Македонија

Затвореник од Идризово им избегал на полицајците додека купувале сендвичи

Затвореник од Идризово како на филм, среде бел ден им побегнал на чувари кои застанале да си купат сендвичи.

Затвореникот Фидан Исени бил транспортиран од Клиничкиот центар кон затворот, но двајцата затворски чувари ја смениле рутата на движење и со затворското комбе свртеле до сендвичарница блузи средно училиште „Коце Металец“ во населбата Автокоманда. Затвореникот го искористил нивното невнимание и им побегнал од затворското комбе, вели директорот на затворот Идризово, Боби Мојсоски. Најави суспензии за чуварите.

-Целиот случај е од невнимание и грешка на затворските полицајци. Наместо да тргнат по стандардната рута, тие скршнале од патот, застанале на бензиската Макпетрол за да си купат сендвичи. Настанот го пријавила командирката во чуварската служба но откако се вратиле назад во Идризово, вели директорот Мојсовски за Канал 5.

Ги отфрла како неточни информациите дека комбето било пресретнато од вооружени лица кои му помогнале на Исени во бегството. Според неговите информации во моментот кога чуварите ја отвориле задната врата од полициското комбе, Исени скокнал, ги турнал и се дал во бегство. Првиот човек на затворот Идризово, вели дека станува збор за огромен пропуст на полицајците, а ќе треба да одговорат и зошто затвореникот не бил врзан со лисици. Затворските чувари се суспендирани и ќе се превземат мерки за одговорност. Тие даваат изјави и пред службени лица од МВР каде е пријавен настанот, вели Мојсоски.

Од МВР велат дека работат на расчистување на случајот и се трага по затвореникот веднаш откако било пријавено.

Дополнително, Управата за санкции ќе утврдува како успеал да излезе од затворското комбе кое треба да е заклучено, велат оттаму за Канал 5. Директорот на затворот покренува постапка за суспензија и мерки за одговорност за чуварите, а ние го следиме процесот. Очекуваме да ги добиеме целосните информации за настанот по што ќе добиеме појасна слика, велат од Управата.

Затвореникот Исени бил осуден на затворска казна од 7 и пол години за повеќе кривични дела за предизвикување на општа опасност, насилство, криумчарење на мигранти. Затвореникот бил повратник, а досега одлежал една година и шест месеци од казната.

Македонија

Пендаровски: На 8 мај имајте ги предвид иднината на вашите деца и младите

„Оставете ги партиските поделби, оставете ги етничките поделби, размислувајте како родител, размислувајте како поединец, размислувајте како приватник, размислувајте како човек. “

„Дали би му дале верба на некого кој вели дека сите договори кои ни донесоа мир и не вратија во заедницата на цивилизирани нации и држави, треба да ги смениме, да им направиме ревизија и да донесеме нешто што никој жив не знае што може да биде и со какви ефекти ќе биде“, им порача на тетовчани вечерва претседателскиот кандидат Стево Пендаровски.

Во оваа насока тој посочи дека наместо државата да се враќа во мрачното минато, во периодот од 2006-та до 2017-та година, треба да се фокусираме на економијата, бидејќи од тоа зависи дали децата ќе ни останат покрај нас или ќе бараат подобра иднина надвор од татковината.

„Невозможно е најголемиот дел од македонските граѓани да не ја препознае рационалноста на ова што го зборувам. Ме прашувате за било кој договор, јас имам одговор - тој договор е добар, овој договор е добар, ова е добро, ова е лошо. Тие немаат одговор. Три пати ги прашуваш, вели ќе направам тим од експерти, па со помош на странски експерти, па Совет на Европа, Венецијанска Комисија и по некое време, после неколку месеци...Кога бирате претседател, премиер, министер – тој мора од првиот ден да делува и да носи одлуки, а не допрва да собира експерти. Ти ако не знаеш сега што треба да направиш во однос на Рамковниот договор, Преспанскиот договор, Европската преговарачка рамка, ако допрва бараш помош од стручни експерти од странство и од дома, немој да се пријавуваш за претседател“, додаде Пендаровски.

Повикувајќи ги граѓаните на Тетово на 8 мај да го заокружат бројот 1, Пендаровски потенцираше дека на денот на гласањето треба да ги имаат предвид интересите на нивните деца и внуци, нивните лични и интересите на семејството,соопштуваат од неговиот тим.

Македонија

Спасовски: Милијарда и триста милиони евра за поддршка на македонското земјоделство

Носителот на листа на кандидати за пратеници од ИЕ2 предводена од СДСМ и коалицијата за европска иднина, Оливер Спасовски, се обрати пред жителите на с. Младо Нагоричане и Драгоманце.

Носителот на листа на кандидати за пратеници од ИЕ2 предводена од СДСМ и коалицијата за европска иднина, Оливер Спасовски, се обрати пред жителите на с. Младо Нагоричане и Драгоманце.

„Опасни се најавите на ДПМНЕ за блокада на европскиот пат, Македонија треба да гласа ЗА прогрес, за број 1 на 8 мај! Во с. Драгоманце и Младо Нагоричане знаат дека

може да се соочиме со крај на нашата европска перспектива, крај на поголеми плати и пензии.

Ние од СДСМ и коалицијата нудиме милијарда и триста милиони евра за поддршка на македонското земјоделство, поголем грант од 10.000 евра за жени земјоделки, 100% зголемување на поддршката за млади земјоделци во првите 5 години!

Сите знаеме како изгледа владеењето на режимот, затоа не се откажуваме од иднината! На 8 мај за број 1!”, рече Спасовски, се наведува во партиското соопштение.

Шоу биз

Дадо Топиќ откри како го добил името Адолф

Познатиот музичар Дадо Топиќ во интервју откри како го добил името Адолф.

„Најдобриот пријател на татко ми, кого исто така го паметам како еден од најдобрите и најквалитетните луѓе што сум ги сретнал во животот, беше Евреин по име Адолф. Тој беше стоматолог по професија, а татко ми, кого Адолф во животот со своите добри дела го задолжи, вети многу пред моето раѓање дека ако има син ќе го крсти детето по него“, рекол своевремено Дадо и изјавил дека овој Адолф му бил и кум на крштевката, пренесува 24сата.хр. .

Топиќ откри и кога го добил прекарот Дадо.

„Прекарот Дадо го добив дури во средно училиште, кога почнаа да се натрупуваат проблемите околу моето име, па со него сум заглавен до ден-денес“, изјавил Дадо.