Стоилковски: СДСМ и Заев мора да кажат од кога Заев соработува со Силберстин

Јавното обвинителство мора да отвори истрага за комуникацијата на Зоран Заев преку неговиот личен телефон со лажниот Петро Порошенко и сите пораки и информации кои што му ги изнел бидејќи постојат сериозни индиции за повеќе кривични дела.

Пораките на Заев објавени во медиумите, покажуваат дека тој во кабинетот на Владата одржувал средби со контроверзниот лик Тал Силберстин, човек посочуван од страна на австрискиот канцелар, Себастијан Курц како главно осомничен за креирање на аферата поради која што падна австриската влада. Е токму тој бил примен од страна на Зоран Заев во кабинетот на премиерот во Владата на Република Македонија, и тоа токму во периодот кога се случувала аферата во Австрија. Па дали Заев имал или немал врска со случувањата во Австрија, која е долгогодишен, докажан пријател на Република Македонија.

Тал Силберстин, човекот од фотографијата со Заев, која што заврши кај лажниот Порошенко, фотографијата заврши кај комедијантот кој се претставувал како Порошенко што е друга афера, е лице со дебело меѓународно досие. Против Силберстин се водат процеси во Израел, но и во Романија. Човекот има дебело досие за перење пари, попречување на правда, за нелегално организирање финансирање на политички изборни кампањи, потоа досие за поткуп, фалсификување на документи и за други дела. Неговото име се споменува дури и во Гвинеја, за каде се вели дека заедно со другите обвинети во случајот во Романија, го поткупил претседателот на државата за да се стекнат со рудник за дијаманти вреден милијарди долари!

Е па почитувани, Владата мора да одговори, што бара ваков човек на средба во премиерскиот кабинет? Зошто бил примен овој човек во Владата? На чие барање, дали на покана на премиерот или пак сам се поканил? Има ли записник од оваа средба? За што се разговарало? Го проверил ли некој досието на Силберстин пред да биде договорена таа средба и пред да влезе во Владата? Има ли воопшто безбедносен или било каков протокол во Владата или се сѐ сведува на поставување знаменца кому-како прво им доаѓа на рака?

СДСМ и Заев мора да кажат од кога Заев соработува со Силберстин? Дали до сега ги користел неговите услуги и колку и од каде се платени? Против овој човек се водел процес дека примил 400.000 евра за водење пропаганда со лажни вести, па дали за тоа била средбата со Заев во Владата? Но и во кој период пред, за време или по локалните, референдумот или пак претседателските избори, имале договор и соработувале?

Тоа што е најстрашно, за ваква матна соработка јавноста немаше да разбере доколку Заев лично не му го препорачал Силберстин, со фотографија со порака со сѐ на лажниот Порошенко преставувајќи го како одлично момче. Очигледно многу добро се познаваат.

Ова ги минува сите граници, ништо освен оставка на кланот со Заев на власт не е опција. Заев замини си, на Македонија и е потребна итна обнова, од корен!

Наум Стоилковски, портпарол на ВМРО-ДПМНЕ

Министерот Османи на средби со црногорскиот државен врв

Реафирмирање на традиционалните и пријателски односи меѓу Македонија и Црна Гора, зголемена економска соработка и евроинтегративните перспективи биле во фокусот на средбите на министерот Бујар Османи со црногорскиот државен врв.

Соработката во економијата, туризмот и трговијата како и таа која произлегува од интегративниот процес за Европската унија ги утврдува Македонија и Црна Гора на курсот на традиционално добрите пријателски односи во рамките на кои денешната посета на шефот на Македонската дипломатија Османи на официјална Подгорица е реафирмација на тој курс.

,,Изразив уверување дека Македонија ќе успее да го надмине застојот на својот европски пат , имајќи во предвид дека нашите драги пријатели во Скопје покажаа висок степен на демократска зрелост , одговорност и подготвеност да ги решаваат сите отворени прашања со соседите.Тоа е немерлив придонес кон зачувување на стабилноста и просперитетот на Западен Балкан.

