Пожари , потоа дождови и град , а сега на Австралија и се закануваат отровни пајаци (ВИДЕО)

Австралија веќе се соочи со екстремни пожари и град, пренесува Си-Ен-Ен. Сега експертите ги предупредуваат луѓето да внимаваат на смртоносните пајаци, затоа што се создадени совршени услови во кои можат да преживеат.

Влажните шумски области во источна Австралија стануваат природно опкружување за неколку видови пајаци познати по нивниот многу токсичен отров што дејствува брзо. Меѓу нив е и пајакот Мите од Сиднеј (Atrax robustus). Во средата, во австралискиот Парк на влекачи, кој се наоѓа во Сомерсби, Нов Јужен Велс, беше речено дека активноста на пајаците се засилила последните денови.

„Поради неодамнешните дождови и врелите денови како што се сега, очекуваме овие пајаци да започнат да се движат наоколу“, вели портпаролот на паркот Даниел Румси.

„Сиднејските пајаци се потенцијално една од најопасните на светот кога станува збор за ефектите од нивниот отров и затоа мораме да ги третираме многу сериозно“, додава Румси.

Австралија е опустошена од најтешките пожари забележани со децении, во кои што загинаа најмалку 28 луѓе, а над 3.000 домови се уништени  во Нов Јужен Велс.

Невремето со дожд донесе освежување во одредени области минатата недела, но поројните поплави создадоа нови ризици. Делови од Југоисточна Австралија се погодени од град со големина на топка за голф, доволно силни за да пробијат прозорци на автомобилите и да повредат птици. Тоа се случи по помалку од 24 часа откако регионот беше погодена од силни песочни бури.

Ворен Бејли, сопственик на компанија за контрола на штетници во Сиднеј, рече дека овие пајаци обично се активни во текот на летото, но нивната сезона започна подоцна оваа година, бидејќи изминатите неколку месеци времето беше многу суво.

„Нивниот отров е доста токсичен и може да убие човек. Овој вид пајак сега се појави заради дождовите што паѓаат и можат да влезат во домовите од под земјата или низ покривите“, вели Бејли.

притисни ентер