Пендаровски до Борисов во Сараево : Љубави, како си ти?

На социјалните мрежи се споделува видео на кое бугарскиот премиер Борисов на маргините на самитот во Сараево го покани македонскиот Претседател Пендаровски да остане во друштво со него и со српската Премиерка, Брнабиќ. 

При поздравувањето со Бугарскиот премиер, македонскиот претседател Пендаровски изговори фраза која е тотално политички атипична и која предизвика бура на шеги по социјалните мрежи.
Дополнително, Пендаровски му пренеси топли поздрави на Борисов од македонскиот премиер Заев, со зборовите „поздрав од Зоки“!
За потсетување, Пендаровски во емисијата „360 степени“ емитувана на 21 Јуни годинава, изјави дека Гоце Делчев се декларирал за Бугарин, што веднаш ги охрабри уште повеќе бугарските апетити за оспорување на нашата, македонска колективна меморија но и историски факти.
Токму таа , за многумина несреќна изјава на Пендаровски за нашиот херој Делчев, наиде на пофалби кај Бојко Борисов, Андреј Ковачев и други видни бугарски политичари

Девојка откри како изгубила 22 килограми без да влезе во теретана(ФОТО)

Жена од Австралија изгубила повеќе од 22 килограми за неколку месеци без да стапне во теретана.

Анџела Боујер (22) започнала да се дебелее поради лошата диета и вели дека веројатно не јадела ништо зелено цели две години.

Но, пред три години, таа одлучила да го промени својот животен стил и да се фокусира на фитнес. За жал, била премногу исплашена за да оди во теретана, открила за news.com.au.

И покрај тоа, таа успеала да ја намали тежината само со вежбање на отворено и дома, а се фокусирала главно на вежби за слабеење и тренинг со висок интензитет (HIIT). „Почнав полека со еден тренинг неделно и полека го надградував на почести тренинзи, за да достигнам најмалку пет пати неделно“, објасни таа.

Таа вели дека читала списанија и пребарувала на интернет како да вежба без теретана и само ги следела советите.

Денес ја следат повеќе од 100.000 луѓе на Инстаграм, каде ја покажува својата импресивна нова фигура и споделува совети за вежбање. Таа веќе не се плаши од теретана и ја вклопила во својата рутина.

Иако е насочена кон здрава исхрана со многу протеини како пилешко, говедско и путер од кикирики, сепак успева да изеде и храна како сладолед или хамбургери. „Не треба одеднаш да престанете да јадете сè “, предлага таа. „Полека, чекор по чекор.

За сите оние кои се заинтересирани за обновување на сопствената диета, таа им препорачува да почнат да бараат здрави алтернативи за нивната омилена храна и полека да ги вметнуваат во нивниот план за исхрана.

suns out 🌞

A post shared by 𝐀𝐍𝐆𝐄𝐋 𝐁𝐎𝐖𝐘𝐄𝐑 👼🏽 (@angelmaybowyer) on

Убиецот на Џон Ленон по 40 години и се извини на Јоко Оно

Марк Чепмен, човекот кој го уби Џон Ленон, и се извини на неговата вдовица Јоко Оно 40 години по убиството.

Во 1980 година, Чепмен го застрела Ленон четири пати пред неговиот стан во Менхетен, додека Оно била таму. Минатиот месец, судот го одби неговото барање за условно ослободување по 11-ти пат, пишува Би-Би-Си.

За време на сослушувањето, Чепмен рече дека ја убил 40-годишната sвезда поради слава и дека заслужува смртна казна. Тој додаде дека цело време размислувал за грозоморниот чин и прифаќа дека може да го помине остатокот од својот живот во затвор.

„Само сакам да повторам дека жалам за моето злосторство“, рече Чепмен пред одборот за помилување во затворот Венде во американската држава Њујорк. "Немам изговор. Тоа беше за моја слава. Мислам дека тоа е најлошото злосторство што може да го сториш на некој што е невин".

"Тој беше исклучително познат. Јас не го убив поради неговиот карактер или за тоа каков човек беше. Тој беше семеен човек. Тој беше икона. Тој беше некој што зборуваше за работи за кои можеме да зборуваме сега и тоа е одлично".

"Го убив, да го употребам твојот збор, бидејќи тој беше многу познат и тоа е единствената причина. Бев желен за слава и многу себичен", додаде тој.

"Сакам да го додадам и да го потенцирам. Тоа беше исклучително себичен чин. Жал ми е за болката што и ја предизвикав на Оно. Мислам на тоа цело време".

