70 милијарди долари за обнова на Газа - 80% од објектите уништени - Канал 5

Свет

70 милијарди долари за обнова на Газа - 80% од објектите уништени

Во пресрет на најавуваната обнова на појасот Газа, Обединетите Нации соопштија дека 80 проценти од објектите во енклавата се целосно уништени или оштетени.

70 милијарди долари за обнова на Газа - 80% од објектите уништени

Најoчајна е состојбата во градот Газа, каде според програмата за развој на Светската организација, без оштувања се само осум проценти од објектите. Проценките се дека реконструкцијата ќе чини над 70 милијарди долари, а тоа според претседателот Трамп е клучниот приоритет во Мировниот договор, кој синоќа беше потпишан во Египет.. Тој избегна да одговори дали решението за две држави на Блискиот исток останува на маса.

-Не зборувам за една држава, двојна држава или две држави. Зборуваме за обнова на Газа. На многу луѓе им се допаѓа решението со една држава, на некои решение со две држави. Некои луѓе велат дали прерано се прогласи мир на Блискиот Исток, за чиј мир требаа три илјади години? –Зошто? Сакате да бидат убиени уште луѓе? , изјави Доналд Трамп, претседател на САД.

Но, жртви во Газа паднаа и ден по официјализирањето на примирјето, потврдувајќи ја кревкоста на мирот во регионот. Најмалку шестмина Палестинци се убиени во северниот дел на енклавата, откако израелските трупи отвориле оган врз групата која им се доближила и одбивала да се повлече. Инцидентот фрла сенка во пресрет на имплементацијата на втората фаза од договорот, кој меѓудругото, предвидува демилитаризација на Газа и разоружување на Хамас, прашања што според францускиот претседател Макрон, во моментов се најголем предизвик.

-Во наредните недели и месеци ќе има терористички напади, дестабилизација, моменти што ќе бидат тешки, затоа што не можете преку ноќ да распуштите терористичка организација со илјадници борци, со тунели и со оружје. , изјави Емануел Макрон, претседател на Франција.

По вчерашното ослободување на 20-те живи заложници од страна на Хамас, во Израел денеска расте бесот поради тоа што милитантната организација врати само четири од 28-те безживотни тела на починатите заложици. Хамас соопшти дека им треба повеќе време за да ги лоцираат и извлечат телата од разурнатата област.

Тагови: Појасот Газа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривичниот суд одреди 30 дена притвор за Стефан Богоев и други три лица

Кривичниот суд одреди 30 дена притвор за Стефан Богоев и други три лица осомничени за случајот со злоупотреби  околу тендер за чистење на граничните премини и терминалите, во периодот од јули 2023 до март 2024 година.

Кривичниот суд одреди 30 дена притвор за Стефан Богоев и други три лица

Oсомничените преку фаворизирање на одреден економски оператор и ограничување на конкуренцијата му овозможиле на правниот субјект да се стекне со противправна имотна корист во износ од над 18 милиони денари од обвинителството велат и дека во рамките на истрагата се обезбедени докази и за примање и давање награда за противзаконито влијание и дека првоосомничениот примил награда во износ од 111.600 денари за искористување на својата службена положба.

По распитот обвинителката соопшти дека барањето за притвор е заради опасност од бегство и влијание врз сведоци...

Тагови: Кривичен суд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вучиќ: „Не ме исплашија ниту ме фасцинираат заканите“

Претседателот на Република Србија, Александар Вучиќ, изјави дека не се плаши од закани и дека е целосно посветен на напредокот на земјата и подобар живот за нејзините граѓани.

Вучиќ: „Не ме исплашија ниту ме фасцинираат заканите“

„Скинете му ја главата на Вучиќ - ниту се плашам ниту ме фасцинираат заканите. Единственото нешто што ме интересира е како нашите луѓе живеат подобро и како Србија може да биде уште поуспешна“, рече Вучиќ.

Вака реагира претседателот на Србија, Вучиќ на предупрадувањето да не патуват на самитот во Тиван во Црна Гора од српската безбедносна агенција БИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија и Украина постигнаа договор за правата на унгарското малцинство, се отвора патот на Киев за влез во ЕУ

Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, што би можело да овозможи отворање на првиот кластер.

Унгарија и Украина постигнаа договор за правата на унгарското малцинство, се отвора патот на Киев за влез во ЕУ

Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, што би можело да овозможи отворање на првиот кластер, односно група преговарачки поглавја за пристапување на Украина во Европската унија.

Договорот претставува потенцијален пробив во долготрајниот спор околу правата на малцинствата, кој ги затегна односите меѓу Будимпешта и Киев и ја комплицира поддршката за пристапувањето на Украина во ЕУ.

„Постигнавме напредок во разговорите со Украина за јазичните, културните и образовните права на етничкото унгарско малцинство“, напиша Маѓар на фејсбук.

Во вторникот тој рече дека е подготвен да се сретне со украинскиот претседател Зеленски следната недела за да отвори ново поглавје во односите, доколку се постигне договор за правата на малцинствата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер