Филипче се дообјаснува: Начинот на издавање лекови останува ист како и досега

Доколку лично некој не може да го земе лекот, може некој друг да го земе лекот со рецепт и здравствена книшка. 

Она што е ново е дека оној што го зема лекот во името на некој друг мора да ја приложи и својата лична карта, објасни првиот човек на фондот за здравство Ден Дончев за Канал 5. Недоволните објаснувања и молкот од страна на фондот за здравство е една од причините за недоволните информации за укинувањето на квотите за лекови, се коментира на социјалните мрежи, кои од вчера станаа уште покритични откако министерот за здравство Венко Филипче рече дека секој лекот мора лично да го земе. Тој денеска со дообјаснување дека доколку некој не може да го земе лекот, тоа може да го направи негов роднина или близок.

Од денеска во Охрид, Струга, Ресен, Дојран се укинуваат квотите за лекови. Тоа значи дека секој мора да го добие лекот, а укинувањето почнува од турситичките места, бидејќи во летниот период лекови земаат и граѓани кои одат на одмор и на рецепт земаат лекови од тамошните аптеки. Со укинувањето на квотите се очекува да се намали пронаоѓањето на „нелегалниот пат“ да се земе кутија повеќе лек.

Црн лебед во грчката река Еврос

 Единицата за управување со Националните паркови во областа Еврос во североисточниот дел на Грција, додека спроведувала научно набљудување на делтата на реката Еврос наишла на ретка и невообичаена појава – црн лебед, јави дописничката на МИА

Црниот лебед воопшто не е својствен за Грција и затоа е непознато како воопшто се нашол во реката.

Најзастапен е во Австралија и Нов Зеланд, а живее во реки, големи езера, лагуни, а понекогаш и по должината на бреговите.

-Вработените во единицата за управување ги пречка пријатно изненадување бидејќи при научно набљудување на делтата на Еврос забележаа црн лебед, напишаа на Фејсбук од надлежните за Националниот парк објавувајќи фотографии од ретката појава.

Тошковски: МВР ќе ја гарантира безбедноста на секој набљудувач

Изјава по остварена средба со претставници од Фондацијата „Ромите за демократија“ кои денеска организираа протестен марш од ДИК до МВР.

Тие протестираа заради закани кои биле упатени кон нивни набљудувачи за време на првиот круг од Претседателските избори 2024.

Министерот за внратрешни работи во техничката влада, Панче Тошковски изјави дека МВР ќе ја гарантира безбедноста на секој набљудувач за време на изборниот процес.

Кремљ ги дефинираше како неосновани обвинувањата на САД дека користеле хемиско оружје

 Кремљ ги оквалификува како неосновани американските обвинувања дека руските сили користеле хемиско оружје во Украина.

Портпаролот на Кремљ, Дмитриј Песков, изјави дека Москва останува обврзана со договорот за забрана на употреба на хемиско оружје.

Стејт департментот ја обвини Русија дека го користела хемиското оружје „хлорпикрин“ против украинските сили со што ја прекршува Конвенцијата за забрана за употреба на хемиско оружје.

„Употребата на тие хемикалии не е изолиран инцидент и најверојатно е мотивирана од желбата на руските сили да ги отстранат украинските сили од зацврстените позиции и да постигнат тактички напредок на бојното поле“, соопшти Стејт департментот. /МИА

притисни ентер