Трамп со закана до кинеската војска на границата со Хонг Конг: Останете мирни!

Американскиот претседател Доналд Трамп потврди , според информациите на разузнувачките служби дека кинеската војска се распоредува на границата со Хонг Конг.

Трамп ја повика кинеската војска на границата со Хонг Конг да останат мирни. Официјалните кинески медиуми објавија видеа од распоредувањетона бројни сили на границата на полу-автономниот регион во обид  Кина да ја истакне заканата со интервенција.

„Нашите разузнавачки служби не известија дека кинеската влада распоредува трупи на границата со Хонг Конг“, напиша Трамп на Твитер.

„Секој треба да остане мирен и безбеден“, додаде тој.

Доналд Трамп порано повика на мирно решение без крвопролевање. „Ситуацијата во Хонг Конг е тешка, многу тешка. Ќе видиме што се случува“, изјави Трамп пред новинарите.

„Се надевам дека тоа ќе биде решено за сите, вклучително и за Кина. Се надевам дека ќе има мирно решение. Се надевам дека никој нема да биде повреден или убиен“, додаде Трамп.

ВМРО-ДПМНЕ: Пуштањето на Катица Јанева од притвор е театар и смислено сценарио

По вчерашното пуштање од притвор на Катица Јанева и збунетите реакции на Кацарска судот и Русковска обвинителството како да не знаат што се случува, очигледно е дека сето она што го видовме вчера е само театар и претходно смислено сценарио.

Ослободувањето од притвор на Катица Јанева е воедно и  срамно и смешно.

Нема јакна што ќе може да го покрие срамот на ова Кацарска судство и Русковска обвинителство.

Најпрвин негираа дека има случај, па негираа дека има вмешаност на политичари, па најпосле се испостави дека навистина се вршел Рекет и во истиот биле вмешани и политичари и СЈО и се останато и случајно сите ги изгубија мобилните телефоните.

Свесно оставија простор да може Катица Јанева најпрвин да брише и форматира компјутери, потоа да губи мобилни телефони додека е на плажа и на крај да ги избрише сите докази кои што се неопходни за постапката.

Зоран Заев најпрвин на лидерска средба пред неколку месеци најави дека ќе мора да се ослободи од притвор Катица Јанева, а потоа тврдеше дека се лажги со опашки.

Денес веќе е јасно за какво организирано сценарио се работи каде што театрално глумат и се караат Русковска и Апелација, па ќе се пријавуваат во полиција каде што министерот е најблизок на Зоран Заев и во спрега со ова обвинителството, за на крај да Зоран Заев тврди дека е потребно ветинг по негова мерка.

Истрагата се водеше и продолжува да се води аматерски и заштитнички кон криминалот. Се што се прави е пазарења и обид да се спаси главата на октоподот, а тоа сите знаеме дека се наоѓа на Илинденска бб во владата. Стравот да не пропее Катица Јанева или другите обвинети е резултат на сето ова што се случува каде што се исполнуваат нечии желби.

Смешно и жално е ова што се случува во правосудството.

Затоа потребна е обнова на Македонија, потребно е обновено правосудство а тоа ќе започне после 12 април.

 Димче Арсовски, портпарол на ВМРО-ДПМНЕ

Загадувањето, отпадот и несоодветната понуда негативно влијаат на туризмот

Аерозагадувањето, отпадот, несоодветната туристичка понуда и нелојалната конкуренција влијаат врз развојот на туризмот. 

Туристичките работници бараат системски мерки од надлежните институции и долгорочна кампања за подигнување на јавната свест за фрлање отпад и поголема ажурност од комуналните претпријатија и општините. Велат дека во зимскиот период и да нема туристи во државата.

Претседателот на Туристичко-угостителската комора при Сојузот на стопански комори Владимир Граматиков вели дека не може да развиваме туризам, ако екологијата е на ниско ниво.

