Студенти од ФЕИТ наградени за најдобар проект на ICAMES 2019

Годинава, 24-тото издание на ICAMES се одржа од трети до деветти мај во Истанбул, Турција, во организација на Друштвото на инженери од Универзитетот Богазиџи. 

 Проектот „Концепт за напреден систем за домување на возрасни лица" на студентите Катерина Билбилоска, Милан Јанковски, Матеј Пунтевски и Константин Кузмановски од Факултетот за електротехника и информациски технологии освои награда најдобар проект во категоријата симулација на Меѓународната културна и академска средба на студентите по технички науки (International Cultural and Academic Meeting of Engineering Students – ICAMES 2019).

Годинава, 24-тото издание на ICAMES се одржа од трети до деветти мај во Истанбул, Турција, во организација на Друштвото на инженери од Универзитетот Богазиџи. Според менторот на студентите, вонредниот професор Александра Крколева Матеска, овој настан има повеќедимензионален карактер – академски, натпреварувачки, социјален и мултикултурен.

Со ова, студентите на ФЕИТ ја продолжуваат традицијата на освојување награди, затоа што и минатата година освоија награда на ICAMES 2018, за проектот за енергетска ефикасност за зградата на Факултетот, кој ги интегрира конвенционалните и обновливите извори на енергија.

– Покрај натпреварувачкиот дел, во кој се претставуваат студентски проекти и се вреднуваат студентските достигнувања, учесниците имаат исклучителна можност да се запознаат и да се дружат со своите колеги кои доаѓаат од повеќе земји во светот. Оваа година, на ICAMES 2019 учествуваа студентски тимови од повеќе земји, вклучувајќи ги Финска, Италија, Украина, Азербејџан, Турција, Јордан, Египет, Бангладеш, Северна Македонија а дел од земјите беа претставени од повеќе тимови. Студентските проекти треба да бидат поврзани со однапред зададена тема. Oваа година темата беше роботика и вештачка интелигенција, вели професорката.

Македонскиот тим е составен од студенти од студиската програма Електроенергетски системи од ФЕИТ. Според нив, ова признание претставува „можност да се направи нешто повеќе отколку само да се студира. Претставува почеток на наредните успеси на различни настани и конференции, прозорец да се продолжи напред и како тим и како поединци.

Практично, наградата за најдобар конкретен (изведен) проект и наградата за најдобар проект во категорија симулација се највисоки признанија кои можат да се добијат на ICAMES. Оценувачите, кои беа составени од менторите на студентските тимови и еминентни професори од Универзитетот Богазиџи, особено го вреднуваа трудот и резултатите на самите студенти, нивните идеи и начинот на кој ги претставуваат своите проекти.

ВМРО-ДПМНЕ: За Заев е поважен Законот за дроги отколку евроинтеграциите

Зоран Заев и СДСМ среде трагедијата со отворање на македонската интеграција за почеток на преговори во ЕУ, туркаат закон за дроги, туркаат закон и се грижат за закон за богатење на личните семејни бизниси на кланот Заеви. 

За Зоран Заев поважен е Законот за дроги за да спечалат семејните фирми во Свети Николе, Карбинци и во Валандово, отколку македонските евроинтеграциите. Уште повеќе, се злоупотребува европското знаменце за тоа. Демек законот е европски, а нема ниту еден наведен референтен европски закон на кој што би се повикувал овој закон.

Зоран Заев, се сретна со Биг Мајк, таканаречениот крал на марихуаната, по која што средба тој објави дека Македонија ќе се претворела во суперсила на марихуаната. И по таа средба Заев изготви закон со кој што има личен интерес, кон лично богатење, и тоа со европско знаме го достави пред пратениците.

Какво лицемерие, каква злоупотреба на политичката моќ, на позицијата, на политичката функција, каква корупција!

Ова е доказ дека Заев, бизнисменот кој што нема ништо наведено на свое име во анкетниот лист, ја злоупотребува моќта и позицијата за насочување на економските текови на државата во насока на само и само богатење на своите бизниси. Ова е чист случај на корупција и злоупотреба на позиција. Прво неговите компании, неговите семејни бизниси добиваат лиценца за фарми за марихуана, а сега се предлага закон за извоз на непреработена марихуана, за цвет од марихуана.

Згора на тоа, среде одлучувањето за македонските интеграции, Заев предлага закон што ќе ја претвори Македонија во земја извозник на дрога, на цвет од канабис, непреработен во медицинско масло, со што отвора можност сите нарко – картели од регионот да се обидат преку Македонија да изнесуваат дрога во светот.

Зоран Заев е само пример како картелот на власт, октоподот, ја злоупотребуваат власта за лични богатења. Политичките функции се злоупотребуваат за лични богатења на семејните бизниси.

Затоа бараме сите политичари што вршат јавни функции, доколку се сопственици, акционери или косопственици на одредени компании, нив суштински да ги отуѓат, бидејќи отвораат можност за корупција и за насочување на економските текови во државата кон лични цели.

Формалното бришење од сопственост, или формалното замрзнување на своето делување во семејните компании или пак компаниите каде што имаат удел политичарите и јавните функционери, како Заев, отвора реална можност за злоупотреба на позицијата на моќ.

Изјава за медиумите на Наум Стоилковски, портпарол на ВМРО-ДПМНЕ

Француските медиуми за противењето на Париз за старт на преговорите со Северна Македонија и Албанија

Парискиот весник „Ле Монд" под наслов „Франција и Холандија им ја затворија вратата на  Македонија и Албанија".

