Пред присутните, Царовска изрази задоволство што за првпат во оваа општина се гради детска градинка во која ќе бидат згрижени 60 дечиња од општината.
- Како Влада се насочивме на унапредување на системот за детска и социјална заштита, кои се едни од клучните сектори за унапредување на квалитетот на сите граѓани. Затоа платите за кадарот во градинките ги покачивме за просечно над 3.000 денари, а веќе од следната плата, тие ќе добијат дополнително зголемување од 5 отсто. Од мај 2017 па до денес изградени и опремени се 24 објекти на детски градинки, а во тек е опремеување и изградба на уште осум нови градинки. Кај новите градинки посебен акцент ставаме на руралните општини во кои досега немало детски градинки, како што е и општина Босилово, истакна Царовска.
Потпретседателката Царовска се осврна на мерките од социјалната реформа која има за цел извлекување од сиромаштија, а преку која се зголемува опфатот на деца кои користат детски и образовен додаток и која обезбедува раст на социјалната помош и до 300 отсто
- И во периодот што следи ќе продолжиме на реализација на мерките што го унапредуваат системот на детска и социјална заштита и обезбедуваат квалитетни услови за живот за сите граѓани, посочи Царовска.
СДСМ останува со граѓаните. Маалските средби продолжуваат со цел да се слушнат барањата, сугестиите и потребите на граѓаните.