Голем пожар беснее во Ореокастро, во близина на Солун. Во зората започна воздушна операција – два авиона и два хеликоптера непрекинато го гаснат пожарот.

Пожарот што избувна во саботата вечерта во областа Ореокастро, во близина на Солун, сè уште не е ставен под контрола, додека повеќе од 160 пожарникари, заедно со бројни доброволци, вложуваат напори да ја заштитат индустриската зона.

Пожарот зафати фабрика за рециклирање и еден погон од текстилната индустрија, а според последните информации од теренот, состојбата во шумската област моментално е стабилна и таму повеќе нема активно ширење на пожарот.

На терен се распоредени 52 противпожарни возила, пет пешадиски екипи, како и механизацијата на Периферијата Централна Македонија и Управата за вонредни ситуации.

Во раните утрински часови беше започната воздушна операција - два авиона и два хеликоптери континуирано го гаснеа пожарот, а се очекува пристигнување на дополнителни воздушни сили. Поради сериозноста на ситуацијата, Генералштабот на грчката армија го активираше специјализираниот тим „Девкалион“ за помош при катастрофа.

Беа извршени ноќни евакуации и беше испратен апел до граѓаните во текот на ноќта преку системот за итни случаи 112. Тие добија предупредувачки пораки за опасност од пожар. Жителите на Антуполи и Филотеа беа евакуирани во безбедни зони - локални спортски сали и стадиони.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Избувна пожар на мостот Бруклин во Њујорк за време на огнометот по повод Денот на независноста.

Пламен и густ чад се издигаа над мостот пред пожарникарите да успеат да го изгаснат пожарот. Според достапните информации, нема повредени, пренесува АП.

Во гаснењето на пожарот учествуваа две противпожарни возила, соопшти градската противпожарна служба. Пожарникарите го изгаснаа пожарот на мостот – кој беше затворен за сообраќај за време на прославата – нешто пред 22 часот.

🇺🇸 Americans celebrated Independence Day so hotly that even the Brooklyn Bridge caught fire

The structure burst into flames in several places where fireworks were being launched to mark the 250th anniversary of US independence.

Built in the 19th century, the Brooklyn Bridge is… pic.twitter.com/mb7mVhp68I

— NEXTA (@nexta_tv) July 5, 2026

Портпаролот на противпожарната служба изјави дека ваквите пожари не се неочекувани, поради што публиката за време на огнометот се држи на безбедно растојание од местото каде што се активира пиротехниката. Прославата во Њујорк започна порано од планираното поради најавеното лошо време, што доведе до откажување и одложување на бројни настани долж источниот брег на САД.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонската репрезентација освои вкупно 58 медали, од кои 17 златни, 14 сребрени и 27 бронзени медали, со што го освои првото место во генералниот пласман.

Второто место ѝ припадна на Турција, а третото на домаќинот – Бугарија.

Особено се истакнаа Филип Недев, Тадеј Недев, Мартина Зафировска, Михаил Стојановски, Мила Владев, Георги Кокорманов, Драган Стојановски и Александар Зафировски, кои освоија по неколку златни медали и дадоа значаен придонес за овој голем успех на македонската репрезентација.

Денес продолжуваат натпреварите од Европското првенство за сениори, јуниори и кадети, на кои ќе настапат и македонските репрезентативци. За нивните резултати јавноста ќе биде дополнително информирана.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.