Град Скопје ќе ги гради долго најавуваните тунели под Кале

Со потпишувањето на договорот за основниот проект започнуваат активностите на град Скопје околу изградбата на булеварот кој покрај влада преку мост на Вардар и тунели под Кале ќе излегува на Пластичарска.

 Основниот проект турската компанија треба да го заврши до нова година а потоа треба да се избере изведувач. Проценките се дека овој капитален проект ќе чини 30 милиони евра а во употреба би требало да се пушти кон крајот на 2021 или на почетокот на 2022 година.

Компанијата од Анкара во своето портфолио го има дизајнирано најдолгиот тунел од 12 километри во Турција како и многу клучки и мостови.

Ова е идеја стара 60 години. Еден од инженерите од тоа време дочекал да биде вклучен во неговата реализација.

Со овој капитален објект се проценува дека од Водњанска до Чаир ќе се стигнува за 5 минути нешто за што сега се потребни во најдобар случај 20 минути што треба да го намали и загадувањето а ќе се намалат и гужвите кај Мавровка каде дневно поминуваат околу 80 илјади возила.

ВМРО-ДПМНЕ: Заев да се слика со двојазичните табли во Прилеп

Зоран Заев е толку загазен во криминал, расипништво и неработење што не знае дека денеска не бил во Полошкиот туку беше во Пелагонискиот регион, реагира Петар Ристоски, претседател на ОК на ВМРО-ДПМНЕ Прилеп.

Денеска во Прилеп дојде шефот на рекетарската банда, Зоран Заев, кој заедно со неговите извршители на локално ниво промовираа 4 автобуси, секој вреден по неверојатни 250.000 евра народни пари, набавка чија позадина и начин на спроведување допрва ќе се проверува.

Денеска во Прилеп е човекот кој е најодговорен за уништувањето на градот, човекот кој токму од тука се посмеваше со целата јавност дека немало да го промени државното име и човекот кој од Прилеп ја најави двојазичноста во целата држава.

Кога веќе е тука Зоран Заев, покрај промоцијата на автобусите на метан што со гориво ќе се снабдуваат дури од Битола, како љубител на правење селфи, го повикуваме да се фотографира со новата двојазична табла наместена на Фондот за здравство, како и со таблата на споменикот на Александар Македонски, каде благодарение на предавствата од владата што тој ја предводи стои натпис дека Александар еличност од хеленската историја.

СДСМ: Обидите на ВМРО-ДПМНЕ преку дезинформации да ги спасат криминалците и тајкуните нема да успеат

Ништо не се менува во ВМРО-ДПМНЕ, партијата симбол на криминалот и коруптивното владеење, се наведува во реакцијата на СДСМ на прес конференцијата на Димче Арсовски од ВМРО-ДПМНЕ . 

Во белиот дворец продолжуваат со ширење на лажни вести и невистини, повикувајќи се на дезинформации објавени во медиуми, што говори за степенот на очај во опозициската партија. Станува јасно дека како што се развива истрагата за случајот Рекет, така паниката во ВМРО-ДПМНЕ е се поголема. 

Надлежните институции да расчистат како исказот на еден од осомничените стигнал до медиумите, а Јавното обвинителство за гонење организиран криминал и корупција да се изјасни за веродостојноста на објавениот исказ. 

Објавувањето на вакви доверливи документи со цел да се поткопа истрагата е кривично дело. Истовремено, доколку се докаже дека одредени медиуми манипулирале со содржината на документот, мора да следува одговорност согласно правните норми. 

Тајкуните создадени од режимот на Никола Груевски, впрегнати со Христијан Мицкоски и ВМРО-ДПМНЕ, прават се за да ја срушат правната држава, да не се донесе законот за ЈО,  да се загрози евро-интеграцијата на земјата и да се спасат од одговорност.

Но, јалови се обидите на ВМРО-ДПМНЕ преку дезинформации да ја наруши постапката и да ги заштити криминалците и своите тајкуни, ќе одговараат сите за кои низ судска потапка ќе се докаже вмешаност во овој случај. 

Уште еднаш, ги повикуваме надлежните институции да ја забрзаат истрагата, да се лоцираат нарачателите, извршителите и помагачите и сите, од прв до последен, да одговараат за своите постапки. 

Правда и одговорност, ќе има, реагираат од СДСМ.

Заев: Се надевам дека патот Градско-Прилеп ќе продолжи да се гради

Владата го раскинала договорот со фирмата која го градеше патот Градско – Прилеп.

Премиерот Заев најави дека се во постапка за изнаоѓање нов изведувач, а се надева дека набрзо ќе продолжи изградбата на овој важен патен правец..

притисни ентер