Пред пет години, јапонската уметничка, сега на 87 година, која се спротивстави на какво било негово барање за ослободување, за Дејли бист изјави дека живее во страв да дека ќе излезе од затвор.

"Ако го сторил тоа еднаш, можеше да го стори повторно, на некој друг. Може да бидам јас, може да биде Шон (нејзиниот син), Секој може, па затоа сум загрижена", рече Оно.

Документите од последното рочиште што го одржа Здружението за печат откриваат дека комитетот го одбил неговото ослободување со образложение дека тоа би било „некомпатибилно со благосостојбата на општеството“.

Чепмен имал 25 години кога го убил Ленон. Денес има 65 години, тој е оженет и неговата сопруга живее во близина на затворот каде што е затворен последните осум години. На сослушувањето, тој се опиша себеси како длабоко религиозен и побожен христијанин.

Чепмен е исто така службеник во посебен дел од затворот, каде што е сместен заради сопствена безбедност.

Убиецот на Ленон го носел романот „Ловец на жито“ од Селинџер кога го извршил убиството. Говорејќи за тоа, рече дека се идентификувал со изолацијата и осаменоста на главниот лик.

Тој додаде дека заслужува смртна казна, што е укината во Њујорк во 2007 година, додека последен пат била извршена во 1963 година.

„Кога свесно планирате нечие убиство и знаете дека не е во ред и го правите тоа за себе, тоа е според мене е за смртна казна“, рече Чепмен.

„Некои не се согласуваат со мене, но секој добива втора шанса.

На прашањето дали правдата е задоволена, Чепмен рече дека не заслужува ништо. „Ако законот и вие одлучите да ме оставите овде до крајот на мојот живот, не се жалам.

Во својата одлука, Комитетот за поправки и надзор на заедницата во Њујорк соопшти дека смета дека изјавата на Чепмен дека „срамот носи слава“ е вознемирувачка и препорачува „личен раст и продуктивно користење на времето“.

Комитетот исто така забележа дека „себичниот чин на Чепмен им ја украде можноста на идните обожаватели да ги искусат зборовите на инспирација што овој уметник им ги дал на милиони луѓе“.

„Вашиот насилен чин предизвика уништување не само на семејството и поранешните членови на бендот, туку и на целиот свет“, се додава во одлуката.

Чепмен следниот пат ќе се квалификува за условно ослободување по две години.

Позната е причината за мистериозниот помор на 330 слонови во Африка

Отровот произведен од микроскопски алги во водата предизвикал необјаснива смрт на стотици слонови во Боцвана, каде што живее третина од популацијата на сите африкански слонови, велат властите.

Ситуацијата стана алармантна откако труповите на мртви животни биле забележани во делтата на реката Окаванго помеѓу мај и јуни.

Би-Би-Си пишува дека по неколкумесечни тестови, спроведени во специјални лаборатории во Јужна Африка, Канада, Зимбабве и САД, официјалните лица објавија дека досега умреле дури 330 слонови од голтање цијанобактерии. Ловокрадството дефинитивно е исклучено како причина за смртта.

Споменатите отровни бактерии можат да се појават сосема природно во стоечка вода, но понекогаш прераснуваат во т.н. диви сино-зелени алги.

Многу мртви слонови биле пронајдени во близина на местото за напојување, но експертите досега не биле сигурни дека цијанобактериите се виновни за масовната смрт, бидејќи тие најмногу се појавуваат на рабовите, т.е. на брегот, а слоновите обично пијат вода од средината на езерата или реките.

„Убиствата престанаа на крајот на јуни 2020 година, што коинцидира со процесот на сушење на делтата“, рече на прес-конференција во понеделникот Мади Рубен, главен ветеринар на Одделот за диви животни и национални паркови.

Бидејќи не биле отстранети телата на слоновите, ловокрадството било исклучено уште во јуни како причина за смртта, како и труењето со антракс, изјави висок службеник на Одделот за диви животни Сирил Таоло.

"Сепак, ние сè уште бараме одговори на многу прашања - зошто умреле само слоновите и зошто само во таа област. Истражуваме голем број хипотези", додаде Рубен.

Цијанобактерии, исто така познати како сино-зелени алги, може да се најдат низ целиот свет, особено во мирни води кои се богати со хранливи материи. Некои видови произведуваат токсини кои влијаат на животните и луѓето.

Луѓето можат да бидат изложени на цијанобактериски токсини со пиење или капење во контаминирана вода. Симптомите вклучуваат иритација на кожата, грчеви во стомакот, повраќање, гадење, дијареја, треска, болки во грлото и главоболка.

Птиците и рибите исто така можат да бидат отруени од високо ниво на цијанобактерии.

притисни ентер