59 здравствени работници од Општа болница-Кичево ќе ја примат вакцината против КОВИД-19

 Вкупно 59 вработени во Општа болница – Кичево, кои во изминатиот период беа најмногу ангажирани во лекувањето на болните од КОВИД-19, денеска и утре ќе ја примат првата вакцина против КОВИД-19.

Вработените се речиси од сите одделенија од болницата, а првата вакцина против КОВИД- 19 ќе ја примат во модуларниот центар кај Инфективната клиника во Скопје.

-Вакцинацијата на здравствените работници ќе се одвива во наредните два дена, што значи дека по 24-25 лица ќе бидат вакцинирани во еден ден, а по 21 ден овие здравствени работници треба да ја примат и втората вакцина, најави д-р Неџат Балажи, специјалист од кичевската Општа болница.

Балажи појасни дека 59 вработени во болницата, иако се од различни оделенија, сепак, како што рече, овие вработени го понесоа најголемиот товар во корона кризата и поради тоа ќе бидат имунизирани со по две вакцини од „Фајзер" во период од 21 ден.

-Откако во земјава ќе пристигнат договорените количества вакцини, најверојатно од Кина, „Синофарм", тогаш и сите преостанати вработени од вкупно 220 од нашата болница, ќе ја примат вакцината против КОВИД-19, истакна Балажи.

За разлика од Општата болница, од Здраствениот дом засега никој не ја примил вакцината против КОВИД-19.

-Во Здравствениот дом во Кичево досега никој не е вакциниран. Денеска го испративме списокот на вработени лекари и сестри кои се ангажирани во брза помош, а кога ќе следи вакцинацијата допрва ќе бидеме информирани, рече д-р Џабир Бајрами, директор на Здраствениот дом – Кичево.

Видео: Корејци ја пеат „Молитва“ од Марија Шерифовиќ

На интернет се појави снимка на која музичка група од Кореја ја пее песната „Молитва“ на натпревар за пеење.

На нивните способности не остана рамнодушна ни самата Марија Шерифовиќ, која со оваа песна и донесе победа на Србија на Евровизија во 2007 година.

Пејачката го изрази своето воодушевување од нивната изведба на својот Инстаграм профил.

Таа во објавата напомена дека ова е најдоброто изведување на нејзината песна, и напиша прекрасна порака упатена до талентираните Корејци.

„Ви посакувам се најдобро во понатамошната кариера и натпреварување. Се гледаме наскоро“, напиша пејачката.

Фото: Елена Китиќ ги запали социјалните мрежи

Таа објави фотографија во костим за капење, која го покажува нејзиното совршено тело и облини.

Ќерката на пеачкиот пар Миле Китиќ и Марта Салиќ, Елена Китиќ е активна на социјалните мрежи, а фановите неретко ги изненадува со смели фотографии.

Имено, Елена, судејќи по објавите, отпатувала во потоплите краишта. Елена најпрво објави фотографија во костим за капење од една од плажите во Доминиканската република, за потоа да објави снимка на која се гледаат убавините на оваа луксузна дестинација.

Фотографијата во костим на капење на која го покажува своето совршено тело и облини, наиде на многу позитивни реакции од фановите.

„Згодна“, „Убавице“, „Жена бомба“, се само дел од коментарите.

Сирискиот претседател и неговата сопруга имаат корона

Претседателот н Сирија Бапар Ал Асад и неговата сопруга Асма се заразени со коронавирусот, но се добро и нивната состојба е стабилна, објави денес претседателството, додека во земјата расте бројот на заразени.

Ал Асад и сопругата Асма направиле ПЦР тест откако почувствувале благи симптоми на корона.

Тие ќе бидат во изолација две до три недели.

„Во текот на изолацијата која ќе трае измеѓу две и три недели тие ќе продолжат со работата од дома“, додава претседателството во соопштението.

На почетокот на март министерството за здравство извести за зголемување на бројот на инфекции и повика на строго почитување на дистанцата и оцени дека таа земја не е поштедена од другите варијанти на вирусот.

Власта на крајот на февруари најави почеток на кампања за вакцинирање на медицинскиот персонал. Сирија доби 5000 дози од кинеските вакцини за 2500 медицинари, според дневниот весник „Al-Watan“, близок до власта. Сирија исто така одобри употреба на руската вакцина.

притисни ентер