95 пол позиција за Луис Хамилтон во Формула 1 шампионатот

Светскиот шампион во Формула 1 Луис Хамилтон во болидот на Мерцедес ќе стартува од пол позицијата на историската трка на патеката Муџело за Големата награда на Тоскана 

Светскиот шампион во Формула 1 Луис Хамилтон во болидот на Мерцедес ќе стартува од пол позицијата на историската трка на патеката Муџело за Големата награда на Тоскана . За британскиот возач ова е 95 полпозиција во кариерата . ГВеднаш до него на стартот на Гран прито во Тоскана ќе биде неговиот клупски колега Валтери Ботас. Од вториот стартен ред трката ќе ја започнат возачите на Ред бул Макс Верстапен и Александер Албон.

Пилотот на Ферари Шарл Леклер ќе тргне од петата позиција, во третиот ред друштво ќе му прави Серхио Перес.

Поранешните светски шампиони Раиконен и фетел се во седмиот стартен ред. Кими Раиконен ќе стартува од 13 позиција а веднаш зад него ќе биде Себастијан Фетел од ферари.

Минатоденелниот победник на трката за Големата награда на Монца во Италија, младиот Пјер Гасли трката во Тоскана ќе ја започне од последните места, поради тоа што не обезбеди време доволно за возње во втората квалификациска сесија.

Инаку ова ќе биде историската прва трка во Формула 1 која ќе се одржи на патеката Муџело.

Земјите од ЕУ на здравствена заштита во просек трошат 9,9 проценти од БДП, ние 4,5

На здравствена заштита и социјални бенефити Македонија во 2019 година потрошила вкупно 507 милиони евра односно 4,5 проценти од БДП или по 244 евра по глава на жител, што е под просекот од 9,9 проценти од БДП во земјите од ЕУ.

Од друга страна, секој наш граѓанин во 2018 година на здравствена заштита од свој џеб потрошил околу 65 евра, од кои 24 евра на лекови и помагала, а 36 евра на здравствени услуги надвор од болниците.

Според податоците на Евростат, земјите во ЕУ во просек на здравствена заштита потрошиле 9,9 проценти од БДП во 2018 година. Најмногу за здравство одвојуваат Германија – 11,5 проценти, Франција – 11,3 и Шведска со 10,9 проценти од БДП. Од друга стрна, најмалку на здравствена заштита одвојува Луксембург – 5,3 проценти и Романија – 5,6 проценти.

Но, доколку се гледа колку државите трошат на здравството по глава на жител тогаш најмногу одвојувале Данска – 5 260 евра, Луксемгург – 5 220 евра и Шведска – 5 040 евра по жител, а најмалку Романија – 580 евра и Бугарија – 590 евра по жител.

Според податоците на Државниот завод за статистика објавени во Статистичкиот годишник, вкупните расходи на здравствена заштита и социјални бенефити во 2019 година кај нас изнесувале 31 276 милиони денари или 507 милиони евра, од кои само на здравствена заштита 27 307 милиони денари или 443 милиони евра. Од нив најмногу 10 172 милиони денари биле за болнички услуги, 8 514 милиони денари за специјалистичко-консултативна заштита и 7 647 милиони денари за примарна здавствена заштита.

Ако се врзат овие податоци со БДП-то за 2019 година кое изнесувало 689 425 милиони денари или 11 195 милиони евра, тогаш излегува дека државата во 2019 година потрошила 4,5 проценти од БДП за здравствена заштита.

Според статистичките податоци, во нашата земја живеат околу 2 073 702 жители, што значи дека по глава на жител државата троши 244 евра на здравствена заштита.

Граѓаните во 2018 година на здравствена заштита потрошиле вкупно 8 023 милиони денери или 130 милиони евра, од кои на лекови и помагала – 48 милиони евра, на здравствени услуги надвор од болниците – 72 милиони евра и на здравствени услуги во болниците 9 милиони евра.

Според ДЗС, во 2018 година сме имале вкупно 8 754 здравствени работници од кои 6 329 лекари, 3 822 специјалисти, 1 862 стоматолози и 1 104 фармацевти.

Вкупниот број на болнички кревети во 2018 година изнесувал 3 243 од кои на хурургија 1 637, педијатрија 726 и гинекологија и акушерство 880. Бројот на болнички постели изнесува вкупно 8 754, од кои во општи болници – 3 969, клиники и институти – 2 034 и специјалситички болници и центри за рехабилитација – 2 671.

Македонија со 4,2 болнички кревети на 1 000 жители е под просекот од 5 болнички кревети на 1 000 жители во ЕУ.

Магла на Стража, слаб снег на Попова Шапка

Сообраќајот утринава се одвива по наместа влажни коловози, но без забрани. Слаб снег има на Попова Шапка, а магла на планинскиот премин Стража каде видливоста е намалена од 50 до 70 метри.

Според информациите од Авто мото сојузот на Македонија, повремени прекини на сообраќајот од 15 до 20 минути денеска ќе има на патниот правец Кичево – Охрид на делницата Пресека-Песочан кај селото Врбјани. Прекините се поради градежни активности на патот.

На граничните премини од македонска страна утринава нема подолги задржувања за влез и излез од државата.

Показна вежба за правилно поставување на зимска опрема

Настанот ќе се одржи во 12 часот на крстосницата меѓу бул. „Партизански одреди" и ул„ Манапо", пред трговскиот центар „ Skopje City Mall " во Скопје.

– Републичкиот совет за безбедност на сообраќајот на патиштата, Министерството за внатрешни работи и партнерите, денеска пред трговскиот центар „ Skopje City Mall " во Скопје ќе делат едукативни материјали, а ќе спроведат и показна вежба за правилно поставување на зимска опрема на возилото и презентација за позитивните ефекти од користењето на оваа опрема.

Настанот ќе се одржи во 12 часот на крстосницата меѓу бул. „Партизански одреди" и ул„ Манапо", пред трговскиот центар „ Skopje City Mall " во Скопје.

Настанот се реализира како дел од „Зимска кампања 2020-2021" и има за цел подигање на свеста за поголема употреба на зимска опрема во возилата и безбедно учество во сообраќајот при зимски услови на патиштата.

притисни ентер