Медиумите во Франција му посветуваат големо внимание на противењето на Париз за почеток на преговорите за членство во ЕУ со Македонија и Албанија, притоа изразувајќи неразбирање за позицијата на француската дипломатија и на шефот на државата Емануел Макрон, јави дописникот на МИА.

Парискиот весник „Ле Монд" под наслов „Франција и Холандија им ја затворија вратата на  Македонија и Албанија" наведува дека македонските и албанските дипломати во прв план го ставаат ризикот од дестабилизацијата на Европа доколку биде одложен стартот на преговорите.

Весникот потсетува дека Париз е осамен во Брисел во врска со  Македонија и дека Франција поради тоа била изложена на бројни критики.

„Еурактив" наведува дека Франција „стави бариера на европското проширување", а сервисот на „Еуроњуз" на француски јазик оценува дека „Албанија и Македонија ќе почекаат".

Најтиражниот регионален весник во Франција, „Уест Франс" нагласува дека Балканот добил „студен ветер од Франција", наведувајќи дека Париз „ставил вето" за двете земји.

Француското национално радио „Франс Интер" во својот уводник најостро ја критикува позицијата на француската Влада, која според авторот е спорна. Во пет минутниот коментар авторот Жан Марк Фур се обидува да ја сфати и да ја образложи француската позиција, која му изгледа „неразбирлива и дискутабилна". Уште на почетокот тој вели дека на состанокот на министрите за надворешни работи во Луксембург имало жестока дебата и тоа најмногу поради Париз.

Тој понатаму ги разгледува аргументите на Париз, поради кои не сака да им даде датум за преговори на двете земји. Иако, според „Франс Интер", тие аргументи се исправни и одржливи, сепак со нив се крши ветувањето дадено од Европа и непочитувањето на дадениот збор. Фур сликовито објаснува дека тоа е како „на една екипа која била прва во Втората лига, да и се каже дека не може да влези во Првата".

„Франс Интер" потсетува дека Македонија го промени и името на државата за да добие почеток на преговорите, што и го гарантираше шефицата на европската дипломатија Федерика Могерини. – Но, бидејќи Франција блокира, се е блокирано, оценува „Франс Интер", предупредувајќи дека со ваквата позиција на Париз, Балканот се остава на другите партнери како Кина, Русија или Турција.

– Значи преземајќи ризик да го разочара и стави во очај Балканот, со оглед на историјата на регионот во срцето на Европа, тоа е сомнителен влог (на претседателот Макрон), завршува  коментаторот на францускиот јавен радио сервис./МИА.

Здружената оперативна команда на Армијата го одбележа денот на единицата

 Армијата на Република  Македонија во изминативе 27 години беше лидер и предводнк на усвојување на стандарди предвидени за една држава-членка на НАТО. 

Во северноатлантската алијанса влегува целото македонско општество, но повеќе од јасно е дека Армијата е таа која го предводи патот, истакна денеска командантот на ЗОК, генерал-мајор Павле Арсоски на одбележувањето на денот Здружената оперативна команда.

Во кумановската касарна „Боро Менков" пред претседателот на државата и врховен командант на вооружените сили, Стево Пендаровски, министерката за одбрана, Радмила Шекеринска, началникот на Генералштабот на Армијата, генерал-потполковник Васко Ѓурчиновски, Арсовски порача дека во Армијата допрва претстои сериозна работа за потполно интегрирање во воената компонента на Алијансата

Tој во говорот се осврна на успешно завршените проекти и почнатите процеси во ЗОК, проучувањето на стратегијата за пристапување и интегрирање во НАТО,  креирање на структура на баталјонска борбена група, за команда за операции, реализираните вежби „Одлучен удар 19", „Национален одговор-19", тековната „Регекс-19", како и учеството на меѓународни вежби. Арсоски се осврна и на подготовката на нов Закон за служба во армијата кој треба да помине во собраниска процедура со кој се очекува да се подобри статусот на припадниците на армијата. Во наредниот период, посочи дека почнува нов процес на трансформација на вооружените сили, реформа која ќе се одвива постепено во период од десет години, со кој се очекува Армијата да добие модерен лик со нови способности и капацитети.

-Ова долго патување низ трансформацијата го започнуваме ние кои сега ја раководиме Армијата, но ќе ја завршат генерациите кои доаѓаат по нас. Важно е да се знае дека во новата структура на Армијата има место за секој од нас. Армијата наскоро очекува нова опрема и вооружување. Очекуваме подобрување на условите за живот и работа во нашите касарни и полигони за обука. Очекуваме нови борбени и неборбени возила, нови системи за борбена поддршка и нови платформи на воздухоплови и системи на контрола на македонското небо. Да повторам уште еднаш-модернизацијата ќе биде предуслов за успешна трансформација, рече Арсоски.

Тој изрази надеж дека ќе бидат уште победоносни и успешни во предизивиците кои престојат.

На свеченоста  беа доделени стимулативни мерки на припадниците на ЗОК, а на градоначалникот на Куманово му беше доделена плакета.

Денот на ЗОК се прославува во чест на 17-ти октомври кога во 1878 година бил формиран штабот на македонско-кресненско востание. Денешната свеченост беше можност присутните да се потестат за значењето на востанието и на идејата и целите на ослободителната борба на ова востание, чија што крајна цел било содзавање на независна и самостојна македонска држава. Востанието почнало во село Кресна и за месец биле ослободени 35 села, а на 17 октомври 1878 во село Влахи, била формирана Здружена команда, штаб на македонско востание, чиј началник на штабот бил Димитар Поп Георгиев Беровски.

притисни ентер