Канал 5 направи обиколка низ скопските улици.
Владата ги задолжи полицајците и инспекторите засилено да контролираат и санкционираат непочитувачи на мерките поради пандемијата.
Од МВР прецизираат дека заштитните маски не мора да се носат на отворено, но само доколку може да се одржи меѓусебно растојание од два метри, кога возат велосипед и во возило, но само доколку се од исто семејство.
Кога се во затворени простории задолжително е носењето на маска, бо трговските центри, маркетите, во возило доколку се возите со човек кој не е од вашето семејство...
Сите граѓани што имаат решение за самоизолација задолжително треба да инсталираат и апликација СтопКорона за поголема прегледност и контрола со цел превенција на ширењето на коронавирусот.
Од Државниот санитарен и здравствен инспекторат за Канал 5 велат дека од денеска ваквата забелешка е наведена во секое решение кое го издаваат, но не вршат контрола за тоа дали граѓаните ја инсталираат апликацијата.
Само во последните 24 часа во самоизолација се 1025 лица во државава. Полицијата нефатила ниту еден граѓанин што ја прекршил ваквата мерка.
Тие што нема да ја почитуваат ќе бидат префрлени во задолжителен државен карантин. Вакава мерка во хотели низ земјава во моментов има за 180 граѓани, а владата вели дека располага со 1000 легла.