– Насекаде околу нас има отпадоци, полни контејнери и ѓубре наместо жарденери со цвеќе. Промовираме планински туризам и доаѓаат странски туристи кои уживаат во убавините на планините, но отпадот кој го има насекаде останува трн во око. Ова е срамно за една држава која сака да се етаблира во регионот како добра туристичка дестинација. Туристите кога ќе ги прашаме за нивните импресии велат дека се задоволни од храната и гостопримството, но велат дека многу е валкано и оти мора да работиме на екологијата, истакна Граматиков на денешната прес-конференција.

Аерозагадувањето, според него, остава лош впечаток бидејќи туристите кога доаѓаат во земјава, не знаат за загадувањето, но потоа кога се враќаат во сопствените држави, тоа го пренесуваат и сето тоа негативно се рефлектира на следните тури што треба да дојдат.

Во однос на нелојалната конкуренција, туристичкиот сектор бара поголема контрола на терен од страна на државата бидејќи велат има случаи кога водичи и транспортери изигруваат туристички агенции.

– Тоа државата не го санкционира на терен, ниту пак има решение во моментот. Од осамостојувањето досега ние немаме алатка како да го решиме ова, вели Александар Кузмановски од Националната асоцијација за дојдовен туризам.

Од друга страна, нема атрактивна туристичка понуда, а за дозвола за преадаптација на туристички комплекс, како што посочија, се чека дури и по пет години.

– Немаме туристи затоа што немаме адекватна понуда. Во Охрид на пример хотелите се соочуваат со сериозни проблеми и чекаат за дозвола од Министерство за транспорт и врски повеќе од пет години за да можат да направат определени промени или спа центари за да имаме продукт зимско време. Ова е еден од проблемите, нагласи Кузмановски, додавајќи дека има и недоволно инвестиции во зимските туристички центри.

Сметаат дека треба вниманието да се сврти и кон агенциите што носат туристи во државата бидејќи тоа би значело зголемен број туристи, поголем прилив на средства и развој на економијата.

На 12 и 13 декември во Скопје ќе организираат конференција на која ќе ги понудат своите решенија за надминување на сегашните состојби во туризмот./МИА.

Цветан Трипуновски: СДСМ ги злоупотребува институциите за партиски цели

СДСМ ги злоупотребува институциите за партиски цели. Во последните година дена, откако почнав да ги обелоденувам катастрофалните политики на СДСМ во земјоделието станав трн во око за фамилијата Заеви.

Првин ме избркаа од работа, а откако видоа дека не можат да ме запрат, почнаа да бараат начин трајно да ме замолчат.

На неколку наврати ми беа испраќани провокатори кои сакаа да ме предизвикаат на физичка пресметка. Не подлегнав.

Во последните месеци засилено работеа на изнаоѓање на начин како да ми измислат и натоварат дела, и да ми подигнат лажно обвинение, како наместо по комитети би ме влечкале по судови.

Моментално веќе подолг период во фиока во МВР стои изготвена фингирана кривична пријава против мене, без основа и аргументи.

Овие информации дојдоа до нас од страна на свиркачи, кои се загрижени во кој правец се движи државата. Институциите целосно се ставени во функции на фамилијата Заеви.

Правна држава не постои се додека на власт е Заев и фамилијата.

Заев го претвори животот на македонецот во пекол. Дури и затворот е поблага форма на измачување од пеколот кој Заев им го приредува на граѓаните секој ден.

Попусти се сите обиди за заплашување. Сите уцени и закани. И сто кривични да ми поднесете и што и да се обидете да ми направите вие нема да ме замолчите.

Јас останувам рамо до рамо со земјоделците. Ќе се борам за нивните права. Ќе се борам за напатениот македонски земјоделец.

Упатувам порака до сите оние кои учествувале во изготвување и процесуирање на фингираната кривична пријава, како против мене така и против други политички неистомисленици на СДСМ дека времето на безредие поминува.

Доаѓа 12 април. По 12 април доаѓа обнова. Обнова на правната држава пред се. Тогаш секој еден кој се огрешил пред законот, злоупотребувал институции и на сметка на политичката позиција шиканирал луѓе ќе мора да сноси одговорност.

 Цветан Трипуновски, член на ИК на ВМРО-ДПМНЕ

притисни ентер