Четири тинејџерки се тешко повредени во сообраќајка, 22 годишниот возач излетал од патот

Четири девојчиња на 19 годишна возраст и едно на 18 години се тешко повредени во сообраќајна несреќе во близина на виничкото село Истибања , кога 22 годишниот возач игубил контрола над возилото и излетал од патот .

Ноќеска во 02.30 часот на магистралниот пат Превалец - с.Истибања, виничко, на место викано „Гара“, атар на с.Истибања, патничко возило „даеву матиз“ со штипски регистарски ознаки, управувано од В.С.(22) од Македонска Каменица, изгубило контрола и излетало од патот.

Во незгодата со тешки телесни повреди се здобиле сопатничките А.А.(19) од с.Моштица, општина Македонска Каменица, В.С.(19) од Македонска Каменица и С.А.(19) од Македонска Каменица, додека Ј.П.(18) од Македонска Каменица се здобила со телесни повреди.

Тие биле пренесени во болницата во Кочани за укажување на лекарска помош.

Увид на местото извршила екипа од Полициската станица Виница, соопшти МВР.

Јанчева: Се потврди дека ВМРО-ДПМНЕ и Левица се исто

Ништо не е готово за мнозинство во Советот на Град Скопје, вели Јанчева.

Почитувани,

Денеска претседателката на советот на Град Скопје, Љубица Јанчева даде изјава за медиумите кое ви го пренесуваме во целост:

„Почитувани,

Најавеното формирање на мнозинство во Советот на Град Скопје што денес го најавија ВМРО-ДПМНЕ и Левица е далеку од завршена работа.

Денес се потврди само дека ВМРО-ДПМНЕ и Левица се едно исто, нешто што одамна го зборувавме.

А што се однесува до Советот на Град Скопје ништо не е завршено. Битката во Скопје е во недела по што ќе видиме кој има реално мнозинство.

Како што знаете ќе има прегласување на едно место во Шуто Оризари и во зависност од резултатот може да дојде до нов распоред на советничките места.

Дополнително, сите независни листи, реалните гласови на граѓаните не можат да бидат надвор од Советот на Град Скопје, СДСМ ќе ги вклучи и нив.

Во недела е потребно обединување на демократските, прогресивните сили во Скопје, во недела е потребно обединување на гласот за напредок.

Да не дозволиме остатоците од режимот здружени со лажните левичари да добијат можност да го уништуваат Скопје како што тоа го правеа 27 години.

Скопје мора да продолжи да се развива, да се гради како европска метропола, а не како метропола на кичот и барокот.

Да излеземе во недела и да гласаме за број 12, да гласаме за Петре Шилегов, да гласаме Скопје да продолжи со својата успешна приказна."

Љубица Јанчева, претседателка на Советот на Град Скопје

Центар за комуникации со јавноста на СДСМ

Китански: Во недела граѓаните на Пехчево ќе стават крај на притисокот и манипулациите

Тој упати повик до Пехчевци да ја покажат својата сила преку заокружување на бројот 7 на изборите закажани за в недела.

Народот е обединет и уште посилен станува кога некој се обидува да манипулира со него, да му врши притисок, да го потценува за да изнуди глас повеќе, рече во едно од своите последни обраќања до граѓаните на Пехчево пред вториот круг од изборите кандидатот за градоначалник на Пехчево од ВМРО-ДПМНЕ, Александар Китански.

Toj додаде дека со поддршка на коалицијата „Создади нова иднина” ќе се стави крај на манипулацијата и притисокот кој се врши врз граѓаните.

-Почитуван народе во општина Пехчево, надежта за подобро утре, за нова иднина е родена во секој еден од вас. Време е да се сплотиме како што тоа го направи народот во Македонија. Храбро, мудро, решително. Нека биде сега уште појако. На 31 октомври нека се види силата на македонскиот народ, рече Китански.

Тој упати повик до Пехчевци да ја покажат својата сила преку заокружување на бројот 7 на изборите закажани за в недела.

-Вие одлучувате за Вашата иднина и никој друг. Време е да одиме напред. Јас, како кандидат за градоначалник, велам доста беше неработење. Заедно за поубаво и модерно Пехчево, одберете промени, проекти и победи, додаде кандидатот на ВМРО-ДПМНЕ и коалицијата.

Противкандидатот на Китански на изборите во недела ќе му биде Славчо Пандурски, кандидат на коалицијата „Најдоброто за нашата општина”. /МИА

Арифи: Се асфалтира продолжението на булеварот „Благоја Тоска"

Целата делница ќе се заврши во првите 100 дена.

Тетовската градоначалничка и кандидатка за нов мандат Теута Арифи информираше дека започна асфалтирање на продолжувањето на булеварот „Благоја Тоска". Градежните работи започнаа во август, а градоначалничка вели дека ќе се реализира целата делница во првите месеци од наредниот мандат.

-Започна асфалтирањето на првиот сегмент за продолжението на булеварот Благоја Тоска. Во првите 100 дена од нашето раководење со општина Тетово ќе го завршиме овој проект, како капитално инфраструктурно решение за градот, потенцира Теута Арифи.

Од општина Тетово информираа и дека продолжува реконструкцијата на улицата „Страшо Пинџур", проект кој исто така од градоначалнилката се најавува дека целосно ќе биде ставен во функција во првите 100 дена од новиот мандат. /МИА

притисни ентер