. На крајот Соња Должан одржа поздравен говор.

МАНУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер