Здравје

„Аџибадем Систина" отвора Педијатриски ковид-центар

На овој оддел ќе се третираат деца на возраст до 16 години, а располага со педијатриска ковид-амбуланта, дневна болница и дел наменет за хоспитализација, каде што децата може да бидат хоспитализирани заедно со придружба.

Клиничката болница „Аџибадем Систина" соопшти дека од утре ќе отвори комплетно нов Педијатриски ковид-центар, кој ќе има посебен влез и е целосно изолиран и одделен од другите оддели на болницата со цел да се обезбеди максимална заштита за најмалите пациенти.

На овој оддел ќе се третираат деца на возраст до 16 години, а располага со педијатриска ковид-амбуланта, дневна болница и дел наменет за хоспитализација, каде што децата може да бидат хоспитализирани заедно со придружба. Во дневната болница кај децата ќе се изведуваат потребните дијагностички постапки, ќе се дава соодветна терапија, ќе се мониторираат и следат сè до стабилизација на нивната здравствена состојба или ќе се преземат мерки за нивна хоспитализација.

– Со петтиот бран на пандeмијата со ковид предизвикан од омикрон-сојот се наметна потребата од обезбедување здравствена грижа на децата кои се ковид-позитивни во нашата установа, со посебно издвоен простор надвор од останатиот дел на болничките капацитети. Педијатрискиот ковид-центар ќе има можност за амбулантски прегледи, правење на сите потребни иследувања и по потреба третман во дневна болница. За потешките случаи, пак, ќе има можност и за хоспитализација во дел од нашиот ковид- центар, во изолирани болнички соби, во кои детето ќе може да престојува заедно со родител/придружба. Грижата и третманот на децата со ковид ќе биде спроведуван од страна на искусни педијатри пулмолози, инфектолози, анестезиолози и професионалци од други специјалности кои се на располагање на нашата болница, изјави прим. д-р Душко Фидановски, шеф на Одделот за педијатрија.

Во зависност од здравствената состојба и компликации кај децата, за здравјето на најмалите пациенти на располагање е целиот експертски мултидициплинарен тим на специјалисти од болницата.

Македонија

Тетовец измамен, платил преку интернет 21 илјада евра за роба која не стигнала

СВР Тетово информира дека жител на тетовскиот регион пријавил измама во која дал пари на странска фирма за набавка на роба, па открил дека е измамен по информација од германски служби. Тој нарачувал преку интернет.

- На 23.04.2024 година во 11.30 часот во СВР Тетово, Б.Ф.(29) од тетовско, сопственик на правно лице, пријавил дека од 23.03.2024 до денот на пријавувањето бил измамен од странска фирма за продажба и компанија за транспорт. Според пријавеното, тој преку интернет порачал роба за потребите на неговата фирма, за која преку банкарски трансакции во неколку наврати платил околу 21 илјада евра, но на 17.04.2024 од компанијата за транспорт го известиле дека нарачката била блокирана во Германија. Како што е пријавено, Б.Ф. стапил во контакт со надлежна служба во Германија, од каде му било кажано дека кај нив нема регистрирано таква стока, по што сфатил дека е измамен, информира СВР Тетово.

Тетовската полиција работи на расчистување на случајот.

Фудбал

Двајца премиерлигаши уапсени поради силување

Англиските медиуми објавија вознемирувачки вести. Двајца 19-годишници, кои се професионални фудбалери во Премиер лигата, се уапсени поради обвинение за силување минатиот викенд, а информацијата ја потврдија од англиската полиција.

Не е наведено во која екипа настапуваат фудбалерите, ниту е познат нивниот идентитет, но познато е дека и двајцата играат за истиот тим кој се натпреварува во елитното ниво на англискиот фудбал.

Според британски „Телеграф“, еден од играчите бил сослушан на клупскиот стадион, додека другиот е приведен бидејќи е осомничен дека помагал во извршување на кривично дело.

Сексуалниот напад за кој се обвинети фудбалерите се случил во петокот, а жртвата веднаш се јавила во полиција, а неколку часа подоцна поднела официјална пријава.

Се наведува дека клубот нема дополнително да коментира и дека работата е во рацете на полицијата.

Ова не е прв пат да се случи ваква ситуација во Премиер лигата. Претходно беа покренати обвиненија против Мејсон Гринвуд и Бенџамин Менди, но на крајот ниту еден од двајцата фудбалери не беше осуден. /МИА

Македонија

Сончево, попладне со услови за краткотраен дожд

Времето денеска е сончево со мала до умерена облачност.

Попладне наместа ќе има зголемена облачност со услови за краткотраен дожд и ретки грмежи. Ќе дува слаб до умерен, а во западните делови повремено засилен ветер од југозападен правец. Во втората половина од ноќта ќе има зголемување на облачноста и на повеќе места ќе има врнежи од дожд. Максималната температура ќе биде во интервал од 16 до 25 степени Целзиусови.

И во Скопје е сончево со мала до умерена облачност. Кон крајот на денот облачноста ќе се зголемува и во втората половина од ноќта ќе има повремени врнежи од дожд. Максималната температура ќе достигне до 21 степен Целзиусов.

Според најавите од Управата за хидрометеоролошки работи (УХМР), утре ќе има повремени врнежите од дожд, а на планините повремен снег. Локално врнежите повремено ќе бидат поројни, проследени со појава на ретки грмежи. Минималната температура ќе биде во интервал од 0 до 10, а максималната од 5 до 18 степени Целзиусови. Во Скопје минималната температура ќе биде 8, а дневната ќе достигне до 15 степени Целзиусови.