Министерот за надворешни работи османи од своја страна нагласи дека е секогаш добро да се биде меѓу пријателите од регионот кој се соочува со низа предизвици на патот на европската перспектива,

Покрај билатералните односи, на средбата во Подгорица, биле отворени и темите за соработката во рамки на НАТО сојузништвото. Посетата на министерот Османи во Подгорица,ВКЛУЧУВА СРЕДБИ со претседателот на државата Мило Ѓукановиќ, претседателот на црногорскиот Парламент Алекса Бечиќ, премиерот Здравко Кривокапиќ и потпретседателот на Владата Дритан Абазовиќ.

ВМРО-ДПМНЕ со собирање потписи ќе го укинува пописот – од СДСМ ги повикаа да се откажат

Темата за пописот била дел од средбата на евроамбасадорот Гир со координаторот на пратеничката група на ВМРО-ДПМНЕ, Мицевски...Од СДСМ пак ја повикаа опозицијата да се откаже од петицијата против пописот.

ВМРО-ДПМНЕ со собирање на потписи ќе го укинува Законот за попис кој вчера беше изгласан во Собранието..

За опозициската партија законот бил протуркан на сила и ја обвинуваат власта дека не сака статистички попис, туку попис со кој би се испониле нечии политички концесии.. Прашањето за пописот денеска бил една од темите на средбата на координаторот Никола Мицевски со евроамбасадорот Дејвид Гир

Оваа пролет државата по цели 19 години ќе спроведе попис согласно сите меѓународни стандарди, пратениците ќе набљудуваат како тече неговото спроведување, велат од СДСМ.

Независно од успешноста на иницијативата на ВМРО-ДПМНЕ за собирање 10.000 потписи за оспорување на Законот за попис, нема реална можност да се спречи неговото спроведување,односно без донесување на легален правен акт кој ќе го спречи или одложи или ќе го укине донесениот закон, изјави пратеничката Славјанка Петровска

,,До овој момент и се додека трае и е во сила Законот кој вчера беше изгласан, пописот ќе биде спроведен. За да се поништи овој Закон треба правен акт со кој се поништува Законот за попис за да може да се спречи одржувањето на пописот. Формално правно да, меѓутоа затоа реков целата процедура да се истера. Само собирањето на потписи само по себе не значи ставање вон сила на овој Закон, вели Петровска.

И првиот вицепремер Артан Груби е убеден дека пописот ќе се одржи во април годинава, и очекува да се попишат сите граѓани..Груби на новинарско прашање рече дека изјавата на заменик директорот на Државниот завод за статистика Иљми Селами, дека е можно пописот да се одложи поради корона пандемијата, и евентуален бојкот,било негов но не и став на ДУИ..

Со гласовите и на партиите од албанскиот опозициски блок, Собранието вчера го донесе Законот за попис

Заводот за статистика најави дека следната недела ќе биде објавена методологијата на пописот согласно сите светски стандарди..

Полицијата во Лондон растури свадба со 400 гости, сватовите казнети со 10.000 фунти

Бритинската полиција денеска објави дека растуриле свадба со скоро 400 гости во Лондон, организирана и покрај забраната за собирање голем број луѓе поради пандемијата.

Според строгите мерки воведени на почетокот на годината, свадби може да се прават само во „исклучителни околности“ и само на шест лица им е дозволено да се соберат.

Но, полицијата пронашла стотици луѓе во училиште во Стемфорд Хил во северен Лондон. Прозорците биле покриени така што не можело да се види што се случува внатре.

Организаторот се соочува со парична казна од 10.000 фунти.

Бројот на лица заразени со коронавирус во Велика Британија вртоглаво се зголеми кон крајот на минатата година по појавата на новиот сој на вирусот, што доведе до повторно воведување на карантин, вклучително и строги правила за свадби.

Дневниот број на нови инфекции се намали од скоро 70 000 на 8 јануари на нешто помалку од 40 000 последниве денови, но властите се загрижени дека многумина не ги следат правилата, па вирусот продолжува да се шири.

Британскиот министер за внатрешни работи, Прити Пател, вчера предупреди дека прекршувањето на правилата се казнува со парични казни и најави воведување нова парична казна од 800 фунти за секој присутен на домашни забави.

притисни ентер