Рокот за излез на Британија од ЕУ , според Туск, би траел се додека британскиот Парламент го одобри договорот за Брегзит. Минатата недела Британската премиерка побара одложување до 30 јуни , со тоа што сака да има уреден Брегзит со договор , а потврди и дека е подготвена да ги организира европските избори , доколку на 23 мај Британија и натаму остане членка на ЕУ.
Британскиот Парламент вчера го усвои планот за одложување на Брегзитот до 30 јуни , а Тереза Меј по утрешниот самит во Брисел , повторно ќе седне на маса со опозициските Лабуристиво обид да најде компромис , за нејзиниот договор постигнат со првите луѓе на ЕУ минатата година , да добие зелено светло.
Туск во писмото до лидерите на 27 земји членки на ЕУ наведува дека нема голема надеж дека пред крајот на јуни ќе биде постигнат комнпромисот и ќе биде изгласан Брегзитот во британскиот парламент.
,, Затоа верувам дека треба да расправаме за алтернатива, за подолго одложување. Една од можностите би било флексибилното одложување, што би траело колку што би траело , но не подолго од една година , зашто по овој рок ние ќе треба да решаваме за некои клучни европски проекти.”
Туск додава и дека долготрајното одложување обезбедува поголема сигурност и предвидливост и ќе ја отстрани потребата од постојано повторување на вонредни самити за Брегзит.