Хрватска по шок- продолжетоци ја победи Норвешка и влезе во финалето на ЕП

Хрватска со 29:28 ja победи Норвешка во крајно драматичен натпревар и по одиграните продолжетоци.

Со голот на Муса во последната секунда од продолженијата , Хрватска успеа да се избори за пласман во финалето во недела.

Хрватска славеше против Норвешка во Стокхолм и го обезбеди финалето на Европското првенство во ракомет по четири продолженија. Тоталното лудило во Стокхолм кулминираше по голот на Муса во последните секунди на натпреварот.

Ова беше особено тежок натпревар за избраниците на Лино Червар, бидејќи Норвешка до овој натпревар беше единствената репрезентација без пораз на Европското првенство. Предводена од најдобриот играч на светот, Сагосен убедливо ги освои двете групи во кои играа, додека непоразената Хрватска заврши зад Шпанија поради полошата гол-разлика.

Сепак, тоа не беше доволно да ги совладаат Хрватите, кои сега имаат најмалку сребрен медал и обезбедено место во финалето во недела.

Реал поднесе жалба против судијата кој не ги регистрира навредите кон Винисиус

 Реал Мадрид поднесе жалба до Шпанската фудбалска федерација против главниот судија на натпреварот со Осасуна Хуан Мартинез Мунуера од 29. коло на Ла Лига.

Клубот од Мадрид излезе со официјално соопштение во кое велат дека побарале преглед на постапките на Мунуера. Според „Кралскиот клуб“, судијата намерно не ги забележал навредите упатени кон напаѓачот Винисиус и покрај тоа што тоа му го пријавиле други играчи на Реал Мадрид.

Реал поднесе жалба и до Државната комисија за борба против насилство, расизам, ксенофобија и нетолеранција во спортот.

За време на натпреварот кој го доби Реал со 4:2, навивачите на Осасуна скандираа „Винисиус, умри!“.

Бразилецот во победата на Реал учествуваше со два гола.

На 42-годишна возраст почина момчето на Арина Сабаленка

Поранешниот белоруски хокеар, Константин Колцов почина ноќеска во Мајами, на 42-годишна возраст. 

Колцов кој беше актуелен тренер на тимот Салават отиде во САД да ги гледа натпреварите на неговата девојка, тенисерката Арина Сабаленка.

- Со длабока тага ве известуваме дека почина тренерот на Салават Јулаев, Константин Колцов. Беше силна и весела личност, беше сакан и почитуван од играчите, колегите и навивачите.

Константин Евгениевич засекогаш се запиша во историјата на нашиот клуб. Колцов го освои Руското првенство и Купот Гагарин како дел од Салават Јулаев и направи одлична работа во стручниот штаб на тимот, соопштија од клубот кој го предводеше Колцов.

Играчката кариера на белорускиот хокеар траеше од 1997 до 2015 година. Играше за Јуност, Динамо Минск, Северстал, Новокузњецк Металург, Ак Барс, Спартак, Салават Јулаев, Атлант и Питсбург.

Поради сообраќајна несреќа, сообраќајот помеѓу Прилеп и Лагово се одвива по стариот пат

 Поради сообраќајна несреќа што се случила патниот правец Прилеп – Битола сообраќајот помеѓу Прилеп и Лагово се одвива по стариот пат, информираат од ЈП Македонија пат.  

Екипите на ова јавно претпријатие се на лице место и работат на расчистување и нормализација на сообраќајот.

притисни ентер